സെഞ്ചുറി ദാരിദ്ര്യത്തിന് അന്ത്യം കുറിച്ച് ഇന്ത്യൻ ടെസ്റ്റ് ടീം ഉപനായകൻ അജിങ്ക്യ രഹാനെ. വെസ്റ്റ് ഇൻഡീസിനെതിരായ ആദ്യ ടെസ്റ്റിന്റെ രണ്ടാം ഇന്നിങ്സിലാണ് താരം സെഞ്ചുറി തികച്ചത്. 419 റൺസെന്ന കൂറ്റൻ സ്കോറിലേക്ക് ഇന്ത്യയെ നയിച്ചതും അജിങ്ക്യ രഹാനെയുടെ ഇന്നിങ്സാണ്. 242 പന്തുകൾ നേരിട്ട രഹാനെ 102 റൺസ് നേടി.

രണ്ട് താരങ്ങളുമായി സെഞ്ചുറി കൂട്ടുകെട്ട് തീർക്കാനും രഹാനെക്ക് സാധിച്ചു. നാലാം വിക്കറ്റിൽ നായകൻ വിരാട് കോഹ്‌ലിയുമൊത്ത് 102 റൺസിന്റെയും അഞ്ചാം വിക്കറ്റിൽ ഹനുമാ വിഹാരിയുമായി ചേർന്ന് 135 റൺസിന്റെ കൂട്ടുകെട്ടും രഹാനെ ചേർത്തു. രഹാനെയുടെ കരിയറിലെ പത്താം സെഞ്ചുറിയാണ് ആന്റിഗ്വയിൽ പിറന്നത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook