Latest News

യുഎസ് ഓപ്പണ്‍: വനിത സിംഗിള്‍സ് കിരീടം എമ്മ റാഡുകാനുവിന്; ചരിത്ര നേട്ടം

2014 ല്‍ സെറീന വില്യംസിന് ശേഷം ടൂര്‍ണമെന്റില്‍ ഒരു സെറ്റ് പോലും നഷ്ടപ്പെടാതെ കിരീടം ചൂടുന്ന ആദ്യ താരമാകാനും എമ്മക്കായി

Emma Raducanu, US Open
Photo; Twitter/US Open Tennis

ന്യു യോര്‍ക്ക്: തന്റെ രണ്ടാം ഗ്രാന്‍സ്ലാം ടൂര്‍ണമെന്റില്‍ ചരിത്രം കുറിച്ച് 18 വയസുകാരിയായ ബ്രിട്ടീഷ് താരം എമ്മ റാഡുകാനു. യുഎസ് ഓപ്പണ്‍ വനിത സിംഗിള്‍സില്‍ കാനഡയുടെ കൗമാര താരം ലെയ്ല ഫെര്‍ണാണ്ടസിനെ കീഴടക്കിയാണ് കിരീട നേട്ടം. ഓപ്പണ്‍ എറയില്‍ ക്വാളിഫയര്‍ കളിച്ചെത്തി കിരീടം സ്വന്തമാക്കുന്ന ആദ്യ താരമാണ് എമ്മ. സ്കോര്‍ 6-4, 6-3.

150-ാം റാങ്കുകാരിയായ എമ്മ ടൂര്‍ണമെന്റില്‍ കളിച്ച 20 സെറ്റുകളും വിജയിച്ചു. ഒരു സെറ്റു പോലും നഷ്ടപ്പെടാതെയാണ് തന്റെ ആദ്യ ഗ്രാന്‍സ്ലാം സ്വന്തമാക്കിയത്. ക്വാളിഫയര്‍ റൗണ്ടില്‍ ആറും, നോക്കൗട്ട് റൗണ്ടില്‍ 14 സെറ്റുകളും എമ്മ നേടി. 2014 ല്‍ സെറീന വില്യംസിന് ശേഷം ഒരു സെറ്റ് പോലും നഷ്ടപ്പെടാതെ കിരീടം ചൂടുന്ന ആദ്യ താരമാകാനും എമ്മക്കായി.

44 വര്‍ഷത്തിന് ശേഷമാണ് ഒരു ബ്രിട്ടീഷ് വനിത താരം ഗ്രാന്‍സ്ലാം നേടുന്നത്. 1977 ല്‍ വെര്‍ജീനിയ വെയ്ഡാണ് ഇതിന് മുന്‍പ് ഗ്ലാന്‍സ്ലാം സ്വന്തമാക്കിയ താരം. വിംബിള്‍ഡണിലായിരുന്നു വെര്‍ജീനിയ കിരീടം ചൂടിയത്. ഗ്രാന്‍സ്ലാം നേടുന്ന പ്രായം കുറഞ്ഞ രണ്ടാമത്തെ താരമാണ് എമ്മ. 17-ാം വയസില്‍ ഗ്രാന്‍സ്ലാം നേടിയ മരിയ ഷറോപ്പവയുടെ പേരിലാണ് റെക്കോര്‍ഡ്.

Also Read: തിരിച്ചു വരവില്‍ ഇരട്ട ഗോളുമായി റൊണാള്‍ഡൊ; യുണൈറ്റഡിന് വമ്പന്‍ ജയം

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: 18 year old emma raducanu scripts history wins us open

Next Story
മാഞ്ചസ്റ്റർ ടെസ്റ്റ് ഉപേക്ഷിച്ചതിനു പിന്നാലെ താരങ്ങളെ യൂഎഇയിൽ എത്തിച്ച് മുംബൈ ഇന്ത്യൻസ്
The moderation of comments is automated and not cleared manually by malayalam.indianexpress.com