Copa America 2021 Argentina vs Paraguay, Uruguay vs Chile: രണ്ടാം ജയം തേടി അർജന്റീന; എതിരാളികൾ പരാഗ്വെ

Copa America 2021 Argentina vs Paraguay, Uruguay vs Chile: രണ്ട് മത്സരം പൂർത്തിയാക്കിയപ്പോൾ ഒരു സമനിലയും ഒരു വിജയവുമായി നാല് പോയിന്റോടെ ഗ്രൂപ്പ് എയിൽ ഒന്നാം സ്ഥാനത്താണ് അർജന്റീന.

Photo: Copa America/Twitter

Copa America 2021 Argentina vs Paraguay, Uruguay vs Chile: കോപ്പ അമേരിക്കയില്‍ അർജന്റീന മത്സരത്തിൽ പരാഗ്വെയെ നേരിടും. അർജന്റീനയുടെ മൂന്നാം മത്സരമാണിത്. ചൊവ്വാഴ്ച ഇന്ത്യൻ സമയം പുലർച്ചെ 5.30നാണ് മത്സരം.

രണ്ട് മത്സരം പൂർത്തിയാക്കിയപ്പോൾ ഒരു സമനിലയും ഒരു വിജയവുമായി നാല് പോയിന്റോടെ ഗ്രൂപ്പ് എയിൽ ഒന്നാം സ്ഥാനത്താണ് അർജന്റീന. ചിലിയുമായുള്ള ആദ്യമത്സരത്തിൽ 1-1ന് സമനിലയിൽപെട്ട അർജന്റീന ഉറുഗ്വായ്ക്കെതിരായ രണ്ടാം മത്സരത്തിൽ എതിരില്ലാത്ത ഒരു ഗോളിന് വിജയിച്ചിരുന്നു.

ആദ്യ മത്സരത്തിൽ 33ാം മിനുറ്റിൽ മെസിയാണ് അർജന്റീനയുടെ ഏകഗോൾ നേടിയത്. 57ാം മിനുറ്റിൽ എഡ്വാറോ വർഗാസിലൂടെ ചിലി ഗോൾ മടക്കി. രണ്ടാം മത്സരത്തിൽ അർജന്റീനയ്ക്കായി ജിഡോ റോഡ്രിഗസാണ് ഒരു ഗോൾ നേടിയത്.

പരാഗ്വെയുടെ രണ്ടാം മത്സരമാണിത്. ആദ്യ മത്സരത്തിൽ ബൊളീവിയയെ ഒന്നിനെതിരെ മൂന്ന് ഗോളുകൾക്ക് പരാഗ്വെ പരാജയപ്പെടുത്തിയിരുന്നു.

ഗ്രൂപ്പിൽ മറ്റൊരു മത്സരത്തിൽ ഉറുഗ്വായും ചിലിയും ഏറ്റുമുട്ടും. ഇന്ത്യൻ സമയം ഇന്ന് അർദ്ധരാത്രി കഴിഞ്ഞ് 2.30നാണ് മത്സരം. ആദ്യ മത്സരത്തിൽ അർജന്റീനയെ സമനിലയിൽ തളച്ച ചിലി രണ്ടാം മത്സരത്തിൽ ബൊളീവിയയെ എതിരില്ലാത്ത ഒരുഗോളിന് തോൽപിച്ചിരുന്നു. അർജന്റീനയ്ക്കെതിരായ ആദ്യ മത്സരത്തിൽ തോറ്റ ഉറുഗ്വായുടെ രണ്ടാം മത്സരമാണ് ചിലിക്കെതിരേ.

ഓരോ ജയവും സമനിലയുമായി നാല് പോയിന്റോടെ ഗ്രൂപ്പിൽ രണ്ടാമതാണ് ചിലി. മൂന്ന് പോയിന്റുമായി പരാഗ്വെ മൂന്നാമതാണ്. ഒരു തോൽവിയുമായി ഉറുഗ്വായ് നാലാമതാണ്. കളിച്ച രണ്ട് മത്സരങ്ങളും തോറ്റ ബൊളീവിയയാണ് ഗ്രൂപ്പിൽ ഏറ്റവും പിറകിൽ അഞ്ചാമത്.

Upcoming Copa America 2021 Matches കോപ്പ അമേരിക്കയിലെ മത്സരങ്ങള്‍

ഉറുഗ്വായ് – ചിലി (പുലര്‍ച്ചെ 2.30)
അർജന്റീന- പരാഗ്വെ (പുലര്‍ച്ചെ 5.30)

Where to watch Copa America 2021 Matches? കോപ്പ അമേരിക്ക 2021 മത്സരങ്ങള്‍ എങ്ങനെ കാണാം?

കോപ്പ അമേരിക്ക മത്സരങ്ങളുടെ തത്സമയ സംപ്രേക്ഷണം സോണി ടെന്‍ ചാനലിലൂടെ കാണാന്‍ സാധിക്കും.

Where to watch live streaming of Copa America 2021 Matches? കോപ്പ അമേരിക്ക മത്സരങ്ങളുടെ ലൈവ് സ്ട്രീമിങ് എങ്ങനെ കാണാം?

കോപ്പ അമേരിക്ക മത്സരങ്ങളുടെ ലൈവ് സ്ട്രീമിങ് സോണി ലൈവ് ആപ്പിലൂടെ കാണം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Argentina paraguay copa america 2021 live streaming live score

Next Story
WTC Final: വെളിച്ചക്കുറവിനെത്തുടർന്ന് മത്സരം നിർത്തിവച്ചു; ന്യൂസീലൻഡിന് 101 റൺസ്
The moderation of comments is automated and not cleared manually by malayalam.indianexpress.com