ട്രോളൻമാർ സച്ചിനെ ബൗള്‍ഡാക്കി; ഷറപ്പോവയ്‌ക്ക് മാപ്പ് പറഞ്ഞ് മലയാളികൾ

നിവിൻ പോളി ചിത്രമായ ‘1983’ ൽ സച്ചിൻ ടെൻഡുൽക്കറുടെ ചിത്രം നോക്കി ‘ഇത് ആരാ ചേട്ടാ?’ എന്ന് ചോദിക്കുന്ന സുശീലയായിരുന്നു ശരിയെന്ന് ട്രോളൻമാർ പറയുന്നു

കർഷക പ്രക്ഷോഭങ്ങളുമായി ബന്ധപ്പെട്ട് ക്രിക്കറ്റ് ഇതിഹാസം സച്ചിൻ ടെൻഡുൽക്കർ നടത്തിയ പ്രസ്‌താവന വലിയ ചർച്ചയായിരിക്കുകയാണ്. സച്ചിനെ അനുകൂലിച്ചും പ്രതികൂലിച്ചും നിരവധി പേർ സോഷ്യൽ മീഡിയയിൽ ഏറ്റുമുട്ടുന്നു. പ്രതികൂല സാഹചര്യങ്ങളെ തരണം ചെയ്‌ത് കർഷകർ നടത്തുന്ന ഐതിഹാസിക സമരത്തെ സച്ചിൻ ഇതുവരെ കണ്ടില്ലേ? എന്നാണ് വിമർശകരുടെ ചോദ്യം. എന്നാൽ, സച്ചിൻ നല്ലൊരു രാജ്യസ്‌നേഹിയാണെന്നും അദ്ദേഹത്തിന്റെ പ്രസ്‌താവന രാജ്യത്തിന്റെ ഒരുമയ്‌ക്ക് വേണ്ടിയുള്ളതാണെന്നും താരത്തെ പിന്തുണയ്‌ക്കുന്നവർ വാദിക്കുന്നു. എന്തായാലും കഴിഞ്ഞ ഏതാനും മണിക്കൂറുകളായി സച്ചിനാണ് സോഷ്യൽ മീഡിയയിലെ ചർച്ചാവിഷയം. സച്ചിനെതിരായ ട്രോളുകൾ നിരവധിയാണ്..

May be an image of 3 people and text that says 'ക്രിക്കറ്റ്ദൈബം* ദൈബം* നമ്മടെ കൃഷിക്കാരുടെ കാര്യത്തിൽ പുറത്തുന്ന് ആളുകൾ അഭിപ്രായം പറയുമ്പോ നമ്മടെ ഇന്റഗ്രിറ്റിയും സോവേറിനിറ്റിയും എന്താകുമെന്നെ?? Co ഇത്രേം കാലം ആ പാവങ്ങൾ മഞ്ഞും വെയിലും മഴയും കൊണ്ട് റോഡിൽ കിടന്നപ്പൊ വല്ലതും മൊഴിഞ്ഞാരുന്നോ???'

May be a meme of 1 person and text that says 'hmtv ഹെൽമെറ്റ് വെക്കാതെ പോവരുത് കേട്ടാ.. ந TMM എൻ്റെ കാര്യത്തിലെന്തിനാ താൻ ഇടപെടുന്നേ? sajhu Mathen'

ഇന്ത്യയുടെ പ്രശ്‌നങ്ങൾ പരിഹരിക്കാൻ ഇന്ത്യക്കറിയാം, മറ്റുള്ളവർ കാഴ്‌ചക്കാരായി നിന്നാൽ മതി എന്ന തരത്തിലുള്ള സച്ചിന്റെ പ്രസ്‌താവനയാണ് കൂടുതൽ പുലിവാലായത്. ഇന്ത്യ 2011 ൽ ലോകകപ്പ് നേടിയപ്പോൾ ടീം പരിശീലകൻ ഒരു വിദേശിയായിരുന്നില്ലേ എന്നൊക്കെ ട്രോളൻമാർ സച്ചിനോട് തിരിച്ചു ചോദിച്ചു.

May be a meme of 1 person and text that says 'മാസങ്ങളായി നടക്കുന്ന കർഷക സമരത്തെക്കുറിച്ച് ഒരക്ഷരം മിണ്ടാത്ത ഇന്ത്യൻ സെലിബ്രിറ്റിസ് ഇന്നലെ മുതൽ ട്വിറ്ററിൽ... േ TR റിപ്പബ്ലിക് © അനസ് പൂവത്തിങ്കൽ. അരുതേ... ഇന്ത്യയുടെ ഐക്യത്തെ തകർക്കരുതേ..'

നിവിൻ പോളിയെ നായകനാക്കി എബ്രിഡ് ഷൈൻ സംവിധാനം ചെയ്‌ത ‘1983’ എന്ന ചിത്രത്തിലെ ഒരു രംഗവും ട്രോളുകളിൽ ഇടം നേടിയിരിക്കുന്നു. ക്രിക്കറ്റ് പശ്ചാത്തലമാക്കിയുള്ള സിനിമയിൽ സച്ചിൻ ടെൻഡുൽക്കറുടെ ചിത്രം നോക്കി ‘ഇത് ആരാ ചേട്ടാ?’ എന്ന് ചോദിക്കുന്ന സുശീലയായിരുന്നു ശരിയെന്ന് ട്രോളൻമാർ പറയുന്നു.

May be a meme of 3 people, beard and text that says 'നിൽക്കാൻ കർഷകർക്കൊപ്പം ൽക്കാൻ ഭയമായിരുന്നു ദൈവത്തിനു ഗവൺമെൻ്റിനും അദാനിമാരെ വെറുപ്പിക്കാൻ ത അംബാനി TR TROLL REPUBLIC പക്ഷെ, ട്രോളൻമാർക്ക് ഭയല്ല്യാ... ഭയല്ല്യാ... രണ്ടിനോടും ഇതു'

May be a Twitter screenshot of 3 people and text that says '1 Gaurav retweeted Virat Kohli @imVkohli 1m Let us all stay united in this hour of disagreements. Farmers are an integral part of our country and I'm sure an amicable solution will be found between all parties to bring about peace and move forward together. #IndiaTogether 207 1 1,081 TR 3,543 TROLL REPUBLIC Sachin* men Nice ആയിട്ട് ബാലൻസ് ആക്കി അല്ലെ..'

May be a meme of 1 person and text that says 'ധോണി # സാക്ഷി നിങ്ങൾ അറിഞ്ഞോ അവിടെ ട്വിറ്ററിൽ പാജി എയറിൽ ആണെന്ന പറയുന്നേ.! ട്രോൾ ക്രിക്കറ്റ് മലസാളം FB.COM/NAHAHATCM Fo പോസ്റ്റ് ഇടാൻ പോവാണോ മഹി? അല്ല.. അവിടെ ഫാമിൽ സ്റോബെറി പഴുത്തിട്ടുണ്ടോന്ന് നോക്കട്ടെ!!'

സച്ചിനും കോഹ്‌ലിയുമൊക്കെ പ്രതികരിച്ചിട്ടും ധോണി എന്താണ് മിണ്ടാത്തതെന്ന് ചില ട്രോളൻമാർ ചോദിക്കുന്നു.

മരിയ ഷറപ്പോവയുടെ ഫെയ്സ്ബുക്ക് പോസ്റ്റിനു താഴെയുള്ള കമന്റുകൾ

അതിനിടയിൽ വളരെ വ്യത്യസ്തമായ മറ്റൊരു കാഴ്‌ചയും കാണാം. ടെന്നീസ് ഇതിഹാസം മരിയ ഷറപ്പോവയുടെ ഔദ്യോഗിക പേജിൽ മലയാളികൾ അടക്കം നിരവധി കമന്റുകൾ ചെയ്തിരിക്കുന്നു. ക്രിക്കറ്റ് ഇതിഹാസം സച്ചിനെ അറിയില്ല എന്നു പറഞ്ഞതിനു മലയാളികൾ അടക്കം നിരവധി പേരിൽ നിന്ന് രൂക്ഷ പരിഹാസങ്ങൾ ഏറ്റുവാങ്ങേണ്ടി വന്ന താരമാണ് ഷറപ്പോവ. അന്നു സച്ചിനുവേണ്ടി തങ്ങൾ വിളിച്ച തെറികൾക്കെല്ലാം മാപ്പ് നൽകണമെന്നാണ് ഇന്ന് ഷറപ്പോവയുടെ ചിത്രങ്ങൾക്ക് താഴെ വന്നിരിക്കുന്ന മലയാളികളുടെ കമന്റ്. 2014 ലാണ് വിംബിള്‍ഡണ്‍ വേദിയില്‍ വച്ച് സച്ചിനെ അറിയില്ലെന്ന് മരിയ ഷറപ്പോവ പറഞ്ഞത്.

ഇന്ത്യയുടെ പരമാധികാരത്തിൽ വിട്ടുവീഴ്‌ച ചെയ്യരുതെന്നാണ് സച്ചിൻ ടെൻഡുൽക്കറുടെ പ്രതികരണം. “പുറത്തുനിന്നുള്ളവർക്ക് കാഴ്‌ചക്കാരായി നിൽക്കാം, ഇന്ത്യയുടെ പരമാധികാരത്തിൽ ഇടപെടരുത്. ഇന്ത്യക്കാർക്ക് ഇന്ത്യയെ അറിയാം, ഇന്ത്യയ്‌ക്ക് വേണ്ടി തീരുമാനങ്ങളെടുക്കാനും. ഒരു രാജ്യം എന്ന നിലയിൽ നമുക്ക് ഐക്യപ്പെട്ടു നിൽക്കാം” സച്ചിൻ ട്വീറ്റ് ചെയ്തു. #IndiaTogether, #IndiaAgainstPropaganda തുടങ്ങിയ ഹാഷ്‌ടാഗോടെയാണ് സച്ചിന്റെ ട്വീറ്റ്. കർഷക സമരത്തെ കുറിച്ച് നേരിട്ടുള്ള പരാമർശങ്ങളൊന്നും ട്വീറ്റിലില്ല. കർഷക സമരത്തെ പിന്തുണച്ച് വിദേശ സെലിബ്രിറ്റികൾ അടക്കം രംഗത്തെത്തിയിട്ടുണ്ട്. ഇതിനു പിന്നാലെയാണ് ഇന്ത്യൻ ക്രിക്കറ്റ് ഇതിഹാസം സച്ചിൻ ടെൻഡുൽക്കറുടെ പ്രതികരണം.

Web Title: Sachin trolls farmers protest india

Next Story
എന്തൊരു മനുഷ്യാവകാശ ലംഘനം; കർഷക സമരത്തിന് പിന്തുണയുമായി മിയ ഖലീഫയുംfarmers protests, കർഷക പ്രതിഷേധം, പ്രക്ഷോഭം, മിയ ഖലീഫ്, sandals, viral, trending, viral videos, farmers protests videos, farmers protest video, mia khalifa, rihanna, greta thunberg, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com