ഇവിടെ ഏതു റോളും ഭദ്രം; ടൊവിനോ ഇനി ഹീ-മാൻ? വൈറലായി വീഡിയോ

'90സ് കിഡ്സി'നെ സംബന്ധിച്ച് 'ഹീ-മാൻ' വെറുമൊരു കാർട്ടൂൺ കഥാപാത്രമല്ല, കുട്ടിക്കാലത്തിന്റെ ഒരുപാട് ഓർമ്മകൾ കൂടിയാണ്. 'മാസ്റ്റേഴ്സ് ഓഫ് ദ് യൂണിവേഴ്സ്' എന്ന പേരിൽ ഹീ-മാൻ ഹോളിവുഡിലേക്ക് എത്തുകയാണ്. ട്രാവിസ് നൈറ്റിന്റെ സംവിധാനത്തിലൊരുങ്ങുന്ന ചിത്രത്തിൽ നിക്കൊളാസ് ഗലിസ്റ്റ്സീൻ ആണ് ഹീ–മാനായെത്തുന്നത്.

ഏറെ ആരാധകരുള്ള ഐതിഹാസിക കഥാപാത്രമായി മലയാളത്തിന്റെ പ്രിയതാരം ടൊവിനോ തോമസ് വന്നാലോ? ഏതു സുപ്പർ ഹീറോ വേഷമായാലും മലയാളികളുടെ മനസിൽ ആദ്യമെത്തുന്ന മുഖങ്ങളിലൊന്നാണ് ടൊവിനോ. ഹീ-മാനായി ടൊവിനോ എത്തുന്ന ഒരു എഐ വീഡിയോ ആണ് സൈബറിടങ്ങളിൽ കൈതുകമാകുന്നത്.

Also Read: ചേക്കിന്റെ സ്വന്തം കർഷകൻ; മോഷണം നിർത്തി മാധവൻ, കൂട്ടിന് രുക്മിണിയും മക്കളും; വൈറലായി മീശമാധവൻ റീക്രിയേഷൻ

View this post on Instagram

A post shared by Sunoj Sunil (@wild.spell_studio)

വൈറലായ വീഡിയോയിൽ ഹീ-മാന്റെ പ്രശസ്തമായ ഹെയർ സ്റ്റൈലും, കരുത്തുറ്റ ശരീരവും, മാന്ത്രിക വാളുമൊക്കെയായാണ് ടൊവിനോ പ്രത്യക്ഷപ്പെടുന്നത്. ഒരു ഹോളിവുഡ് സിനിമ കാണുന്ന ഫീലിലാണ് വീഡിയോ ഒരുക്കിയിരിക്കുന്നത്. ടൊവിനോയുടെ ഭാവങ്ങളും ചലനങ്ങളും കൃത്യമായാണ് വീഡിയോയിൽ പുനരാവിഷ്കരിച്ചിരിക്കുന്നത്.

Also Read: വിവാഹ വാർഷികം ആഘോഷിച്ച് സുധിയും മിനിയും; വർഷമിത്ര കഴിഞ്ഞും രണ്ടാൾക്കും വല്യ മാറ്റം ഇല്ലല്ലോ എന്ന് ആരാധകൻ

ഇൻസ്റ്റഗ്രാമിൽ പ്രത്യക്ഷപ്പെട്ട വീഡിയോയ്ക്കു പിന്നിൽ, "wild.spell_studio" എന്ന അക്കൗണ്ടാണ്. നിരവധി കമന്റുകളും പോസ്റ്റിനു ലഭിച്ചിട്ടുണ്ട്. "ഇവിടെ ഏതു റോളും ഭദ്രം. ഒറ്റ പേര് ടൊവിനോ തോമസ്" എന്നാണ് ഒരാൾ കമന്റ് ബോക്സിൽ കുറിച്ചത്.

Read More: 'ഞാനേ കണ്ടുള്ളൂ...'; വർഷങ്ങൾക്കു ശേഷം ഗുരുവായൂരപ്പനെ കണ്ട് ബാലാമണിയും മനുവും; വീഡിയോ