‘പണി വരുന്നുണ്ട് അവറാച്ചാ’; ‘ട്രാൻസി’നെ ശപിച്ച് പാസ്റ്റർ

രണ്ടു ലക്ഷത്തില്‍പ്പരം പേര്‍ ഇതിനോടകം കണ്ട വീഡിയോയില്‍ ‘സിനിമയ്ക്ക് പിന്നിൽ പ്രവർത്തിച്ച സകല ആളുകൾക്കും മേൽ ദൈവത്തിന്റെ പ്രവർത്തി പ്രതിഫലിക്കപ്പെടുമെന്നും, സിനിമ കാണുന്നതോടെ പാസ്റ്റർമാർ ചെയ്യുന്നതെന്തെന്ന് അറിയാൻ കൂടുതൽ പേർ അങ്ങോട്ട് ഒഴുകിവരുമെന്നും’ പറയുന്നു.

trance movie download, trance movie download tamilrockers, trance movie download malayalam, trance movie video, trance full movie download, trance full movie online, trance full movie malayalam, trance full movie watch online, trance full movie download

‘സൗഖ്യ ശുശ്രൂഷകനാ’യി ഫഹദ് ഫാസിൽ അഭിനയിച്ച അൻവർ റഷീദ് ചിത്രം ‘ട്രാൻസി’നെ വിമര്‍ശിച്ച് ഒരു പാസ്റ്റര്‍ നടത്തുന്ന പ്രസംഗമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. നാല് മിനിറ്റോളം ദൈര്‍ഘ്യമുള്ള വീഡിയോയില്‍ ‘എന്തിനെക്കുറിച്ച് സിനിമ പിടിക്കണം എന്നറിയാത്തവർക്ക് ഇപ്പോൾ പാസ്റ്റർമാരാണ് വിഷയം. തങ്ങളുടെ പേര് ഉപയോഗിച്ച് സിനിമയുണ്ടാക്കി പണമുണ്ടാക്കുകയാണ് സിനിമാക്കാരെന്ന്’ ആരോപിക്കുന്നു. വേറെ നിവർത്തിയില്ലെങ്കിൽ അങ്ങനെ ചെയ്തോളൂവെന്ന് പറഞ്ഞ് ഒടുവില്‍ പാസ്റ്റർ ചിത്രത്തിന്റെ അണിയറപ്രവർത്തകരെ ശപിക്കുകയും ചെയ്യുന്നുണ്ട്.

രണ്ടു ലക്ഷത്തില്‍പ്പരം പേര്‍ ഇതിനോടകം കണ്ട വീഡിയോയില്‍ ‘സിനിമയ്ക്ക് പിന്നിൽ പ്രവർത്തിച്ച സകല ആളുകൾക്കും മേൽ ദൈവത്തിന്റെ പ്രവർത്തി പ്രതിഫലിക്കപ്പെടുമെന്നും, സിനിമ കാണുന്നതോടെ പാസ്റ്റർമാർ ചെയ്യുന്നതെന്തെന്ന് അറിയാൻ കൂടുതൽ പേർ അങ്ങോട്ട് ഒഴുകിവരുമെന്നും’ പറയുന്നു.

വിന്സന്റ് വടക്കന്‍ രചിച്ച ‘ട്രാന്‍സില്‍’ ഫഹദ് ഒരു ‘ഗോഡ്മാന്‍’ വേഷത്തിലാണ് എത്തുന്നത്‌. നസ്രിയയാണ് നായിക. തമിഴ് സംവിധായകന്‍ ഗൗതം മേനോന്‍ മറ്റൊരു പ്രധാനവേഷത്തില്‍ എത്തുന്നു. ചെമ്പൻ വിനോദ്, സൗബിൻ സാഹിർ, വിനായകൻ, ജോജു ജോർജ്, ധർമജൻ, അശ്വതി മേനോന്‍, ദിലീഷ് പോത്തൻ, വിനീത് വിശ്വൻ, അർജുൻ അശോകൻ എന്നിവരും ചിത്രത്തിൽ അഭിനയിക്കുന്നുണ്ട്.

ക്യാമറ അമല്‍ നീരദ്, എഡിറ്റിംഗ് പ്രവീണ്‍ പ്രഭാകര്‍, ശബ്ദലേഖനം റസൂല്‍ പൂക്കുട്ടി, സംഗീതസംവിധാനം ജാക്ക്സണ്‍ വിജയന്‍, പശ്ചാത്തല സംഗീതം. സുഷിന്‍ ശ്യാം.  ‘ബാംഗ്ലൂർ ഡേയ്സ്,’ ‘പ്രേമം,’ ‘പറവ’ എന്നീ വിജയചിത്രങ്ങൾക്കു ശേഷം അൻവർ റഷീദ് എന്റർടെയ്ൻമെന്റ് നിർമിക്കുന്ന ചിത്രം എന്ന പ്രത്യേകതയും ‘ട്രാൻസി’നുണ്ട്. ഏകദേശം 20 കോടിയാണ് സിനിമയുടെ ബജറ്റ് എന്നാണ്  റിപ്പോര്‍ട്ടുകള്‍.

Trance Malayalam Movie Review: ട്രാന്‍സ് റിവ്യൂ

ചിത്രം മുന്നോട്ടുവയ്ക്കുന്ന പ്രമേയം, ഫഹദിന്റെ സമാനതകളില്ലാത്ത അഭിനയമികവ്, സാങ്കേതികവശങ്ങളിലെ മികവ് എന്നിവയെല്ലാം തന്നെ ‘ട്രാൻസി’നെ മികച്ചൊരു കാഴ്ചാനുഭവമാക്കി മാറ്റുകയാണ്. ഒരു മോട്ടിവേഷണൽ സ്പീക്കർ ആണ് വിജു പ്രസാദ് (ഫഹദ് ഫാസിൽ). കന്യാകുമാരിയിൽ കടലിന് അഭിമുഖമായി ജനലുകളുള്ള വീട്ടിലാണ് തന്റെ സഹോദരൻ കുഞ്ഞനൊപ്പം (ശ്രീനാഥ് ഭാസി) വിജുവിന്റെ താമസം. കടങ്ങളും ജീവിതപ്രാരാബ്ധങ്ങളും സഹിക്കാനാവാതെ ആത്മഹത്യ ചെയ്തൊരു അമ്മയുടെ മക്കളാണ് അവർ.  ചെറുപ്പത്തിലെ അനാഥത്വവും അമ്മയുടെ മരണവും താളം തെറ്റിച്ച  സഹോദരനു വേണ്ടിയാണ് വിജുവിന്റെ ജീവിതം.  അമ്മയുടെ വഴിയെ സഹോദരൻ കൂടി ആത്മഹത്യ ചെയ്യുന്നതോടെ കടുത്ത വിഷാദത്തിലേക്കാണ് വിജുവിന്റെ സഞ്ചാരം.

എന്നാൽ തോറ്റുകൊടുക്കാൻ അയാൾ തയ്യാറായിരുന്നില്ല. കന്യാകുമാരി വിട്ട് മുംബൈയിലേക്ക് ചേക്കേറുകയാണ് വിജു. അവിടെവെച്ച് പരിചയപ്പെടുന്ന ചില കോർപ്പറേറ്റ് ശക്തികൾ വിജുവിനുള്ളിലെ മോട്ടിവേഷണൽ സ്പീക്കറുടെ പ്രതിഭ തിരിച്ചറിയുകയും ‘മറ്റൊരു ഉദ്യമ’ത്തിനായി അയാളെ നിയോഗിക്കുകയും ചെയ്യുന്നു. ആറുമാസത്തോളം നീണ്ട ട്രെയിനിംഗിനൊടുവിൽ വിജു പ്രസാദ് എന്ന ചെറുപ്പക്കാരൻ പാസ്റ്റർ ജോഷ്വോ കാൾട്ടൻ എന്ന ഫെയ്ത്ത് ഹീലറായി മാറുകയാണ്.

പ്രാർത്ഥനയിലൂടെ രോഗശമനം നടത്തുന്ന ജോഷ്വോ കാൾട്ടൻ ചുരുങ്ങിയ കാലം കൊണ്ട് ഇന്ത്യയ്ക്ക് അകത്തും വിദേശത്തുമായി കോടിക്കണക്കിനു വിശ്വാസികളെയാണ് നേടിയെടുക്കുന്നത്. അയാളുടെ വളർച്ചയ്ക്ക് ഒപ്പം തന്നെ ചില പ്രതിസന്ധികളും അയാളെ തേടിയെത്തുകയാണ്. ജോഷ്വോയുടെയും അയാൾക്ക്‌ പിന്നിൽ പ്രവർത്തിക്കുന്ന കോർപ്പറേറ്റ് മാഫിയയുടെയും മതം വെച്ചുള്ള ബിസിനസ്‌ പൊളിച്ചടുക്കാൻ ഒരു മാധ്യമ പ്രവർത്തകൻ (സൗബിൻ ഷാഹിർ ) നടത്തുന്ന ശ്രമം അതിലൊന്നാണ്. തുടർന്നുണ്ടാകുന്ന സംഭവവികാസങ്ങളിലൂടെയാണ് ‘ട്രാൻസി’ന്റെ കഥ വികസിക്കുന്നത്.

Read more: Trance Movie Release & Review Highlights: ‘ട്രാന്‍സ്’ എന്ന ഫഹദ് ഷോ

Trance film, trance song, ട്രാൻസ് പാട്ട്, Trance first look, Fahad Faasil, Fahadh Faasil, ഫഹദ് ഫാസിൽ, ട്രാൻസ്, ട്രാൻസ് ഫസ്റ്റ് ലുക്ക്, Nazriya, നസ്രിയ, Anwar Rasheed, അൻവർ റഷീദ്, Trance release date, ട്രാൻസ് റിലീസ്, Indian express malayalam, IE Malayalam, ഇന്ത്യൻ എക്സ്‌പ്രസ് മലയാളം, ഐ ഇ മലയാളം
Trance Movie Review: നിരവധി ഭാവങ്ങളിലൂടെ കടന്നു പോവുന്നുണ്ട് ഫഹദിന്റെ കഥാപാത്രം

Trance Movie Review: Fahad Faasil excels

നൂറു ശതമാനവും ഒരു ഫഹദ് ഫാസിൽ ഷോ എന്ന് ‘ട്രാൻസി’നെ വിശേഷിപ്പിക്കാം. ആദ്യ ഫ്രെയിം മുതൽ അവസാന ഫ്രെയിം വരെ ചിത്രത്തിൽ നിറഞ്ഞാടുകയാണ് ഫഹദ്. തകർന്ന കുട്ടിക്കാലം, പ്രിയപ്പെട്ടവരുടെ മരണം എന്നിവയൊക്കെ ഏൽപ്പിച്ച ആഘാതത്തെയും വിഷാദാവസ്ഥകളെയും തന്മയത്വത്തോടെ തന്നെ കൈകാര്യം ചെയ്യാൻ ഫഹദിനു കഴിയുന്നുണ്ട്. വിജുവെന്ന പ്രാരാബ്ധക്കാരനിൽ നിന്നും ജോഷ്വോ കാൾട്ടനിലേക്കുള്ള വളർച്ചയും കയ്യടക്കത്തോടെ തന്നെ ഫഹദ് അവതരിപ്പിക്കുന്നുണ്ട്.  ഒറ്റപ്പെടൽ, വിഷാദം, കുറ്റബോധം, ഭ്രമകല്പനകൾ എന്നിങ്ങനെ നിരവധി അവസ്ഥാന്തരങ്ങളിലൂടെയാണ് ഫഹദിന്റെ കഥാപാത്രം  കടന്നു പോവുന്നത്.

ഫഹദിനെ അപേക്ഷിച്ച് താരതമ്യേന സ്ക്രീൻ സ്‌പേസ് കുറവാണെങ്കിലും നസ്രിയയുടെ എസ്തർ ലോപ്പസ് എന്ന കഥാപാത്രവും ശ്രദ്ധ നേടുന്നുണ്ട്. നസ്രിയ ഇതുവരെ ചെയ്ത എല്ലാ കഥാപാത്രങ്ങളിൽ നിന്നും വ്യത്യസ്തമാണ് ‘ട്രാൻസി’ലെ എസ്തർ. ഗൗതം വാസുദേവ് മേനോൻ, ചെമ്പൻ വിനോദ്, ദിലീഷ് പോത്തൻ, സൗബിൻ ഷാഹിർ, ശ്രീനാഥ് ഭാസി, അർജുൻ അശോകൻ, ജിനു ജോസഫ്, ​സ്രിന്റ, അശ്വതി, വിനായകൻ എന്നിങ്ങനെ വലിയൊരു താരനിര തന്നെ ചിത്രത്തിലുണ്ട്. ദിലീഷ് പോത്തൻ, വിനായകൻ എന്നിവരുടെ പ്രകടനമാണ്​ എടുത്തു പറയേണ്ട വേറൊരു കാര്യം.

