സയ്യിദ് മുഷ്താഖ് അലി ട്രോഫിയില്‍ വെടിക്കെട്ട് പ്രകടനവുമായി അഭയ് നേഗി. വെറും 14 പന്തുകളില്‍ അര്‍ധ സെഞ്ചുറി നേടിയാണ് അഭയ് ക്രിക്കറ്റ് ലോകത്ത് പുത്തന്‍ താരോദമായി മാറിയിരിക്കുന്നത്. മിസോറാമും മേഘാലയും തമ്മിലുള്ള മത്സരത്തിലായിരുന്നു താരത്തിന്റെ പ്രകടനം. മേഘാലയുടെ താരമാണ് അഭയ് നേഗി.
റോബിന്‍ ഉത്തപ്പയുടെ റെക്കോര്‍ഡും അഭയ് തകര്‍ത്തു. സയ്യിദ് മുഷ്താഖ് അലി ട്രോഫിയിലെ അതിവേഗ സെഞ്ചുറിയുടെ റെക്കോര്‍ഡാണ് അഭയ് തന്റെ പേരിലേക്ക് മാറ്റിയെഴുതിയത്. ഇന്ത്യയില്‍ ടി20 മത്സരത്തിലെ അതിവേഗ അര്‍ധ സെഞ്ചുറിയുടെ റെക്കോര്‍ഡില്‍ കെ.എല്‍.രാഹുലിനൊപ്പമെത്തുകയും ചെയ്തു. ഐപിഎല്ലില്‍ കിങ്‌സ് ഇലവനു വേണ്ടി 14 പന്തില്‍ തന്നെയായിരുന്നു രാഹുലും അര്‍ധ സെഞ്ചുറി നേടിയത്.
MUST WATCH : Meghalaya all-rounder Abhay Negi raised the fastest 50 in the @paytm #MushtaqAliT20 today in just 14 balls.
— BCCI Domestic (@BCCIdomestic) November 17, 2019
രണ്ട് ഫോറും ആറ് സിക്‌സുമടക്കം 50 റണ്‍സുമായി പുറത്താകാതെ നിന്ന നേഗിയുടെ കരുത്തില്‍ 207 റണ്‍സാണ് മേഘാലയ നേടിയത്. രവി തേജയും അര്‍ധ സെഞ്ചുറി നേടിയിരുന്നു. മറുപടി ബാറ്റിങ്ങിന് ഇറങ്ങിയ മിസോറാം പക്ഷെ 25 റണ്‍സകലെ വീണു.
അതേസമയം, ടി20യിലെ അതിവേഗ അര്‍ധ സെഞ്ചുറി നേടിയ ഇന്ത്യന്‍ താരം എന്ന റെക്കോര്‍ഡ് ഇപ്പോഴും യുവരാജിന്റെ പേരിലാണ്. ഇംഗ്ലണ്ടിനെതിരെ 2007 ലെ ടി20 ലോകകപ്പില്‍ നേടിയ 12 പന്തിലെ അര്‍ധ സെഞ്ചുറിക്കാണ് റെക്കോര്‍ഡ്.
Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook
