ന്യൂഡല്ഹി: ഇന്ത്യ ഓപ്പണ് സൂപ്പര് 500 ബാഡ്മിന്റണ് ടൂര്ണമെന്റില് ഇന്ത്യയുടെ ഒളിമ്പിക് മെഡലിസ്റ്റ് പി.വി. സിന്ധുവിന് ഫൈനലിൽ തോൽവി. കലാശപ്പോരാട്ടത്തിൽ ചൈനയുടെ ഷാംഗ് ബീവനാണ് സിന്ധുവിനെ പരാജയപ്പെടുത്തിയത്.
ഒന്നിനെതിരെ രണ്ടു ഗെയിമുകൾക്കാണ് സിന്ധുവിന്റെ പരാജയം. സ്കോർ: 21-18, 11-21, 22-20. ആദ്യഗെയിം നഷ്ടപ്പെട്ട സിന്ധു രണ്ടാം ഗെയിം അനായാസം സ്വന്തമാക്കിയെങ്കിലും മൂന്നാം ഗെയിമിൽ ഇഞ്ചോടിഞ്ച് പോരാട്ടത്തിനൊടുവിൽ അടിയറവ് പറഞ്ഞു.
