മെസിയുടെ വീട്ടിലെ ആണെന്ന് തോന്നുന്നു; ഫുട്ബോളുകൊണ്ട് അമ്പരപ്പിച്ച് നായക്കുട്ടി, വീഡിയോ

നായക്കുട്ടികളുടെ കളികളും കുസൃതികളും നെറ്റിസണ്‍സിനിടയില്‍ എപ്പോഴും ശ്രദ്ധയാകര്‍ഷിക്കാറുണ്ട്. ഇപ്പോഴിതാ ഫുട്ബോളുകൊണ്ട് തെന്റെ സ്കില്ലുകള്‍ കാണിക്കുന്ന നായക്കുട്ടിയുടെ വീഡിയോയാണ് വൈറലായിരിക്കുന്നത്. നായക്കുട്ടിയുടെ പ്രകടനം കണ്ടാല്‍ സാക്ഷാല്‍ റൊണാള്‍ഡോയുടേയോ മെസിയുടേയോ നായയാണെന്ന് കരുതിപ്പോകും.

@paulsla1539372 അക്കൗണ്ടിലൂടെയാണ് എക്സില്‍ വീഡിയോ പോസ്റ്റ് ചെയ്തിരിക്കുന്നത്. ടിക് ടോക്ക് ഉപയോക്താവായ @betsbutterfly0 ചിത്രീകരിച്ച വീഡിയോയാണിതെന്നാണ് മനസിലാക്കാന്‍ കഴിയുന്നത്. ഇതിനോടകം 25 ലക്ഷത്തിലധികം പേരാണ് വീഡിയോ കണ്ടത്.

ഏതെങ്കിലും സ്പോര്‍ട്സ് ക്ലബ്ബ് നായക്കുട്ടിയെ ഏറ്റെടുക്കണമെന്ന് പലരും തമാശരൂപേണ വീഡിയോയ്ക്ക് താഴെ കമന്റ് ചെയ്തിട്ടുണ്ട്.

ഇത്തരം അഭ്യാസപ്രകടനങ്ങള്‍ ചെയ്യുന്ന നായകള്‍ക്കായി ഒരു ‍ഡോഗ് ഒളിമ്പിക്സ് തന്നെ വയ്ക്കണമെന്നാണ് ഒരാള്‍ കമന്റ് ചെയ്തിരിക്കുന്നത്. നിങ്ങള്‍ക്ക് ഈ വീഡിയോ കണ്ട് ചിരിക്കാനും സന്തോഷിക്കാനുമായില്ലെങ്കില്‍ നിങ്ങളുടെ പള്‍സ് ഒന്ന് പരിശോധിക്കുന്നത് നന്നായിരിക്കുമെന്ന് മറ്റൊരാളും കുറിച്ചിട്ടുണ്ട്.