ലോകകപ്പ് യോഗ്യത: അർജന്‍റീനയ്ക്കും ബ്രസീലിനും സമനില കുരുക്ക്; അർജന്റീനയുടെ നില പരുങ്ങലിൽ

ബോള്‍ പൊസിഷനില്‍ അര്‍ജന്റീനക്കായിരുന്നു മുന്‍തൂക്കമെങ്കിലും സമനിലകുരുക്ക് പൊടിക്കാന്‍ മെസിക്കും കൂട്ടര്‍ക്കും കഴിഞ്ഞില്ല

Messi, Argentina

ബ്യൂണസ് ഐറിസ്: ഫുട്ബോൾ ലോകകപ്പ് യോഗ്യതാ മത്സരത്തിൽ അർജന്‍റീനയ്ക്ക് സമനില. വെനസ്വേലയാണ് അർജന്‍റീനയെ (1-1) സമനിലയിൽ തളച്ചത്. കൊളമ്പിയ ബ്രസീലിനെും സമനിലയില്‍ തളച്ചു.

സമനിലയോടെ അര്‍ജന്റീനയുടെ ലോകകപ്പ് യോഗ്യത വീണ്ടും പരുങ്ങലിലായി. റഷ്യയിലേക്കുള്ള യോഗ്യതക്ക് ജയം അനിവാര്യമായിരിക്കെ അര്‍ജന്റീന ശക്തമായി തന്നെയാണ് തുടങ്ങിയത്. എന്നാല്‍ 49-ാം മിനുറ്റില്‍ വെനസ്വേല ഗോള്‍ നേടി അര്‍ജന്റീനക്കാരെ ഞെട്ടിച്ചു. ജോണ്‍ മറിലോയാണ് ഗോള്‍ നേടിയത്. എന്നാല്‍ മിനുറ്റുകളുടെ വ്യത്യാസത്തില്‍ അര്‍ജന്റീന തിരിച്ചടിച്ചു. 54-ാം മിനുറ്റില്‍ മൗറോ ഇക്കാര്‍ഡിയാണ് അര്‍ജന്റീനയെ ഒപ്പമെത്തിച്ചത്. ബോള്‍ പൊസിഷനില്‍ അര്‍ജന്റീനക്കായിരുന്നു മുന്‍തൂക്കമെങ്കിലും സമനിലകുരുക്ക് പൊടിക്കാന്‍ മെസിക്കും കൂട്ടര്‍ക്കും കഴിഞ്ഞില്ല.

ബ്രസീലിനായി വില്യനും കൊളംബിയക്കായി ഫല്‍ക്കാവോയും ഗോളുകള്‍ നേടി. സമനിലയോടെ കൊളമ്പിയ ലോകകപ്പ് യോഗ്യതാ പ്രതീക്ഷകള്‍ സജീവമാക്കി. ബ്രസീല്‍ നേരത്തെ ലോകകപ്പ് യോഗ്യത ഉറപ്പിച്ചിരുന്നു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Argentina 1 venezuela 1 sampaolis men held to costly draw

Next Story
തോല്‍വി നുണയാതെ ഇന്ത്യ: മക്കാവുവിനെ നീലപ്പട മുക്കിയത് രണ്ട് ഗോളുകള്‍ക്ക്
The moderation of comments is automated and not cleared manually by malayalam.indianexpress.com