ആന പ്രതിമക്കടിയിൽ സ്ത്രീ കുടുങ്ങി; പുറത്തെടുത്തത് ഏറെ ബുദ്ധിമുട്ടി

ആന പ്രതിമക്കിടയിൽ കുടുങ്ങിയ സ്ത്രീയുടെ വീഡിയോ ഇപ്പോൾ സോഷ്യൽ മീഡിയയിൽ വെെറലായിരിക്കുകയാണ്. യുവതി ചിരിച്ചുകൊണ്ട് ഫോട്ടോയ്ക്ക് പോസ് ചെയ്യുന്നതും വീഡിയോയിൽ കാണാം

ന്യൂഡൽഹി: ഇന്ത്യ വൈവിധ്യങ്ങളുടെ രാജ്യമാണ്. ഇന്ത്യയിലെ പല കോണുകളിലും ആചാരങ്ങളും അനുഷ്ഠാനങ്ങളും വ്യത്യസ്തമാണ്. ചില ആചാരങ്ങളെല്ലാം വളരെ വിചിത്രമാണെന്ന് തോന്നുന്ന തരത്തിലുള്ളവയും. ദിനംപ്രതി പുതിയ ആചാരങ്ങള്‍ സൃഷ്ടിക്കപ്പെടുന്നു എന്ന പ്രത്യേകതയും ഈ നാട്ടിലുണ്ട്. അങ്ങനെയൊരു ആചാരത്തിനിടയില്‍ ആനയുടെ കാലുകള്‍ക്കിടയില്‍ കുടുങ്ങി പോകുന്നത് കണ്ടിട്ടുണ്ടോ? കണ്ടിട്ടില്ലെങ്കില്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്ന ഈ വീഡിയോ കാണണം.

Read Also: ഇന്ത്യയുടെ കളി കഴിഞ്ഞ് ടിവി ഓഫ് ചെയ്ത് പോയവരേ, നിങ്ങള്‍ക്ക് നഷ്ടമായത് ചരിത്രമാണ്

വൈവിധ്യങ്ങളായ മതാചാരങ്ങളും അനുഷ്ഠാനങ്ങളും പലപ്പോഴും നാം കണ്ടിട്ടുണ്ട്. അതിലൊരു ആചാരമാണ് ഇവിടെ സ്ത്രീയെ കുടുക്കിയത്. ഗുജറാത്തിലെ ഒരു ക്ഷേത്രത്തിലാണ് സംഭവം. ആഗ്രഹ സാധ്യത്തിനായി ആനയുടെ പ്രതിമക്കടിയിലൂടെ നൂഴ്ന്നുകയറുന്ന ഒരു ആചാരമുണ്ട് ഈ ക്ഷേത്രത്തില്‍. ആവശ്യങ്ങള്‍ സാധിച്ചെടുക്കാനും പല കാര്യങ്ങള്‍ക്കും നന്ദി പറയാനും വിശ്വാസികള്‍ ഈ ആചാരം അനുഷ്ഠിക്കുന്നുണ്ട്. അങ്ങനെ സാധാരണ രീതിയില്‍ ആനയ്ക്കിടയിലൂടെ സ്ത്രീ നുഴഞ്ഞുകയറാന്‍ ശ്രമിക്കുകയായിരുന്നു. എന്നാല്‍, ആചാരം പൂര്‍ത്തിയാക്കാന്‍ പറ്റിയില്ല. സ്ത്രീ അവിടെ കുടുങ്ങി പോയി. കയ്ച്ചിട്ട് ഇറക്കാനും വയ്യ മധുരിച്ചിട്ട് തുപ്പാനും വയ്യാത്ത അവസ്ഥയിലായി സ്ത്രീ. അങ്ങോട്ടും ഇങ്ങോട്ടും കടക്കാന്‍ സാധിക്കാത്ത വിധം പ്രതിമയ്ക്കിടയില്‍ സ്ത്രീ കിടപ്പിലായി.

സംഭവം പാളിയെന്ന് മനസിലായിട്ടും സ്ത്രീയെ വളരെ സന്തോഷവതിയായാണ് വീഡിയോയില്‍ കാണുന്നത്. മറ്റ് ചില സ്ത്രീകള്‍ ചേര്‍ന്ന് യുവതിയെ വലിച്ച് പുറത്തെത്തിക്കാന്‍ നോക്കുന്നുണ്ട്. അപ്പോഴെല്ലാം ആന പ്രതിമയുടെ കാലിനടിയിൽ കുടുങ്ങി കിടക്കുന്ന സ്ത്രീ വളരെ ശാന്തമായാണ് പെരുമാറുന്നത്. മാത്രമല്ല ഇടയ്ക്കിടെ ചിരിക്കുകയും ക്യാമറയിലേക്ക് നോക്കുകയും ചെയ്യുന്നുണ്ട്.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Woman gets stuck under elephant statue viral video

Next Story
ഇനി ‘കല്ലട’യല്ല; വിവാദ ബസിന് പുതിയ പേര് നല്‍കി യൂത്ത് കോണ്‍ഗ്രസ്, വീഡിയോKallada Bus
The moderation of comments is automated and not cleared manually by malayalam.indianexpress.com