scorecardresearch
Latest News

മൂന്നടിച്ച് മുന്നിൽ നിന്ന് നയിച്ച് ബെർത്തലോമ്യോ; അഞ്ചാം സീസണിലെ ആദ്യ ഹാട്രിക്ക്

ആദ്യ പകുതിയിൽ മൂന്ന് ഗോളിന് പിന്നിട്ട് നിന്ന ശേഷം ക്യാപ്റ്റൻ ബെർത്തലോമ്യോ ഒഗ്ബെച്ചിന്റെ ഹാട്രിക്കിൽ നോർത്ത് ഈസ്റ്റ് ഒപ്പമെത്തിയത്

മൂന്നടിച്ച് മുന്നിൽ നിന്ന് നയിച്ച് ബെർത്തലോമ്യോ; അഞ്ചാം സീസണിലെ ആദ്യ ഹാട്രിക്ക്

ഗുവഹത്തി: ഒരു ഇടവേളക്ക് ശേഷം ഇന്ത്യൻ സൂപ്പർ ലീഗിൽ പന്തുരുളുമ്പോൾ ആരാധകർക്ക് ആവേശം പകർന്ന് നോർത്ത് ഈസ്റ്റ് യുണൈറ്റ്-ചെന്നൈ മത്സരം. ആദ്യ പകുതിയിൽ മൂന്ന് ഗോളിന് പിന്നിട്ട് നിന്ന ശേഷം ക്യാപ്റ്റൻ ബെർത്തലോമ്യോ ഒഗ്ബെച്ചിന്റെ തകർപ്പൻ പ്രകടനത്തിൽ ആദ്യ പകുതി ഒപ്പത്തിനൊപ്പം അവസാനിപ്പിച്ചു. മൂന്ന് ഗോളുകൾ വീതം നേടിയാണ് ഇരുടീമുകളും ആദ്യ പകുതിയിൽ സമനില പാലിച്ചത്.

ആദ്യ അരമണിക്കൂറിൽ മൂന്ന് പിന്നിട്ടുനിന്ന ശേഷമാണ് നോർത്ത് ഈസ്റ്റ് തിരിച്ചടിച്ചത്. കളിയുടെ 29-ാം മിനിറ്റിൽ ചെന്നൈ വല ചലിപ്പിച്ച് ബെർത്തലോമ്യോ നോർത്ത് ഈസ്റ്റിനെ കളിയിലേക്ക് തിരിച്ചുകൊണ്ടുവന്നു. ഏറെ വൈകാതെ മൂന്ന് മിനിറ്റിനുള്ളിൽ 32-ാം മിനിറ്റിൽ റാഫേൽ അഗസ്റ്റോ നൽകിയ പാസിൽ വീണ്ടും ബെർത്തലോമ്യോ വീണ്ടും നോർത്ത് ഈസ്റ്റിനായി ഗോൾ നേടി. 39-ാം മിനിറ്റിലായിരുന്നു ബെർത്തലോമ്യോയുടെ മൂന്നാം ഗോൾ.

മൂന്നാം ഗോളിലൂടെ നോർത്ത് ഈസ്റ്റിന് ആദ്യ പകുതിയിൽ സമനില ഒരുക്കുക മാത്രമല്ല ഇന്ത്യൻ സൂപ്പർ ലീഗ് അഞ്ചാം പതിപ്പിലെ ആദ്യ ഹാട്രിക് കൂടിയായാണ് ബെർത്തലോമ്യോ നേടിയത്.

Stay updated with the latest news headlines and all the latest Sports news download Indian Express Malayalam App.

Web Title: Berthelemeo scores the first ever hatrick goal in isl fifth edition