ന്യൂഡല്‍ഹി: താടിയും മുടിയും വെട്ടി പുതിയ ലുക്കിലുള്ള കോണ്‍ഗ്രസ് നേതാവ് രാഹുല്‍ ഗാന്ധിയുടെ ചിത്രങ്ങള്‍ സോഷ്യല്‍ മീഡിയയില്‍ വൈറല്‍. ഭാരത് ജോഡോ യാത്രയ്ക്കിടെ വളര്‍ന്ന താടിയും മുടിയും മാസങ്ങള്‍ക്ക് ശേഷമാണ് രാഹുല്‍ വെട്ടിയത്. ലണ്ടനിലെ കേംബ്രിജ് യൂണിവേഴ്‌സിറ്റിയിലെ പരിപാടിയില്‍ പങ്കെടുക്കാന്‍ യുകെയിലാണ് രാഹുല്‍ ഗാന്ധി ഇപ്പോള്‍.
രാഹുല്‍ ഗാന്ധിയുടെ പുതിയ രൂപത്തിലുള്ള ചിത്രം പങ്കുവെച്ച് രാജസ്ഥാന്‍ യൂത്ത് കോണ്‍ഗ്രസ് ട്വീറ്റ് ചെയ്തു: ”രാഹുല്‍ ഗാന്ധി കേംബ്രിഡ്ജില്‍. പുതിയ ലുക്കില്‍. കോണ്‍ഗ്രസ് നേതാവിന്റെ കൂടുതല്‍ ചിത്രങ്ങള്‍ പങ്കുവെച്ചുകൊണ്ട് ഒരു ട്വിറ്റര്‍ എഴുതി: ”കേംബ്രിഡ്ജ് പ്രഭാഷണത്തിന് മുന്നോടിയായി രാഹുല്‍ ഗാന്ധി പുതിയ ലുക്കില്‍
യാത്രയില്‍ കോണ്‍ഗ്രസ് നേതാവിന്റെ നീണ്ട മുടിയും താടിയും പ്രധാന ചര്‍ച്ചാവിഷയമായി മാറിയിരുന്നു. ഭാരത് ജോഡോ യാത്ര തീരും വരെ താടി മുറിക്കേണ്ടതില്ലെന്ന് ഞാന്‍ തീരുമാനിച്ചിരുന്നു. ഇനി അത് സൂക്ഷിക്കണോ വേണ്ടയോ എന്നതില്‍ താന്‍ തീരുമാനമെടുത്തു. ഇറ്റാലിയന്‍ ദിനപത്രമായ കൊറിയര്‍ ഡെല്ല സെറയ്ക്ക് നല്‍കിയ അഭിമുഖത്തില്‍, തന്റെ താടിയെക്കുറിച്ചുള്ള ചോദ്യത്തിന് മറുപടിയായി ഗാന്ധി പറഞ്ഞു.
ഫെബ്രുവരി 8 ന്, ആഭ്യന്തര സഹമന്ത്രി ഹര്‍ഷ് സംഘവി രാഹുലിനെതിരെ പരോക്ഷമായി വിമര്‍ശിച്ചിരുന്നു. ”ഇപ്പോള്‍, ഒരു കാര്യം സ്ഥിരീകരിച്ചു…! 3000 കിലോമീറ്റര്‍ കാല്‍നടയാത്ര നടത്തിയാലും താടി വളരും, ബുദ്ധിയല്ല. ട്വീറ്റ് ഗുജറാത്തില്‍ നിന്നുള്ള കോണ്‍ഗ്രസ് നേതാക്കളില്‍ നിന്ന് രൂക്ഷമായ പ്രതികരണങ്ങള്‍ക്ക് കാരണമായി, ഗുജറാത്ത് കോണ്‍ഗ്രസിന്റെ വര്‍ക്കിംഗ് പ്രസിഡന്റും വഡ്ഗാം എംഎല്‍എയുമായ ജിഗ്‌നേഷ് മേവാനി ഇതിന് മറുപടിയും നല്‍കി. ”ഇപ്പോള്‍, ഒരു കാര്യം സ്ഥിരീകരിച്ചു…! എട്ടാം ക്ലാസ് വരെ മാത്രം പഠിച്ചിട്ടും ഒരു തരി പോലും ബുദ്ധി ഇല്ലെങ്കിലും നിങ്ങള്‍ക്ക് ബിജെപി സര്‍ക്കാരില്‍ ആഭ്യന്തര മന്ത്രിയാകാം…!” എന്നായിരുന്നു അത്.
കേംബ്രിജ് ജഡ്ജ് ബിസിനസ് സ്‌കൂളില്‍ പ്രഭാഷണം നടത്താനാണ് രാഹുല്‍ ലണ്ടനില്‍ എത്തിയത്. ജിയോപൊളിറ്റിക്സ്, ഇന്റര്‍നാഷണല്‍ റിലേഷന്‍സ്, ബിഗ് ഡാറ്റ, ഡെമോക്രസി എന്നിവയുള്‍പ്പെടെ വിവിധ വിവിധ വിഷയങ്ങളിലാണ് അദ്ദേഹം സംസാരിക്കുക. ബിഗ് ഡേറ്റ ആന്‍ഡ് ഡെമോക്രസി എന്ന വിഷയത്തില്‍ രാഹുല്‍ പ്രഭാഷണം നടത്തുമെന്ന് നേരത്തേ കേംബ്രിജ് യൂണിവേഴ്‌സിറ്റി അറിയിച്ചിരുന്നു. ഇന്ത്യാചൈന ബന്ധവും ആഗോള ജനാധിപത്യവും എന്നീ വിഷയത്തിലും പ്രഭാഷണം നടത്തുമെന്ന് പിന്നീട് അറിയിച്ചു.
