ബംഗ്ലാദേശിനെതിരെ രണ്ടാം ടെസ്റ്റിൽ ഓസ്ട്രേലിയക്ക് 7 വിക്കറ്റ് ജയം. ബംഗ്ലാദേശ് ഉയർത്തിയ 86 റൺസ് വിജയലക്ഷ്യം 7 വിക്കറ്റ് ബാക്കിനിൽക്കെ ഓസ്ട്രേലിയ മറികടക്കുകയായിരുന്നു. സ്കോർ ഓസ്ട്രേലിയ (377, 87/3) , ബംഗ്ലാദേശ് (305 ,157) . നൈഥൻ ലിയോണാണ് മാൻ ഓഫ് ദ മാച്ച്.

ഓസ്ട്രേലിയ നേടിയ 72 റൺസിന്രെ ഒന്നാം ഇന്നിങ്ങ്സ് ലീഡ് മറികടക്കാൻ ഇറങ്ങിയ ബംഗ്ലാദേശിനെ സ്പിന്നർ നൈഥൻ ലിയോൺ തകർക്കുകയായിരുന്നു. സ്കോർ 50 കടക്കും മുൻപേ 5 മുൻനിര ബാറ്റ്സ്മാൻമാർ കൂടാരം കയറി. 31 റൺസ് എടുത്ത നായകൻ മുഷ്ഫീഖർ റഹ്മാനാണ് ബംഗ്ലാദേശിന്റെ സ്കോർ 100 കടത്തിയത്. എന്നാൽ 6 വിക്കറ്റുകൾ വീഴ്ത്തി ലിയോണും, 2 വിക്കറ്റ് വീഴ്ത്തി സ്റ്റീവ് ഓക്കീഫും ബംഗ്ലാദേശിനെ 157 റൺസിന് പുറത്താക്കി.

86 റൺസ് വിജയലക്ഷ്യവുമായി ഇറങ്ങിയ ഓസ്ട്രേലിയ ഏകദിന ശൈലിയിലാണ് കളിച്ചത്. 3 വിക്കറ്റ് നഷ്ടപ്പെടുത്തിയെങ്കെലും 15 ആം ഓവറിൽ ഓസീസ് വിജയലക്ഷ്യം മറികടന്നു. ഓസ്ട്രേലിയക്കായി മാക്സ്‌വെൽ 25 റൺസ് നേടി. ജയത്തോടെ ടെസ്റ്റ് പരമ്പര 1-1 എന്ന നിലയിൽ പിരിഞ്ഞു. ആദ്യ ടെസ്റ്റ് ഓസ്ട്രേലിയക്ക് എതിരെ ബംഗ്ലാദേശ് ചരിത്ര ജയം നേടിയിരുന്നു.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook