scorecardresearch
Latest News

ഓസ്ട്രേലിയൻ ഓപ്പൺ: റാഫേൽ നദാൽ പുറത്ത്

ഓസ്ട്രേലിയൻ ഓപ്പണിൽ അട്ടിമറികൾ തുടരുന്നു

മെല്‍ബണ്‍: ഓസ്ട്രേലിയന്‍ ഓപ്പണില്‍ വീണ്ടും വമ്പന്‍ അട്ടിമറി. ലോക ഒന്നാം നമ്പര്‍ താരം റാഫേല്‍ നദാല്‍ ക്വാര്‍ട്ടറില്‍ പുറത്തായി. മാരില്‍ സിലിച്ചുമായുള്ള ക്വാര്‍ട്ടര്‍ പോരാട്ടത്തിന്റെ നിര്‍ണാക അഞ്ചാം സെറ്റ് പൂര്‍ത്തിയാക്കാനാവാതെ പരിക്കുമൂലം നദാല്‍ പിന്‍മാറുകയായിരുന്നു.

ആദ്യ സെറ്റ് 6-3 എന്ന സ്കോറിന് സ്വന്തമാക്കി മികച്ച തുടക്കമാണ് നഡാൻ നേടിയത്. എന്നാൽ രണ്ടാം സെറ്റിൽ 3-6 എന്ന സ്കോറിന് തിരിച്ച് പിടിച്ച് സിലിച്ച് മത്സരത്തിലേക്ക് തിരിച്ചെത്തി. ഇഞ്ചോടിഞ്ച് പോരാട്ടം കണ്ട മൂന്നാം സെറ്റ് 7-6 എന്ന സ്കോറിന് നഡാലാണ് സ്വന്തമാക്കിയത്. എന്നാൽ മൂന്നാം സെറ്റിൽ പേശീവ് വലിവ് അനുഭവപ്പെട്ട നഡാൽ ചികിത്സ തേടിയിരുന്നു.

നഡാലിന്റെ പരുക്ക് മുതലെടുത്ത സിലിച്ച് നാലാം സെറ്റ് 2-6 എന്ന സ്കോറിന് അനായാസം സ്വന്തമാക്കി. അഞ്ചാം സെറ്റിൽ എതിരാളിയുടെ സർവ്വീസ് ബ്രേക്ക് ചെയ്ത് കൊണ്ട് 2-0 എന്ന ലീഡ് സിലിച്ച് സ്വന്തമാക്കിയപ്പോഴാണ് നഡാൽ മത്സരത്തിൽ നിന്ന് പിന്മാറിയത്. സ്കോര്‍ 6-3, -3-6, 7-6, 2-6, 2-0.

നേരത്തെ സെർബിയൻ താരം നൊവാക്ക് ജോക്കോവിച്ചും ഓസ്ട്രേലിയൻ ഓപ്പണിൽ നിന്ന് പുറത്തായിരുന്നു.ആറ് തവണ ഓസ്ട്രേലിയൻ ഓപ്പൺ സ്വന്തമാക്കിയ ജോക്കോവിച്ചിനെ കൊറിയൻ താരമാണ് അട്ടിമറിച്ചത്.

Stay updated with the latest news headlines and all the latest Sports news download Indian Express Malayalam App.

Web Title: Australian open 2018 marin cilic reaches semi finals after rafael nadal retires hurt