അര്‍ബുദത്തെ അതിജീവിച്ച് തിരിച്ചുവരവ്; വിമാനത്തില്‍ പെണ്‍കുട്ടിയെ കയ്യടിയോടെ വരവേറ്റ് യാത്രക്കാര്‍

അര്‍ബുദത്തെ കീഴടക്കി ഡിസ്നിലാന്‍ഡിലേക്കുള്ള യാത്രയും കഴിഞ്ഞ് വീട്ടിലേക്ക് മടങ്ങുകയായിരുന്നു ജെസ. എന്നാല്‍ വിമാനത്തില്‍ കയറിയ ജെസയെ കാത്തിരുന്നത് വലിയൊരു സര്‍പ്രൈസായിരുന്നു. വ്യത്യസ്തമായൊരു അനൗണ്‍സ്മെന്റോടുകൂടിയാണ് ജെസയെ വിമാനത്തിലേക്ക് സൗത്ത് വെസ്റ്റ് എയര്‍ലൈന്‍സ് സ്വാഗതം ചെയ്തത്.

"നമുക്ക് ഇന്ന് വളരെ സവിശേഷതയുള്ള അതിഥിയുണ്ട്. ഇതാണ് ജെസ, നിങ്ങള്‍ എല്ലാവരും തയാറാണൊ. ജെസ അര്‍ബുദത്തെ അതിജീവിച്ച് ജീവിതത്തിലേക്ക് മടങ്ങിയെത്തിയിരിക്കുകയാണ്," ഈ അനൗണ്‍സ്മെന്റിന് പിന്നാലെ വിമാനത്തിലെ യാത്രക്കാര്‍ കയ്യടിയോടെ ജെസയെ വരവേറ്റു. അനൗണ്‍സ്മെന്റിന് ശേഷം ജെസയ്ക്ക് സന്തോഷകരമായ ഒരു ജീവിതവും എയര്‍ലൈന്‍ ഉദ്യോഗസ്ഥന്‍ ആശംസിച്ചു.

ബുധനാഴ്ചയാണ് മാജിക്കലിന്യൂസ് വീഡിയോ ഇന്‍സ്റ്റഗ്രാമിലൂടെ പങ്കുവച്ചത്. 1.54 ലക്ഷം പേരാണ് ഇതിനോടകം വീഡിയോ കണ്ടത്.