Latest News
കോവിഡ്: എ, ബി പ്രദേശങ്ങളിൽ ഓഫീസുകളിൽ 50 ശതമാനം ഹാജർ
അനന്യ അലക്‌സിന്റെ സുഹൃത്ത് ജിജു മരിച്ചനിലയില്‍
സുരേന്ദ്രൻ ഏഴാം സാക്ഷി; കൊടകര കുഴല്‍പ്പണക്കേസില്‍ കുറ്റപത്രം സമർപ്പിച്ചു
ദേശീയപാത വികസനം: ആരാധനാലയങ്ങള്‍ പൊളിക്കേണ്ടി വന്നാല്‍ ദൈവം ക്ഷമിക്കുമെന്ന് ഹൈക്കോടതി
കൃഷിനാശം വരുത്തുന്ന കാട്ടുപന്നികളെ കൊല്ലാം; അനുമതി നൽകി ഹൈക്കോടതി
കനത്ത മഴ: മഹാരാഷ്ട്രയില്‍ മണ്ണിടിച്ചിലില്‍ 36 മരണം

ഒരു വര്‍ഷത്തിനിടെ വാതുവെപ്പുകാര്‍ സമീപിച്ചത് അഞ്ച് നായകന്മാരെ; ഏഷ്യാ കപ്പിനിടെ അഫ്ഗാന്‍ താരത്തേയും കണ്ടു

വാതുവെപ്പുകാര്‍ സമീപിച്ച അഞ്ച് രാജ്യങ്ങളുടെ ക്യാപ്റ്റന്‍മാരും ഐസിസി പൂര്‍ണ അംഗത്വമുള്ള ടീമുകളുടെ നായകന്‍മാരാണ്

Afghanistan's Shahzad Mohammad plays a shot against Scotland during the ICC World Twenty20 2016 cricket tournament at the Vidarbha Cricket Association Stadium in Nagpur, India, Tuesday, March 8, 2016. (Shashank Parade/Press Trust of India via AP)

ദുബായ്: വാതുവെപ്പ് സംബന്ധിച്ച് നിര്‍ണായക വെളിപ്പെടുത്തലുകളുമായി ഐസിസി. കഴിഞ്ഞ ഒരു വര്‍ഷത്തിനിടെ മാത്രം അഞ്ച് ടീമുകളുടെ നായകന്മാരെ വാതുവെപ്പ് സംഘം സമീപിച്ചെന്നാണ് വെളിപ്പെടുത്തല്‍. വാതുവെപ്പുകാരില്‍ കൂടുതല്‍ പേരും ഇന്ത്യാക്കാരാണെന്നും ഐസിസി പറയുന്നു. വാതുവെപ്പുകാര്‍ സമീപിച്ച അഞ്ച് രാജ്യങ്ങളുടെ ക്യാപ്റ്റന്‍മാരും ഐസിസി പൂര്‍ണ അംഗത്വമുള്ള ടീമുകളുടെ നായകന്‍മാരാണ്. എന്നാല്‍ ഇവരുടെ പേര് ഇപ്പോള്‍ വെളിപ്പെടുത്താനാവില്ലെന്ന് മാര്‍ഷല്‍ പറഞ്ഞു.

ഇപ്പോള്‍ നടക്കുന്ന ഏഷ്യാ കപ്പിനിടെ അഫ്ഗാനിസ്ഥാന്‍ വിക്കറ്റ് കീപ്പര്‍ മൊഹമ്മദ് ഷെഹ്‌സാദിനോട് അഫ്ഗാന്‍ പ്രീമിയര്‍ ലീഗില്‍ മോശം പ്രകടനം നടത്താനാവുമോ എന്നാരാഞ്ഞ് വാതുവെപ്പുകാര്‍ സമീപിച്ചിരുന്നുവെന്നും ഐസിസി അഴിമതിവിരുദ്ധ യൂണിറ്റ് മാനേജര്‍ സഅലക്‌സ് മാര്‍ഷല്‍ വെളിപ്പെടുത്തി.

വാതുവെപ്പുകാരില്‍ ഭൂരിഭാഗവും ഇന്ത്യക്കാരാണെങ്കിലും ഇവരെല്ലാം ഇന്ത്യയില്‍ നിന്നാണ് വാതുവെപ്പ് നടത്തുന്നത് എന്നല്ല. അവര്‍ ലോകമെമ്പാടുമുണ്ട്. ഇവര്‍ക്കെല്ലാം ട്വന്റി-20 ക്രിക്കറ്റാണ് ഏറ്റവും കൂടുതല്‍ താല്‍പര്യം. കാരണം ഒത്തുകളിക്ക് ഏറ്റവുമധികം സാധ്യതയുള്ളത് ട്വന്റി-20 ക്രിക്കറ്റിലാണെന്നും മാര്‍ഷല്‍ പറഞ്ഞു. ലോകമെമ്പാടും കൂണുപോലെ ട്വന്റി-20 ലീഗുകള്‍ വരുന്നത് അഴിമതിവിരുദ്ധ യൂണിറ്റിന്റെ ജോലിഭാരം കൂട്ടുന്നുണ്ടെന്നും മാര്‍ഷല്‍ പറഞ്ഞു.

ഏഷ്യാ കപ്പിനിടെ ഷാര്‍ജയില്‍ നടക്കുന്ന അഫ്ഗാന്‍ പ്രീമിയര്‍ ലീഗില്‍ ഒത്തുകളിക്കാന്‍ വേണ്ടി ചിലര്‍ അഫ്ഗാനിസ്ഥാന്‍ താരം ഷെഹ്‌സാദിനെ കണ്ടിരുന്നു. ഇതുസംബന്ധിച്ച് അഫ്ഗാന്‍ ടീം മാനേജ്‌മെന്റ് ഐസിസിക്ക് ഔദ്യോഗിക പരാതി നല്‍കിയിട്ടുണ്ടെന്നും അന്വേഷണം നടക്കുന്നുണ്ടെന്നും മാര്‍ഷല്‍ പറഞ്ഞു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Bookies approached five captains in one year for spot fixing

Next Story
ഗാംഗുലിയുടെ ചോദ്യത്തിൽ രവി ശാസ്ത്രിക്ക് ഉത്തരം മുട്ടുമോ?
The moderation of comments is automated and not cleared manually by malayalam.indianexpress.com