scorecardresearch

‘സാമ്രാജ്യത്വം തുലയട്ടെ, ഇൻക്വിലാബ് സിന്ദാബാദ്’; മുത്തച്ഛന്റെ തോളിലിരുന്ന് രണ്ടരവയസുകാരന്റെ മുദ്രാവാക്യം

കൂടെയുള്ള ആരോ ആണ് വീഡിയോ സോഷ്യല്‍ മീഡിയയിലൂടെ പുറത്ത് വിട്ടത്. ഡോക്ടര്‍മാരായ ഷമീമിന്റേയും ഷംനീഷയുടേയുമാണ് മകനാണ് ഷനാന്‍.

മലപ്പുറം: ‘സാമ്രാജ്യത്വം തുലയട്ടെ, രക്തസാക്ഷികള്‍ സിന്ദാബാദ്, പുതിയൊരു ഇന്ത്യ പിറക്കട്ടെ, ഇൻക്വിലാബ് സിന്ദാബാദ്, ഇൻക്വിലാബ് സിന്ദാബാദ്’ മുത്തച്ഛന്റെ തോളിലിരുന്ന് ഉറക്കെ മുദ്രാവാക്യം വിളിക്കുകയാണ് കൊച്ചു പയ്യന്‍. വാക്കുറച്ചിട്ടുപോലുമില്ലെങ്കിലും ഈ മുദ്രാവാക്യം വിളിയാണ് ഇന്ന് സോഷ്യല്‍ മീഡിയയില്‍ തരംഗമായി മാറിയിരിക്കുന്നത്.

മലപ്പുറത്ത് നടക്കുന്ന സിപിഐ സംസ്ഥാന സമ്മേളനത്തിനിടെ കോട്ടയ്ക്കല്‍ പറപ്പൂര്‍ സ്വദേശിയായ രണ്ടര വയസ്സുകാരന്‍ ഷനാന്റെ മുദ്രാവാക്യം വിളിയെ സോഷ്യല്‍ മീഡിയ ഏറ്റെടുത്തിരിക്കുകയാണ്. മുത്തച്ഛന്റെ തോളിലിരുന്നാണ് ഷനാന്റെ മുദ്രാവാക്യം വിളി. സമ്മേളനത്തിനിടെ പതാക-കൊടിമര ജാഥകള്‍ ടൗണ്‍ഹാള്‍ മുറ്റത്തെത്തിയപ്പോഴാണ് സംഭവം.

മൈക്കിലൂടെ കേട്ട മുദ്രാവാക്യം ഷനാന്‍ ഏറ്റു വിളിക്കുകയായിരുന്നു. പറയുന്നത് വ്യക്തമല്ലെങ്കിലും അതിലെ കുട്ടിത്തവും കൗതുകവും മുദ്രാവാക്യത്തെ ഹിറ്റാക്കി മാറ്റുകയായിരുന്നു. കൂടെയുള്ള ആരോ ആണ് വീഡിയോ സോഷ്യല്‍ മീഡിയയിലൂടെ പുറത്തു വിട്ടത്.

ഡോക്ടര്‍മാരായ ഷമീമിന്റേയും ഷംനീഷയുടേയുമാണ് മകനാണ് ഷനാന്‍.

Stay updated with the latest news headlines and all the latest Social news download Indian Express Malayalam App.

Web Title: Video of two year shinan in cpi state summit goes viral