Latest News
കടല്‍ക്ഷോഭത്തില്‍ താഴ്ന്ന് വലിയതുറ കടല്‍പ്പാലം, ചിത്രങ്ങള്‍
രാജ്യത്ത് 3.26 ലക്ഷം പുതിയ കേസുകള്‍, 3,890 മരണം
അതിജീവനത്തിന്റെ രാജകുമാരൻ യാത്രയായി; നന്ദു മഹാദേവ ഇനി ഓർമ
32,680 പുതിയ കേസുകള്‍, ടെസ്റ്റ് പോസിറ്റിവിറ്റി നിരക്ക് 26.65

അടക്കാനാവാത്ത പ്രതിഷേധം; ഹാഥ്റസ് സംഭവത്തിലൊരു ഒറ്റക്കൊടി ജാഥ

കോഴിക്കോട് കുറ്റ്യാടിയിലാണ് ഈ ഒറ്റയാൾ ജാഥ

hathras, kerala single man protest, malayalam news, news, വാർത്ത, വീഡിയോ, video, viral video

ഹാഥ്റസിൽ 19കാരിയായ ദളിത് യുവതി ക്രൂര പീഢനത്തിനിരയായി കൊല്ലപ്പെട്ട സംഭവത്തിൽ രാജ്യത്തുടനീളം പ്രതിഷേധം തുടരുകയാണ്. പ്രതിപക്ഷ കക്ഷികളുടെ നേതൃത്വത്തിലടക്കം രാജ്യത്ത് വിവിധ ഇടങ്ങളിൽ പ്രതിഷേധ പ്രകടനങ്ങൾ നടന്നു. പെൺകുട്ടിയുടെ കുടുംബത്തെ കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക ഗാന്ധിയും സന്ദർശിച്ച് പിന്തുണ അറിയിക്കുകയും ചെയ്തു.

Read More: അന്ന് ഇന്ദിര, ഇന്ന് രാഹുലും പ്രിയങ്കയും; ചരിത്രം ഓർമ്മിപ്പിച്ചു ഉമ്മൻ ചാണ്ടി

കേരളത്തിൽ കോവിഡ് രോഗവ്യാപനത്തെത്തുടർന്ന് സിആർപിസി 114ാം വകുപ്പ് പ്രകാരമുള്ള നിയന്ത്രണങ്ങൾ ശനിയാഴ്ച നിലവിൽ വന്നിരുന്നു. ഇതിനാൽ തന്നെ കൂടുതൽ ആളുകൾ പങ്കെടുക്കുന്ന പൊതു പരിപാടികൾ സംഘടിപ്പിക്കുന്നതിന് പ്രായോഗിക ബുദ്ധിമുട്ടുണ്ട്. ഈ സാഹചര്യത്തിൽ ഹാഥ്റസ് വിഷയത്തിൽ ഒരു ഒറ്റയാൾ ജാഥ വിളിച്ചുപോവുന്ന ഒരു കോൺഗ്രസ് പ്രവർത്തകന്റെ വീഡിയോ ആണ് ഇപ്പോൾ സാമൂഹ്യ മാധ്യമങ്ങളിൽ വൈറലാവുന്നത്.

കോഴിക്കോട് കുറ്റ്യാടി നരിക്കൂട്ടും ചാലിൽ ആണ് ഈ പ്രകടനം നടന്നത്. കോൺഗ്രസ് പ്രാദേശിക നേതാവായ പി പി ദിനേശന്‍ ആണ് ഒറ്റയാൻ ജാഥ നടത്തിയത്. നിരവധി പേർ അദ്ദേഹത്തിന്റെ പ്രകടനത്തിന്റെ വീഡിയോ സാമൂഹ്യ മാധ്യമങ്ങളിൽ പങ്കുവച്ചിട്ടുണ്ട്.

Read More:ഹാഥ്‌റസ് യുവതിയുടെ കുടുംബത്തോടൊപ്പം പ്രിയങ്കയും രാഹുലും- ചിത്രങ്ങൾ

കെപിഎസ്ടിഎ ജില്ലാ കമ്മിറ്റി അംഗവും കുറ്റ്യാടി മണ്ഡലം കോണ്‍ഗ്രസ് ജനറല്‍ സെക്രട്ടറിയുമാണ് ദിനേശൻ. കോവിഡ് ആയതുകൊണ്ടും 144 കൊണ്ടും. സര്‍ക്കാര്‍ നിര്‍ദേശങ്ങള്‍ പാലിക്കേണ്ടതുള്ളതിനാലാണ് ഇത്തരത്തിൽ ഒറ്റക്ക് പ്രകടനം നടത്തിയതെന്ന് ദിനേശൻ മാസ്റ്റർ വ്യക്തമാക്കി. നിയന്ത്രണങ്ങളുണ്ടെങ്കിലും അതേസമയം ഐക്യദാര്‍ഢ്യം പ്രഖ്യാപിക്കണം. ആരോടെങ്കിലും പറഞ്ഞാല്‍ കൂടുതല്‍ കൂടുതല്‍ ആളുകള്‍ വരും. ഈ സാഹചര്യത്തിലാണ് ഒറ്റക്ക് കൊടിയുമായിറങ്ങിയതെന്നും അദ്ദേഹം വ്യക്തമാക്കി.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Single man protest in kerala

Next Story
‘വിടെട ഹമുക്കേ ഓളെ’: സൂപ്പർ മാൻ അല്ല, ഇത് സൂപ്പർ മാമുsuper mamu, mamukkoya, fun, malayalam fun, videos, fun videos, mamukkoya comedy, thug life, kozhikode news, viral video
The moderation of comments is automated and not cleared manually by malayalam.indianexpress.com