scorecardresearch

Latest News

ഒടുവിൽ ബിസിസിഐ തീരുമാനമായി; കാഴ്ചപരിമിതരുടെ ലോകകപ്പ് നേടിയ ടീമിന് ഒരു കോടി രൂപ പാരിതോഷികം

ബെംഗളൂരുവിൽ നടന്ന ഫൈനലിൽ പാക്കിസ്ഥാനെ തോൽപ്പിച്ചാണ് ഇന്ത്യ കിരീടം നിലനിർത്തിയത്. ഫൈനലിൽ ഒൻപതു വിക്കറ്റ് വിജയമാണ് ഇന്ത്യ സ്വന്തമാക്കിയത്.

ന്യൂഡൽഹി: കാഴ്ചപരിമിതരുടെ ട്വന്റി20 ക്രിക്കറ്റ് ലോക കിരീടം നേടിയ ഇന്ത്യൻ ടീമിന് ഒടുവിൽ ബിസിസിഐയുടെ പാരിതോഷികം. ടീമിന് ഒരുകോടി രൂപ പാരിതോഷികം നൽകാൻ ബിസിസിഐ തീരുമാനിച്ചു. മുൻ സിഎജി വിനോദ് റായിയുടെ നേതൃത്വത്തിലുളള പുതിയ ഭരണസമിതിയാണ് തീരുമാനമെടുത്തത്. രാമചന്ദ്ര ഗുഹ, വിക്രം ലിമായെ, ഡയാന എഡുൽജി എന്നിവരും യോഗത്തിൽ പങ്കെടുത്തു.

ബെംഗളൂരുവിൽ നടന്ന ഫൈനലിൽ പാക്കിസ്ഥാനെ തോൽപ്പിച്ചാണ് ഇന്ത്യ കിരീടം നിലനിർത്തിയത്. ഫൈനലിൽ ഒൻപതു വിക്കറ്റ് വിജയമാണ് ഇന്ത്യ സ്വന്തമാക്കിയത്. ആദ്യം ബാറ്റു ചെയ്ത പാക്കിസ്ഥാൻ 20 ഓവറിൽ 197 റൺസ് നേടിയിരുന്നു. മറുപടി ബാറ്റിങ്ങിനിറങ്ങിയ ഇന്ത്യ 18 ഓവറിൽ ഒരു വിക്കറ്റ് നഷ്ടത്തിൽ ലക്ഷ്യം കണ്ടു.

ഇതിനു മുൻപ് പല തവണ സഹായവും അംഗീകാരവും ചോദിച്ച് ബിസിസിഐയ്ക്ക് കത്ത് എഴുതിയിട്ടുണ്ടെങ്കിലും അന്നൊന്നും ആരും അത് പരിഗണിച്ചിരുന്നില്ല. ഇപ്പോൾ ബിസിസിഐ എങ്ങനെയൊരു സഹായവുമായി മുന്നോട്ടുവന്നതിൽ സന്തോഷമുണ്ടെന്ന് ടീമിന്റെ പരിശീലകൻ പാട്രിക് രാജ്കുമാർ പറഞ്ഞു.

Stay updated with the latest news headlines and all the latest Sports news download Indian Express Malayalam App.

Web Title: Bcci will award rs 1 crore to world cup winning blind indian cricket team sports news

Best of Express