മുംബൈ: വാംഖഡെ സ്റ്റേഡിയത്തിലെ മൈതാനത്ത് മലയാളികളുടെ പ്രതീക്ഷകൾക്ക് വീണ്ടും നിരാശ. മലയാളി താരം ബേസിൽ തമ്പിക്ക് പകരം മുഹമ്മദ് സിറാജിന് ടീമിൽ ഇടം ലഭിച്ചു. ജസ്പ്രീത് ബുംറയെ പിൻവലിച്ചാണ് സിറാജിനെ ടീമിൽ അവസരം നൽകിയത്.

ടോസ് നേടിയ ഇന്ത്യൻ ക്യാപ്റ്റൻ ബോളിംഗ് ആണ് തിരഞ്ഞെടുത്തത്. ഏയഞ്ചലോ മാത്യൂസിന്റെ അഭാവത്തിൽ ഇറങ്ങുന്ന താരതമ്യേന ദുർബലരായ ലങ്കൻ ടീമിനെ വേഗത്തിൽ പുറത്താക്കാനാണ് ഇന്ത്യൻ ശ്രമം. ബോളിംഗിന്റെ മൂർച്ച കൂട്ടി മൂന്നാം മത്സരവും വിജയിക്കാനുള്ള ശ്രമമാണ് ഇന്ത്യ നടത്തുന്നത്.

ആദ്യ രണ്ട് മത്സരങ്ങളും വിജയിച്ച ഇന്ത്യ ഇതിനോടകം പരമ്പര സ്വന്തമാക്കിയിട്ടുണ്ട്. മൂന്നാം മത്സരവും വിജയിച്ച് സമ്പൂർണ്ണ വിജയം നേടാനാണ് ക്യാപ്റ്റൻ രോഹിത് ശർമ്മയുടെ ലക്ഷ്യം.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook