Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

‘നിങ്ങളെന്തിനാ മനുഷ്യാ വിരമിച്ചത്?’; വീണ്ടും ഞെട്ടിച്ച് ഡിവില്ലിയേഴ്‌സിന്റെ സിക്‌സര്‍

പാക്കിസ്ഥാന്‍ സൂപ്പര്‍ ലീഗില്‍ ലാഹോര്‍ ടീമിന്റെ താരമാണ് എബി ഡിവില്ലിയേഴ്സ്

ക്രിക്കറ്റിലെന്നല്ല എല്ലാ സ്‌പോര്‍ട്‌സിലും ആരാധകര്‍ പ്രിയപ്പെട്ട താരങ്ങളെ സ്‌നേഹത്തോടെ ചെല്ലപ്പേരിട്ട് വിളിക്കാറുണ്ട്. രാജ്യാന്തര മത്സരങ്ങളില്‍ നിന്നും വിരമിച്ച എബി ഡിവില്ലിയേഴ്‌സിനെ മിസ്റ്റര്‍ 360 എന്നാണ് വിളിക്കാറുണ്ട്. മറ്റ് താരങ്ങള്‍ക്ക് പലപ്പോഴും ചെല്ലപ്പേര് അതിശയോക്തി നിറഞ്ഞതാകുമ്പോള്‍ ഡിവില്ലിയേഴ്‌സിന് ഇതിലും മികച്ചൊരു പേരിടാനാകില്ലെന്നതാണ് വാസ്തവം. തന്റെ പേര് അന്വര്‍ത്ഥമാക്കും വിധം ഗ്രൗണ്ടിലെ ഏത് ദിശയിലേക്കും ഏത് കോണിലേക്കും അനായാസം ഷോട്ടുകള്‍ പായിക്കാന്‍ എബി ഡിവില്ലിയേഴ്‌സിന് സാധിക്കും.

സംശയമുള്ളവര്‍ ഇന്നലെ പാക്കിസ്ഥാന്‍ സൂപ്പര്‍ ലീഗില്‍ നടന്ന മത്സരത്തിന്റെ വീഡിയോ കണ്ടാല്‍ മതി. വിരമിച്ചെങ്കിലും താനിപ്പോഴും അതേ എബി ഡിവില്ലിയേഴ്‌സ് തന്നെയാണെന്ന് വിളിച്ചു പറയുന്നതായിരുന്നു ആ ഷോട്ട്. പിഎസ്എല്ലില്‍ ലാഹോര്‍ ടീമിന്റെ താരമാണ് എബി. മുള്‍ട്ടാന്‍ സുല്‍ത്താന്‍സിന്റെ ജുനൈദ് ഖാന്‍ എറിഞ്ഞ 18-ാം ഓവറിലാണ് ഡിവില്ലിയേഴ്‌സ് വ്യത്യസ്തമായൊരു സ്‌കൂപ്പിലൂടെ സിക്‌സ് നേടിയത്. വീഡിയോ കണ്ടവരെല്ലാം ചോദിക്കുന്നത് ഒരേ ചോദ്യമാണ്. ‘നിങ്ങളെന്തിനാ വിരമിച്ചത്?’.

മത്സരത്തില്‍ 29 പന്തുകളില്‍ നിന്നും 52 റണ്‍സുമായി വെടിക്കെട്ട് പ്രകടനം നടത്തിയാണ് ഡിവില്ലിയേഴ്‌സ് ലാഹോറിനെ വിജയത്തിലേക്ക് നയിച്ചത്. അവസാന പന്തുവരെ നീണ്ട കളിയില്‍ ആറ് വിക്കറ്റിനായിരുന്നു ലാഹോറിന്റെ വിജയം. 20 പന്തുകളില്‍ 45 റണ്‍സുമായി മറ്റൊരു ദക്ഷിണാഫ്രിക്കന്‍ താരമായ ഡേവിഡ് വീസും മികച്ച പിന്തുണ നല്‍കി. അഞ്ചാം വിക്കറ്റില്‍ 96 റണ്‍സാണ് ഇരുവരും ചേര്‍ന്ന് നേടിയത്. നേരത്തെ ബാറ്റ് ചെയ്ത മുള്‍ട്ടാന്‍ ടീം 200 റണ്‍സ നേടിയിരുന്നു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Ab de viliers stuns psl with his scoop shot

Next Story
‘ഇതാണ് ഞങ്ങളുടെ തീരുമാനം’; ലോകകപ്പ് വിവാദത്തില്‍ ഒടുവില്‍ നയം വ്യക്തമാക്കി കോഹ്‌ലി
The moderation of comments is automated and not cleared manually by malayalam.indianexpress.com