മദ്യത്തോളമോ മയക്കുമരുന്നോളമോ മനുഷ്യരെ മയക്കാൻ കഴിവുള്ള മതത്തെ ലാഭം കൊയ്യാനുള്ള ആയുധമാക്കുന്ന ഭക്തി വ്യവസായം- പലരും തൊടാൻ ഭയക്കുന്ന വിഷയമാണ്.  അത്തരമൊരു പ്രമേയത്തെ ധൈര്യപൂർവം സമീപിച്ച സംവിധായകൻ അൻവർ റഷീദ് കയ്യടി അർഹിക്കുന്നുണ്ട്. ആൽമരം പോലെ പടർന്നു പന്തലിച്ച ഭക്തി വ്യവസായത്തിന്റെ കടക്കൽ വെച്ചൊരു കത്തിയാണ് ‘ട്രാൻസ്’. വിന്‍സെന്റ് വടക്കനാണ് ചിത്രത്തിന്റെ കഥയൊരുക്കിയിരിക്കുന്നത്.

 

Trance Movie Review: Amal Neerad & Resul Pookkutty

അമൽ നീരദിന്റെ ഛായാഗ്രഹണവും റസൂല്‍ പൂക്കുട്ടിയുടെ സൗണ്ട് ഡിസൈനും ചിത്രത്തിന് വ്യത്യസ്തമായൊരു മൂഡ് ഒരുക്കുന്നുണ്ട്. ജാക്‌സണ്‍ വിജയന്‍- സുഷിന്‍ ശ്യാം ടീമിന്റെ ത്രസിപ്പിക്കുന്ന സംഗീതവും ചിത്രത്തിന്റെ ഹൈലൈറ്റാണ്.

പ്രമേയം, അഭിനയം, സാങ്കേതികത എന്നിവയിലെല്ലാം മികവു പുലർത്തുമ്പോഴും  ആസ്വാദനത്തെ ബാധിക്കുന്ന ചില ഘടകങ്ങളുണ്ട്, അത്  ‘ട്രാൻസി’ന്റെ സമയദൈർഘ്യമാണ്. പലയിടത്തും ഇഴച്ചിലും വലിച്ചുനീട്ടലും അനുഭവപ്പെടുന്നു.  കഥാപാത്രങ്ങള്‍ക്കും സിനിമയുടെ ട്രീറ്റ്‌മെന്റിനും നല്‍കിയ അനാവശ്യമെന്നു തോന്നുന്ന സ്റ്റൈലിംഗും വേണ്ടിയിരുന്നില്ല.

ഒരു കംപ്ലീറ്റ് എന്റർടെയിനർ പ്രതീക്ഷ വച്ച് പോകുന്നവരെ ചിലപ്പോള്‍ ‘ട്രാന്‍സ്’ നിരാശരാക്കിയേക്കാം. പക്ഷേ കാലോചിതമായ കഥ, ഫഹദിന്റെ മിന്നും പ്രകടനം, മികച്ച മേക്കിംഗ്, ധീരമായ സമീപനം എന്നിവ കൊണ്ട് മലയാള സിനിമയുടെ ചരിത്രത്തില്‍ ‘ട്രാൻസ്’ ഇടം പിടിക്കും എന്ന് തീര്‍ച്ച.

ഭക്തി വ്യവസായത്തിന് ആഴത്തിൽ വേരുകളുള്ള കേരളം പോലൊരു സംസ്ഥാനത്ത് ചിത്രം എങ്ങനെ സ്വീകരിക്കപ്പെടുമെന്നും, മതാന്ധത ഗ്രസിക്കുന്ന ഒരു സമൂഹം എങ്ങനെയാണ് ചിത്രത്തോട് പ്രതികരിക്കുക എന്നതും വരുംദിവസങ്ങളിൽ കാത്തിരുന്ന് കാണേണ്ടതാണ്.

Trance movie review: Fahadh Faasil elevates Anwar Rasheed’s film: Read in Trance Movie Review in English

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Pastor cursing fahadh faasil movie trance video goes viral

Next Story
ആരോഗ്യരംഗത്ത് വേറെ ലെവൽ; കേരളത്തെ വാനോളം പുകഴ്‌ത്തി ബിബിസി
The moderation of comments is automated and not cleared manually by malayalam.indianexpress.com