ലോകത്തിലെ ഏറ്റവും ഉയരം കൂടിയ പുരുഷനും ഉയരം കുറഞ്ഞ സ്ത്രീയും കണ്ടുമുട്ടിയപ്പോൾ; ചിത്രങ്ങൾ

അപൂർവ്വമായൊരു കൂടിക്കാഴ്ചയ്ക്കാണ് കാലിഫോർണിയയിലെ ഇർവിനിൽ കഴിഞ്ഞ ദിവസം സാക്ഷിയായത്. ഗിന്നസ് വേൾഡ് റെക്കോർഡിൽ ഇടം നേടിയ ലോകത്തിലെ ഏറ്റവും ഉയരം കുറഞ്ഞ പുരുഷനായ സുൽത്താൻ കോസന്റെയും ലോകത്തിലെ ഏറ്റവും ഉയരം കുറഞ്ഞ സ്ത്രീയായ ജ്യോതി ആംഗെയുടെയും കൂടിക്കാഴ്ചയ്ക്കാണ് കാലിഫോർണ വേദിയായത്.

41കാരനാണ് സുൽത്താൻ കോസെൻ. ജ്യോതി ആംഗെയ്ക്ക് പ്രായം 30 വയസ്സ്. തുർക്കിയിൽ നിന്നുള്ള സുൽത്താൻ കോസെന്റെ ഉയരംം 8 അടി 3 ഇഞ്ച് ആണ്. അതേസമയം, ഇന്ത്യക്കാരിയായ ജ്യോതിയുടെ പൊക്കം 2 അടി 7 ഇഞ്ച് ആണ്.

ഇതാദ്യമല്ല ഇരുവരും കാണുന്നത്. ആറ് വർഷം മുമ്പ് ഈജിപ്തിൽ വെച്ചാണ് ഇരുവരും അവസാനമായി കണ്ടുമുട്ടിയത്. ഇരുവരും തമ്മിൽ ആറടിയിലധികം ഉയര വ്യത്യാസമുണ്ട്.

ഗിന്നസ് റെക്കോർഡ് പ്രകാരം, pituitary gigantism എന്നറിയപ്പെടുന്ന ഒരു അവസ്ഥയാണ് സുൽത്താൻ്റെ ഉയരത്തിന് കാരണം. ജീവിച്ചിരിക്കുന്ന മനുഷ്യരിൽ ഏറ്റവും വലിയ കൈകളും സുൽത്താനു സ്വന്തം. 11.22 ഇഞ്ച് ആണ് സുൽത്താന്റെ കൈകളുടെ വലിപ്പം.

ഗിന്നസ് റെക്കോർഡിൻ്റെ ഔദ്യോഗിക പ്രസിദ്ധീകരണമനുസരിച്ച്, ജ്യോതിയുടെ ഉയരം കുറവായത് അക്കോണ്ട്രോപ്ലാസിയ എന്ന അവസ്ഥകാരണമാണ്. ഒരു നിശ്ചിത ഉയരത്തിനപ്പുറം വളർച്ച മുരടിക്കുന്ന അവസ്ഥയാണിത്.