ഓറിജിനലിനെ വെല്ലും ഈ 'വാട്ട് ജുംക' തമിഴ് വേര്‍ഷന്‍, വീഡിയോ

സംഗീതത്തിന് ഭാഷയും ദേശവുമില്ലന്നൊക്കെ പറഞ്ഞ് കേട്ടിട്ടില്ലെ. ഈ പറച്ചിലിന്റെ ഏറ്റവും പുതിയ ഉദാഹരണമായിരിക്കുകയാണ് സമൂഹ മാധ്യമങ്ങളിലൂടെ വൈറലായിക്കൊണ്ടിരിക്കുന്ന ഒരു വീഡിയോ. ഹിന്ദി ഗാനം തമിഴിലേക്ക് പരിഭാഷ ചെയ്ത് കയ്യടി നേടിയിരിക്കുകയാണ് ഒരു ഗായിക.

റോക്കി ഓര്‍ റാണി കി പ്രേം കഹാനി എന്ന ചിത്രത്തില്‍ അര്‍ജിത് സിങ്ങും ജോനിത ഗാന്ധിയും ചേര്‍ന്ന് ആലപിച്ച വാട്ട് ജുംക എന്ന ഗാനമാണ് ശ്രുതി ശങ്കര്‍ തമിഴ് വേര്‍ഷനില്‍ പാടിയിരിക്കുന്നത്.

തന്റെ ഇന്‍സ്റ്റാഗ്രാം അക്കൗണ്ടിലൂടെ ശ്രുതി പങ്കുവച്ച വീഡിയോ ഇതിനോടകം തന്നെ ഹിറ്റാണ്. ഒന്നരലക്ഷത്തോളം ലൈക്കുകളാണ് വീഡിയോയ്ക്ക് ലഭിച്ചത്. പലരും പാട്ടിന്റെ ഒറിജിനല്‍ വേര്‍ഷനേക്കാള്‍ മനോഹരം തമിഴാണെന്നാണ് അഭിപ്രായപ്പെട്ടിരിക്കുന്നത്.