ലണ്ടൻ: ല​യ​ണ​ൽ മെ​സി​യെ​യും നെ​യ്മ​റി​നെ​യും പി​ൻ​ത​ള്ളി റ​യ​ൽ മാ​ഡ്രി​ഡി​ന്‍റെ പോ​ർ​ച്ചു​ഗ​ൽ സൂപ്പർ താ​രം ക്രി​സ്റ്റ്യാ​നോ റൊ​ണാ​ള്‍​ഡോ ഫി​ഫ ലോ​ക​ഫു​ട്ബോ​ള​ർ പു​ര​സ്കാ​രം സ്വ​ന്ത​മാ​ക്കി. റ​യ​ല്‍ മാ​ഡ്രി​ഡി​ന് ചാം​ന്പ്യ​ൻ​സ് ലീ​ഗ് കി​രീ​ട​വും ലാ​ലി​ഗ​യും നേ​ടി​ക്കൊ​ടു​ത്ത പ്ര​ക​ട​ന​മാ​ണ് ക്രിസ്റ്റ്യാനോ​യെ വീ​ണ്ടും പു​ര​സ്കാ​ര​ത്തി​ന് അ​ർ​ഹ​നാ​ക്കി​യ​ത്. ബാ​ഴ്സ​ലോ​ണ​യു​ടെ നെ​ത​ർ​ല​ൻ​ഡ് താ​രം ലീ​ക്ക് മാ​ർ​ട്ടി​ന​സ് ആ​ണു മി​ക​ച്ച വ​നി​ത താ​രം.

റയലിന് ഇരട്ടിമധുരമായി സിനദിൻ സിദാനാണു മികച്ച പരിശീലകനുള്ള പുരസ്കാരം കരസ്ഥമാക്കിയത്. ചെൽസിയുടെ അന്റോണിയോ കോണ്ടെ, യുവെന്റസിന്റെ മാസിമിലിയാനോ അലഗ്രിയെയും മറികടന്നാണു സിദാൻ പുരസ്കാര ജേതാവായത്.

യു​വ​ന്‍റ​സ് താ​രം ജി​യാ​ൻ ല്യൂ​ജി ബു​ഫ​ൺ മി​ക​ച്ച ഗോ​ൾ കീ​പ്പ​റാ​യി തിര​ഞ്ഞെ​ടു​ത്തു. റ​യ​ൽ മാ​ഡ്രി​ഡ് താ​രം കെ​യ്ല​ർ ന​വാ​സ്, ബ​യേ​ണ്‍ മ്യൂ​ണി​ക് താ​രം മ​നു​വ​ൽ ന്യൂ​യ​ർ എ​ന്നി​വ​രാ​യി​രു​ന്നു ഫി​ഫ​യു​ടെ അ​ന്തി​മ പ​ട്ടി​ക​യി​ൽ. ഇം​ഗ്ലി​ഷ് പ്രീ​മി​യ​ർ ലീ​ഗി​ൽ ക്രി​സ്റ്റ​ൽ പാ​ല​സി​നെ​തി​രെ നേ​ടി​യ സ്കോ​ർ​പി​യ​ൻ ഗോ​ളി​ലൂ​ടെ പു​ഷ്കാ​സ് ഗോ​ൾ ഓ​ഫ് ദി ​ഇ​യ​ർ പു​ര​സ്കാ​രം ആ​ഴ്സ​ണ​ൽ താ​രം ഒ​ളീ​വി​യ​ർ ജി​റൂ​ഡ് ക​ര​സ്ഥ​മാ​ക്കി.

മറ്റു പുരസ്കാരങ്ങൾ ഇവയാണ്:

ഫിഫ ഫാൻ: സെൽറ്റിക് ക്ലബ് ആരാധകർ.

ഫെയര്‍ പ്ലേ: ഫ്രാൻസിസ് കോൻ(ടോംഗോ).

ഫിഫ ഫിഫ്പ്രോ ലോക ഇലവൻ: ബു​ഫൺ(ഗോളി), ബൊനൂച്ചി, ആൽവസ്, സെര്‍ജിയോ റാമോസ്, മാര്‍സെലോ(കാവല്‍നിര), ലൂക്ക മോഡ്രിച്ച്, ടോണി ക്രൂസ്, ആന്ദ്രെ ഇനിയേസ്റ്റ(മധ്യനിര), മെസ്സി, നെയ്മർ, ക്രിസ്റ്റ്യാനോ (മുന്നേറ്റനിര).

Fifa team

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook