ആഷസ് പരമ്പര: ആദ്യ വിജയത്തിനരികെ ഓസ്ട്രേലിയ

അഞ്ചാം ദിനമായ നാളെ 56 റൺസ് കൂടി നേടിയാൽ ഓസ്ട്രേലിയക്ക് ആദ്യ ടെസ്റ്റിൽ വിജയം സ്വന്തമാക്കാം

ആഷസ് പരമ്പരയിലെ ആദ്യ ടെസ്റ്റിൽ ഓസ്ട്രേലിയ വിജയത്തിനരികെ. 170 റൺസ് വിജയലക്ഷ്യം പിന്തുടരുന്ന ഓസ്ട്രേലിയ നാലാം ദിനം കളി അവസാനിക്കുമ്പോൾ വിക്കറ്റ് നഷ്ടമില്ലാതെ 114 റൺസ് എടുത്തിട്ടുണ്ട്. അഞ്ചാം ദിനമായ നാളെ 56 റൺസ് കൂടി നേടിയാൽ ഓസ്ട്രേലിയക്ക് ആദ്യ വിജയം സ്വന്തമാക്കാം.

നാലാം ദിനം കൂറ്റൻ ലീഡിനായി ഇറങ്ങിയ ഇംഗ്ലണ്ടിന് കാര്യങ്ങൾ എളുപ്പമായിരുന്നില്ല. മുൻനിര വിക്കറ്റുകൾ വീഴ്ത്തി നൈഥൻ ലിയോണും ജോഷ് ഹൈസൽവുഡും ഇംഗ്ലണ്ടിനെ തകർക്കുകയായിരുന്നു. 51 റൺസ് എടുത്ത നായകൻ ജോ റൂട്ട് മാത്രമാണ് അൽപ്പമെങ്കിലും ചെറുത്ത് നിന്നത്.

വാലറ്റത്ത് മൊയീൻ അലിയും ബെയ്സ്റ്റോവും നടത്തിയ വെടിക്കെട്ടാണ് ഇംഗ്ലണ്ടിന്റെ ലീഡ് 100 കടത്തിയത്. മൊയീൻ അലി 40 റൺസും, ബെയ്സ്റ്റോവ് 42 റൺസും എടുത്താണ് പുറത്തായത്. വാലറ്റത്തെ മിച്ചൽ സ്റ്റാർക്ക് തകർത്ത് വിട്ടതോടെ ഇംഗ്ലണ്ട് 195 റൺസിന് പുറത്താവുകയായിരുന്നു. 3 വിക്കറ്റാണ് മിച്ചൽ സ്റ്റാർക്ക് വീഴ്ത്തയത്.

ഇംഗ്ലണ്ട് സമ്മാനിച്ച 170 റൺസ് വിജയലക്ഷ്യം പിന്തുടർന്ന ഓസ്ട്രേലിയക്ക് മികച്ച തുടക്കമാണ് ലഭിച്ചത്. ആക്രമിച്ച കളിച്ച ഡേവിഡ് വാർണർ ഓസ്ട്രേലിയക്ക് തകർപ്പൻ തുടക്കം നൽകി. 86 പന്തിൽ പുറത്താകാതെ 60 റൺസാണ് വാർണർ നേടിയിട്ടുള്ളത്. മറുവശത്ത് ആഷസിൽ അരങ്ങേറ്റം കുറിക്കുന്ന ബാൻകോഫ്റ്റ് 51 റൺസോടെ പുറത്താകാതെ നിൽക്കുകയാണ്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Ashes 2017 australia vs england 1st test day 4 highlights australia 1140 at stumps need 56 more to win

Next Story
സിന്ധുവിനെ വിടാതെ കൗമാര ശാപം: ഹോങ്കോങ് ഓപ്പണ്‍ കിരീടം ചൈനീസ് തായ്പേയ് താരത്തിന്
The moderation of comments is automated and not cleared manually by malayalam.indianexpress.com