scorecardresearch

പാകിസ്ഥാന്റെ ബാബർ അസം 2021ലെ മികച്ച ഏകദിന താരം

കഴിഞ്ഞ വർഷം ആറ് കളികളിൽ നിന്ന് 67.50 ശരാശരിയിൽ 405 റൺസാണ് ബാബർ അസം നേടിയത്

ICC ODI Rankings, Babar Azam beats Virat Kohli, Babar Azam no 1 ODI batsman, Babar Azam va Virat Kohli in rankings, Virat Kohli slides to number 2, Babar Azam dethrones Kohli, indian batsman rankings, cricket records, cricket rankinf=gs, rohit sharma, ie malayalam

പാകിസ്ഥാൻ നായകൻ ബാബർ അസമിനെ 2021ലെ ഐസിസി ഏകദിന ക്രിക്കറ്റർ ഓഫ് ദ ഇയർ ആയി തിരഞ്ഞെടുത്തു. കഴിഞ്ഞ വർഷം ആറ് കളികളിൽ നിന്ന് 67.50 ശരാശരിയിൽ 405 റൺസാണ് താരം നേടിയത്.

ദക്ഷിണാഫ്രിക്കയ്‌ക്കെതിരായ 2-1 പരമ്പര വിജയത്തിൽ പാക്കിസ്ഥാന്റെ രണ്ട് വിജയങ്ങളിലും പ്ലെയർ ഓഫ് ദ മാച്ചായ അദ്ദേഹം 228 റൺസുമായി പരമ്പരയിൽ ഏറ്റവും കൂടുതൽ റൺസ് നേടിയ രണ്ടാമത്തെ താരമായിരുന്നു.

ഇംഗ്ലണ്ടിനെതിരെ 3-0ന് തോൽവി വഴങ്ങിയപ്പോഴും പാക്കിസ്ഥാന്റെ ഏക പോരാളിയായിരുന്നു അദ്ദേഹം. മൂന്ന് കളികളിൽ നിന്ന് 177 റൺസാണ് ബാബർ നേടിയത്, മറ്റൊരു ബാറ്റർക്കും പരമ്പരയിൽ 100 റൺസ് നേടാൻ സാധിച്ചില്ല.

അതേസമയം, ദക്ഷിണാഫ്രിക്കൻ അമ്പയർ മറൈസ് ഇറാസ്മസ് അമ്പയർ ഓഫ് ദ ഇയർ ആയി തിരഞ്ഞെടുക്കപ്പെട്ടു. മൂന്നാം തവണയാണ് ഇറാസ്മസ് ഈ നേട്ടം സ്വന്തമാക്കുന്നത്. 2016ലും 2017ലും അദ്ദേഹം തന്നെയായിരുന്നു മികച്ച അമ്പയർ.

ടി20 ലോകകപ്പ് ഫൈനൽ ഉൾപ്പെടെ 2021ൽ മൂന്ന് ഫോർമാറ്റുകളിലുമായി 20 അന്താരാഷ്ട്ര മത്സരങ്ങൾക്ക് ഇറാസ്മസ് മേൽനോട്ടം വഹിച്ചു.

Also Read: പാകിസ്ഥാൻ താരം മുഹമ്മദ് റിസ്വാൻ ഐസിസി ടി20 ക്രിക്കറ്റർ ഓഫ് ദ ഇയർ

Stay updated with the latest news headlines and all the latest Sports news download Indian Express Malayalam App.

Web Title: Babar azam named icc odi cricketer of the year