Latest News
കോവിഡ്: എ, ബി പ്രദേശങ്ങളിൽ ഓഫീസുകളിൽ 50 ശതമാനം ഹാജർ
അനന്യ അലക്‌സിന്റെ സുഹൃത്ത് ജിജു മരിച്ചനിലയില്‍
സുരേന്ദ്രൻ ഏഴാം സാക്ഷി; കൊടകര കുഴല്‍പ്പണക്കേസില്‍ കുറ്റപത്രം സമർപ്പിച്ചു
ദേശീയപാത വികസനം: ആരാധനാലയങ്ങള്‍ പൊളിക്കേണ്ടി വന്നാല്‍ ദൈവം ക്ഷമിക്കുമെന്ന് ഹൈക്കോടതി
കൃഷിനാശം വരുത്തുന്ന കാട്ടുപന്നികളെ കൊല്ലാം; അനുമതി നൽകി ഹൈക്കോടതി
കനത്ത മഴ: മഹാരാഷ്ട്രയില്‍ മണ്ണിടിച്ചിലില്‍ 36 മരണം
വടക്കൻ കേരളത്തിൽ ശക്തമായ മഴ തുടരും; ഇന്ന് മൂന്ന് ജില്ലകളിൽ ഓറഞ്ച് അലര്‍ട്ട്
പെഗാസസ് അവസാനിക്കുന്നില്ല; അനില്‍ അംബാനിയും അലോക് വര്‍മയും നിരീക്ഷണപ്പട്ടികയില്‍
കൊടകര കുഴല്‍പ്പണക്കേസില്‍ കുറ്റപത്രം ഇന്ന് സമര്‍പ്പിക്കും
രാജ്യത്ത് 35,342 പേര്‍ക്ക് കോവിഡ്; രോഗമുക്തി നിരക്ക് 97.36 ശതമാനം

കോഹ്‌ലി ഏഴ് കോടി വാങ്ങുമ്പോള്‍ മിതാലിയ്ക്ക് കിട്ടുന്നത് 50 ലക്ഷം മാത്രം; വേതനത്തില്‍ ബിസിസിഐയുടെ നെറികേട്

പെട്ടെന്ന് കൈയ്യടിക്കാന്‍ തോന്നുമെങ്കിലും സ്ത്രീ-പുരുഷ വിവേചനത്തിന്റെ നേര്‍സാക്ഷ്യമാണ് പുരുഷ-വനിത താരങ്ങളുമായുള്ള ബിസിസിഐയുടെ പുതിയ കരാര്‍ എന്നതാണ് വസ്തുത.

മുംബൈ: ഇന്ത്യന്‍ താരങ്ങള്‍ക്കുള്ള വാര്‍ഷിക വേതന കരാറില്‍ ബിസിസിഐ കഴിഞ്ഞ ദിവസം മാറ്റം വരുത്തിയിരുന്നു. പുരുഷ ടീമംഗങ്ങള്‍ക്ക് എ പ്ലസ് കാറ്റഗറി ഏര്‍പ്പെടുത്തിയതും വനിതാ താരങ്ങള്‍ക്കായി സി കാറ്റഗറി ഏര്‍പ്പെടുത്തിയതുമാണ് പുതിയ മാറ്റങ്ങളില്‍ പ്രധാനം.

ആഭ്യന്തര താരങ്ങളുടെ വേതനത്തിലും വര്‍ധനവ് കൊണ്ടു വന്നിട്ടുണ്ട്. പുതിയ തീരുമാനം പ്രകാരം 19 വനിതാ താരങ്ങളാണ് കരാറിന്റെ ഭാഗമാകുന്നത്. പെട്ടെന്ന് കൈയ്യടിക്കാന്‍ തോന്നുമെങ്കിലും സ്ത്രീ-പുരുഷ വിവേചനത്തിന്റെ നേര്‍സാക്ഷ്യമാണ് പുരുഷ-വനിത താരങ്ങളുമായുള്ള ബിസിസിഐയുടെ കരാര്‍ എന്നതാണ് വസ്തുത.

നിലവില്‍ നാല് കാറ്റഗറിയിലാണ് പുരുഷ താരങ്ങള്‍ക്ക് വേതനം നല്‍കുന്നത്. അതിങ്ങനെയാണ്,

ഗ്രേഡ് എ പ്ലസ് – ഏഴ് കോടി
ഗ്രേഡ് എ – അഞ്ച് കോടി
ഗ്രേഡ് ബി – മൂന്ന് കോടി
ഗ്രേഡ് സി – ഒരു കോടി

അതേസമയം, വനിതാ താരങ്ങള്‍ക്ക് നല്‍കുന്നതാകട്ടെ തുച്ഛമായ തുകയാണ്. അതിങ്ങനെയാണ്,

ഗ്രേഡ് എ – 50 ലക്ഷം
ഗ്രേഡ് ബി – 30 ലക്ഷം
ഗ്രേഡ് സി – പത്ത് ലക്ഷം

താരങ്ങളുടെ വേതനത്തിലെ വിവേചനം പകല്‍ പോലെ വ്യക്തമാണ്. ഏറ്റവും ഉയര്‍ന്ന വേതനം വാങ്ങുന്ന വനിതാ താരത്തിന് ലഭിക്കുന്നത് ഏറ്റവും കുറഞ്ഞ വേതനം വാങ്ങുന്ന പുരഷ താരത്തേക്കാള്‍ പകുതിയാണ് എന്നതാണ് ഇതിലെ ഞെട്ടിപ്പിക്കുന്ന വസ്തുത. മിതാലി രാജ്, ജുലന്‍ ഗോസ്വാമി, ഹര്‍മന്‍പ്രീത് കൗര്‍, സ്മൃതി മന്ദാന തുടങ്ങിയവരാണ് എ ഗ്രേഡ് കാറ്റഗറിയില്‍ കളിക്കുന്ന വനിതാ താരങ്ങള്‍. ഇന്ത്യന്‍ നായകന്‍ വിരാട് കോഹ്‌ലി എ പ്ലസ് കാറ്റഗറിയില്‍ ഏഴ് കോടി വേതനം വാങ്ങുന്ന താരമാണ്.

ബിസിസിഐയുടെ ഈ വിവേചനത്തിനെതിരെ ആരാധകര്‍ക്കിടയില്‍ തന്നെ വ്യാപക പ്രതിഷേധമുയര്‍ന്നിട്ടുണ്ട്. 75 ശതമാനമെങ്കിലും വേതന വര്‍ധനവ് ഇന്ത്യന്‍ വനിതാ താരങ്ങള്‍ അര്‍ഹിക്കുന്നുണ്ടെന്നാണ് ആരാധകരും മറ്റും പറയുന്നത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Bcci annual contracts men grade a cricketers get rs 7 crore women grade a cricketers get only rs 50 lakh

Next Story
വിനീത് പോയാലെന്താ, വരുന്നത് മലപ്പുറത്തിന്റെ സ്വന്തം പയ്യന്‍; രണ്ട് സൂപ്പര്‍ താരങ്ങള്‍ ബ്ലാസ്റ്റേഴ്‌സിലേക്ക്
The moderation of comments is automated and not cleared manually by malayalam.indianexpress.com