ഓടും നായ, ചാടും നായ, പാടം കണ്ടാൽ കുതിക്കും നായ; വീഡിയോ

മൃഗങ്ങളുടെ രസകരമായ വീഡിയോകൾ പലപ്പോഴും സോഷ്യൽ മീഡിയയുടെ ശ്രദ്ധ നേടാറുണ്ട്. മനുഷ്യരെ പോലെ പെരുമാറുന്ന മൃഗങ്ങൾ, മൃഗങ്ങൾക്കിടയിലെ സ്നേഹവും വാത്സല്യവും, അവരുടെ കുട്ടിക്കുറുമ്പുകൾ എന്നിവയെല്ലാം പലപ്പോഴും ഇത്തരം വീഡിയോകളിൽ വിഷയമാവാറുണ്ട്.

വേറിട്ട രീതിയിൽ പെരുമാറുന്ന ഒരു നായക്കുട്ടിയാണ് സോഷ്യൽ മീഡിയയിൽ പ്രചരിക്കുന്ന വീഡിയോയിലെ താരം. നായക്കുട്ടികളുമായി ബന്ധപ്പെട്ട നിരവധി വീഡിയോകൾ നമ്മൾ മുൻപു കണ്ടിട്ടുണ്ട്. എന്നാൽ ഈ വീഡിയോയിലെ നായക്കുട്ടി അൽപ്പം വ്യത്യസ്തനാണ്.

പച്ചപ്പു നിറഞ്ഞ പാടം കാണുമ്പോഴുള്ള നായയുടെ ആവേശമാണ് വീഡിയോയിൽ കാണാനാവുക. വിശാലമായ പാടത്തിലൂടെയുളള നായയുടെ രസകരമായ കുതിപ്പാണ് ഈ വീഡിയോയെ സ്പെഷലാക്കുന്നത്. ഓളത്തിൽ ചാടിയും കുതിച്ചുമെല്ലാം പാടത്തേക്ക് തുറന്നുവിട്ടതിന്റെ സന്തോഷം പ്രകടിപ്പിക്കുകയാണ് നായ.

വീഡിയോക്ക് ലഭിക്കുന്ന കമന്റുകളും ശ്രദ്ധ നേടും. "ഇത് ഒരു നായയല്ല, നായയുടെ വേഷം ധരിച്ച കങ്കാരുവാണ്" എന്നാണ് ചില രസികർ കൗതുകത്തോടെ കമന്റ് ചെയ്യുന്നത്. "ഒരുപക്ഷേ ആ നായ തന്നെയൊരു കങ്കാരുവായി സങ്കൽപ്പിച്ചുകാണും," എന്നിങ്ങനെ പോവുന്നു കമന്റുകൾ.

വീഡിയോ കണ്ടാൽ ഇതെന്താ ഈ നായ ഇങ്ങനെ എന്ന് ആരുമൊന്നു മൂക്കത്തു വിരൽ വച്ചുപോവും