Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു

‘പൊട്ടിക്കരഞ്ഞ് ദുല്‍ഖര്‍ സല്‍മാന്‍’; ഉസ്താദ് ഹോട്ടലിന്റെ കന്നഡ ട്രെയിലറിനെ വലിച്ചു കീറി ട്രോളന്മാര്‍

കുഞ്ഞിക്കയ്ക്ക് പകരം വെക്കാന്‍ ‘ഏലൂര്‍ ജോര്‍ജ്ജിനെ’ ആണോ കൊണ്ടു വന്നതെന്ന് യൂട്യൂബ് വീഡിയോയ്ക്ക് താഴെ കമന്റ് വന്നു

അന്‍വര്‍ റഷീദ് സംവിധാനം ചെയ്ത ദുല്‍ഖര്‍ സല്‍മാന്‍ ചിത്രം ഉസ്താദ് ഹോട്ടലിന്റെ കന്നഡ ട്രെയിലറിന് വ്യാപക ട്രോള്‍. കന്നഡ പതിപ്പായ ഗൗഡരു ഹോട്ടലില്‍ നായകനാകുന്ന രചണ്‍ ചന്ദ്രയെ ആണ് ട്രോളന്മാര്‍ ആദ്യം എടുത്തിട്ട് അലക്കിയത്. കുഞ്ഞിക്കയ്ക്ക് പകരം വെക്കാന്‍ ‘ഏലൂര്‍ ജോര്‍ജ്ജിനെ’ ആണോ കൊണ്ടു വന്നതെന്ന് ഒരു വിരുതന്‍ കമന്റ് ചെയ്തു. രചണ്‍ ചന്ദ്രയെ കാണാന്‍ ഏലൂര്‍ ജോര്‍ജ്ജിനെ പോലെയുണ്ടെന്ന് ചൂണ്ടിക്കാട്ടിയാണ് പരിഹാസം. കൂടാതെ ഭാവമൊന്നും മുഖത്ത് വരുന്നില്ലെന്ന് പറഞ്ഞ് രചണിനെ രാം ചരണായും ചിലര്‍ സാമ്യപ്പെടുത്തുന്നു.

കൂടാതെ ട്രെയിലറിന്റെ യൂട്യൂബ് കമന്റ്‌ബോക്‌സിലും മലയാളികള്‍ കമന്റുകളിലൂടെ ആക്രമണം നടത്തി. എന്നാല്‍ താമസിയാതെ കമന്റ് ചെയ്യാനുളള സൗകര്യം വീഡിയോയുടെ താഴെ നിന്നും അപ്രത്യക്ഷമായി. നേരത്തെ നിവിന്‍പോളിയുടെ പ്രേമം റീമേക്ക് ട്രെയിലര്‍ വന്നപ്പോഴും ഇത് തന്നെയായിരുന്നു വിധി.
അഞ്ജലി മേനോന്‍ തിരക്കഥ രചിച്ച ചിത്രം ദുല്‍ഖറിന്റെ കരിയറിലെ വലിയ ഹിറ്റുകളിലൊന്നായിരുന്നു.

തിലകന്‍, സിദ്ധീഖ്, മാമുക്കോയ തുടങ്ങി സീനിയര്‍ അഭിനേതാക്കളെക്കാണ്ടും ചിത്രം സമ്പന്നമായിരുന്നു. 2012ല്‍ ആയിരുന്നു ചിത്രം റിലീസ് ചെയ്തത്. കന്നഡയില്‍ രചണ്‍ ചന്ദ്ര നായകനാകുമ്പോള്‍ തിലകന്‍ അവതരിപ്പിച്ച കഥാപാത്രത്തെ അവതരിപ്പിക്കുന്നത് പ്രകാശ് രാജാണ്. വേദയാണ് നായികാ കഥാപാത്രമാകുന്നത്.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Social media trolls usthad hotels kannada remake

Next Story
#അവൾക്കൊപ്പം: ഈ സൂപ്പർസ്റ്റാറുകൾ നമുക്ക് അലങ്കാരമല്ലഅസി അസീബ് പുത്തലത്ത്, Asy Aseeb Puthalath, facebook post, ഫെയ്സ്ബുക് പോസ്റ്റ്, സിനിമാക്കാരുടെ രാഷ്ട്രീയം. കലാകാരന്മാരുടെ രാഷ്ട്രീയം, കലാകാരന്മാരുടെ സാമൂഹിക ഇടപെടൽ, നടിയെ തട്ടിക്കൊണ്ടുപോയ സംഭവം, നടിക്കെതിരായ അക്രമം, Rima Kallingal, Ashique abu, റിമ കല്ലിങ്കൽ, ആഷിഖ് അബു
The moderation of comments is automated and not cleared manually by malayalam.indianexpress.com