നേരം പോകാൻ ഡേറ്റിങ് ആപ്പുകളിൽ കേറിയിരിക്കുന്ന ഒരുപാട് പേരുണ്ട്. ഇങ്ങനെ ഒരു ഡേറ്റിങ് ആപ്പിൽ കയറി കിടിലൻ പണി വാങ്ങിച്ച ഒരു പയ്യന്റെ വീഡിയോയാണ് ഇപ്പോൾ സോഷ്യൽ മീഡിയയിൽ ട്രെൻഡാകുന്നത്.

ഒരുപാട് നേരം പെൺകുട്ടിയോട് സംസാരിക്കും. പെൺകുട്ടി ‘ചേട്ടാ’ എന്ന് അഭിസംബോധന ചെയ്യുമ്പോൾ അങ്ങനെ വിളിക്കരുതെന്നും തന്നെ അപമാനിക്കരുത് തനിക്ക് അത്ര പ്രായമില്ലെന്നും വിളിച്ച ആൾ പറയുന്നു.

എന്നാൽ താൻ ബഹുമാനം കൊണ്ടാണ് അങ്ങനെ വിളിച്ചതെന്ന് പറയുന്ന പെൺകുട്ടി ഒരു പാട്ട് പാടാൻ ആവശ്യപ്പെടുന്നു. പാടിയില്ലെങ്കിൽ താൻ കോൾ എക്സിറ്റ് ചെയ്യും എന്ന് പറയുമ്പോൾ പയ്യൻ പാടുന്നതും കേൾക്കാം. പാലും പഴും കൈകളിലേന്തി എന്ന പാട്ടാണ് പാടുന്നത്.

Read More: ഇതിലും വലിയ പണി മുടിയന് കിട്ടാനില്ല; ശിവാനിയാവാൻ പോയ ഋഷിയ്ക്ക് സംഭവിച്ചത്

ഒടുവിൽ നേരിൽ കാണാമെന്ന് വരെ പ്ലാൻ ചെയ്ത് കഴിയുമ്പോഴാണ് പെട്ടെന്ന് ഞെട്ടിക്കുന്ന ഒരു സർപ്രൈസ്. പെൺകുട്ടിയാണെന്ന് പറഞ്ഞ് അത്രയും നേരം തന്നോട് സംസാരിച്ചിരുന്നത് ഒരു പുരുഷനാണെന്ന് മനസിലാകുന്നു. വീണ്ടും അപമാനിക്കല്ലേ എന്ന സേം ഡയലോഗ് അടിച്ച് പയ്യെ ‘കള്ളക്കാമുകൻ’ രക്ഷപ്പെടുന്നു.

നിരവധി പേരാണ് ഈ വീഡിയോയ്ക്ക് താഴെ കമന്റുകളുമായി എത്തിയിരിക്കുന്നത്. ധാരാളം പേർ സോഷ്യൽ മീഡിയയിൽ ഈ വീഡിയോ ഷെയർ ചെയ്തിട്ടുമുണ്ട്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook