Latest News
ഇന്നും നാളെയും അതിതീവ്ര മഴ; വടക്കന്‍ കേരളത്തില്‍ അഞ്ച് ജില്ലകളില്‍ റെഡ് അലര്‍ട്ട്
മലപ്പുറം കോഴിക്കോട്, കണ്ണൂര്‍, വയനാട്, കാസര്‍ഗോഡ് – റെ‍ഡ് അലര്‍ട്ട്
കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ- ഓറഞ്ച് അലര്‍ട്ട്

വിമാനത്തിൽവച്ച് വൃദ്ധയ്‌ക്ക് ഹൃദയാഘാതം; രക്ഷകരായി നഴ്‌സ് ദമ്പതികൾ, കൈയടി

ഇരുവരും സാമൂഹ്യമാധ്യമങ്ങളിൽ താരങ്ങളായി. ഇരുവരുടെയും കരുതലും ആതുരശുശ്രൂഷ മനോഭാവവും മാതൃകയാണെന്ന് നിരവധിപേർ പ്രശംസിച്ചു

കൊച്ചി: വിമാനത്തിൽവച്ച് ഹൃദയാഘാതമുണ്ടായ വൃദ്ധയ്‌ക്ക് മുൻപിൽ രക്ഷകരായി മലയാളി നഴ്‌സ് ദമ്പതികൾ. മലയാളി നഴ്‌സായ ഷിന്റുവും ഭർത്താവ് ഷിന്റോയുമാണ് വിമാനത്തിൽവച്ച് ഒരു ജീവൻ രക്ഷിച്ചത്. ഇരുവരും സാമൂഹ്യമാധ്യമങ്ങളിൽ താരങ്ങളായി. ഇരുവരുടെയും കരുതലും ആതുരശുശ്രൂഷ മനോഭാവവും മാതൃകയാണെന്ന് നിരവധിപേർ പ്രശംസിച്ചു.

കാനഡയിലെ ടൊറന്റോയിൽ നിന്ന് ഡൽഹിയിലേക്കുള്ള വിമാനത്തിൽവച്ച് പഞ്ചാബ് സ്വദേശിനിയായ വൃദ്ധയ്ക്ക് ഹൃദയാഘാതമുണ്ടാവുകയായിരുന്നു. വൃദ്ധയുടേത് ഹൃദയാഘാതലക്ഷണങ്ങളാണെന്ന് മനസിലാക്കിയ ഷിന്റു ഓടിയെത്തി പ്രാഥമിക ചികിത്സ നൽകുകയായിരുന്നു. കോവിഡ് ഭീഷണി നിലനിൽക്കെയാണ് സ്വന്തം ജീവന്റെ സുരക്ഷ പോലും പരിഗണിക്കാതെ ഷിന്റു ഓടിയെത്തിയത്. ഭർത്താവും സ്റ്റാഫ്‌ നഴ്‌സുമായ ഷിന്റോയും ഷിന്റുവിനെ സഹായിക്കാൻ എത്തി.

Read Also: പേശികൾ ഉറങ്ങുകയായിരുന്നു, പഴയ താളത്തിലേക്ക് എത്താൻ കഠിന പ്രയത്‌നം; ആർത്തിയോടെ ബാറ്റുവീശി കോഹ്‌ലി, വീഡിയോ

വൃദ്ധയുടെ ആരോഗ്യനില മോശമായതിനാൽ വിമാനം ഇടയ്ക്ക് ഇറക്കാനുള്ള ആലോചന പോലും ഉണ്ടായിരുന്നു. പക്ഷേ, ഷിന്റുവിന്റെയും ഷിന്റോയുടെയും ഇടപെടൽ ഒരു ജീവൻ രക്ഷിക്കുകയായിരുന്നു. മലയാളി നഴ്‌സ്‌ ദമ്പതികളുടെ തക്കസമയത്തുള്ള ഇടപെടലാണ് വൃദ്ധയുടെ നില മെച്ചപ്പെടാൻ കാരണമായത്.

വൃദ്ധയുടെ ആരോഗ്യനില സാധാരണ നിലയിൽ ആയതോടെ വിമാനം നേരെ ഡൽഹിക്ക് തന്നെ യാത്ര തുടരുകയുമായിരുന്നു. മലയാളി നഴ്‌സ് ദമ്പതികളുടെ ഇടപെടലിനെ നിരവധി നഴ്‌സുമാർ അടക്കം അഭിനന്ദിച്ചു.

ചുങ്കം ആലപ്പാട്ട് എൻ.എം.ജോസഫ്-ഏലിയാമ്മ ദമ്പതികളുടെ പത്തുമക്കളിൽ ഏറ്റവും ഇളയവളാണ് ഷിന്റു. ചുള്ളിക്കര ഉള്ളാട്ടിൽ ഷിന്റോയുടെ ഭാര്യയാണ് ഷിന്റു. ഇരുവർക്കും മിഖേല, മാർക്കോസ് എന്നീ പേരുകളുള്ള രണ്ട് മക്കളുണ്ട്.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Nurse couple rescued old women in flight

Next Story
വേദനിക്കുന്ന കോടീശ്വരന്മാര്‍ അവിടെ നില്‍ക്കട്ടെ; വിദ്യാർത്ഥികൾക്ക് സഹായമെത്തിച്ച് സന്തോഷ് പണ്ഡിറ്റ്santhosh pandit, സന്താഷ് പണ്ഡിറ്റ്, malayalam Cinema, Malayalam Film Industry, Santhosh pandit facebook post
The moderation of comments is automated and not cleared manually by malayalam.indianexpress.com