യൂട്യൂബിൽ പണം വാരണോ? ഇയാളെ കണ്ടു പഠിക്കൂ! ഒറ്റ വീഡിയോയിലൂടെ നേടിയത് 10 കോടി രൂപ

ഒരു വീഡിയോ ഹിറ്റാക്കാൻ ക്യാമറയും തൂക്കി വെയിലത്തും മഴയത്തും വിവിധ രാജ്യങ്ങളിലൂടെ സഞ്ചരിക്കുന്ന യൂട്യൂബർമാരെ നമ്മൾ നിരവധി കണ്ടിട്ടുണ്ട്. എന്നാൽ വലിയ കഷ്ടപ്പാടില്ലാതെ കോടികൾ സമ്പാദിക്കുന്ന ഒരു യൂട്യൂബറാണ് ഇപ്പോൾ ശ്രദ്ധനേടുന്നത്. പുള്ളി ചെയ്തതാകട്ടെ സിംപിളായ ഒരു കാര്യവും. 9 വർഷം മുമ്പ് ഒരു വീഡിയോ അങ്ങ് അപ്‌ലോഡ് ചെയ്തു. 

സംഭവം എന്താണെന്നല്ലേ? പത്തു മണിക്കൂർ ദൈർഘ്യമുള്ള തീ കായുന്ന ഒരു 'ഫയർപ്ലേസി'ന്റെ വീഡിയോ. അത്ര തന്നെ! വീഡിയോയിൽ പാട്ടില്ല, ഡാൻസില്ല, റിയാക്ഷനുകളോ ഒന്നുമില്ല. കത്തുന്ന വിറകിന്റെ ശബ്ദം മാത്രം. കഴിഞ്ഞ 9 വർഷം കൊണ്ട് ഈ ഒരൊറ്റ വീഡിയോയിലൂടെ മാത്രം ഇയാൾ സമ്പാദിച്ചത് ഏകദേശം 1.2 മില്യൺ ഡോളറാണ് ( ഏകദേശം 10 കോടി). 

Also Read: തെങ്ങോലയിൽ ശിവരൂപം; ഞെട്ടാൻ വരട്ടേ, ട്വിസ്റ്റ് ഉണ്ട്; വീഡിയോ

15 കോടിയിലധികം വ്യൂസ് ആണ് വീഡിയോയ്ക്ക് യൂട്യൂബിൽ ലഭിച്ചത്. "Fireplace 10 hours" എന്ന പേരിലുള്ള യൂട്യൂബ് ചാനലിന് ഒരു ലക്ഷത്തിലധികം സബ്സ്ക്രൈബേഴ്സുമുണ്ട്. ശരാശരി 140,000 ഡോളർ വരുമാനമാണ് പ്രതിവർഷം ഈ വീഡിയോയിലൂടെ ലഭിക്കുന്നത്. ഫയർപ്ലേസ് വീഡിയോകൂടാതെ മഴ പെയ്യുന്നതും തിരമാലകളും അടക്കം മറ്റു നിരവധി ലൂപ്പിംഗ് വീഡിയോകളും മറ്റു യൂട്യൂബ് ചാനലുകളിലായി കാണാം.

Also Read: ഇനി ഏതു നീലിയും വിറയ്ക്കും; 'കത്തനാറി'ൽ മോഹൻലാലിന്റെ കാമിയോ?

ആരാണ് ഈ വീഡിയോ കാണുക എന്ന് ചിന്തിക്കുന്നുണ്ടോ? വിദേശ രാജ്യങ്ങളിൽ ചില റെസ്റ്റോറന്റുകൾ, കഫേകൾ, ടാറ്റൂ സ്റ്റുഡിയോകൾ തുടങ്ങിയവയിലെല്ലാം ആംബിയൻസിന് വേണ്ടി ഇത് ടിവിയിൽ വെക്കാറുണ്ട്. പ്രത്യേകിച്ച് ക്രിസ്മസ് കാലത്തും മഞ്ഞുകാലത്തും ഇതിന് കാഴ്ചക്കാർ കൂടുതലാണ്. 

Read More: സിദാന് മുകളിൽ ബെക്കാമോ? ആ പറഞ്ഞത് ശരിയല്ല; ഷെയ്നിനോട് ആരാധകർ