'സ്ത്രീകളെ അപമാനിക്കുന്നവർക്ക് പാഠമാകട്ടെ'; മദ്യപിച്ച് ശല്യം ചെയ്ത യുവാക്കളെ കൊണ്ട് കാല് പിടിച്ച് മാപ്പ് പറയിച്ച യുവതിക്ക് കയ്യടി; വിഡിയോ

മദ്യപിച്ച് ശല്യം ചെയ്ത യുവാക്കളെ കൊണ്ട് മാപ്പ് പറയിച്ച് കാല് പിടിപ്പിച്ച എയർഹോസ്റ്റസിന് സോഷ്യൽ മീഡിയയുടെ കയ്യടി. ഇൻഡിഗോ എയർലൈൻസിൽ എയർഹോസ്റ്റസ് ആയി ജോലി ചെയ്യുന്ന യുവതിയാണ് യുവാക്കളെ കൊണ്ട് മാപ്പ് പറയിച്ചത്.

സംഭവം ഇങ്ങനെ: ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു യുവതി. അപ്പോഴാണ് തിരുപ്പതിയിലേക്ക് പോവുകയായിരുന്ന രണ്ടു യുവാക്കൾ എയർഹോസ്റ്റസിനെ നോട്ടമിട്ടത്. മദ്യലഹരിയിലായിരുന്ന യുവാക്കൾ യുവതിയെ കുറിച്ച് അശ്ലീലഭാഷയിൽ ചില കമന്റുകൾ പാസാക്കി. പ്രകോപിതയായ എയർഹോസ്റ്റസ് ഉടൻ തന്നെ ട്രാഫിക് പൊലീസിനെ സമീപിച്ചു.

വീഡിയോ കടപ്പാട്: ദി ന്യൂസ് മിനുറ്റ്

ഉടനടി പൊലീസെത്തി യുവാക്കളെ പൊക്കി. പൊലീസ് സ്റ്റേഷനിലേക്ക് കൊണ്ടുപോകുംവഴി തന്നെ യുവാക്കൾ മാപ്പപേക്ഷയും തുടങ്ങി. യുവാക്കളിൽ ഭരത് എന്നയാൾ മാപ്പ് ചോദിച്ച് തൊഴുത് നിന്നെങ്കിലും അതുപോരെന്നായി എയർഹോസ്റ്റസ്. ഒടുവിൽ കാലുപിടിച്ച് മാപ്പ് പറഞ്ഞതോടെയാണ് കേസെടുക്കാതെ വിടാൻ വഴങ്ങിയത്.