scorecardresearch

കോവിഡ് ബാധിച്ചപ്പോൾ അവർ എന്നെ കുറ്റവാളിയെപ്പൊലെ നോക്കി’: ദുരനുഭവും പങ്കുവച്ച് നടി

കുറ്റവാളികളെപ്പോലെ നോക്കുന്നത് നിർത്തുക. ഞാൻ ഒരു കാരിയറാണെന്ന് എനിക്കറിയാമായിരുന്നുവെങ്കിൽ, ഞാൻ മനഃപൂർവ്വം ജോലിക്ക് പോകുമായിരുന്നില്ല.

navya swami, നവ്യയ സ്വാമി, serial actrss, സീരിയൽ നടി, telugu actress, kannada actress, corona,കൊറോണ, coronavirus, കൊറോണ വൈറസ്, covid, കോവിഡ്, covid-19, കോവിഡ്-19, coronavirus in india, കൊറോണ വൈറസ് ഇന്ത്യയിൽ, coronavirus news, കൊറോണ വൈറസ് വാർത്തകൾ, coronavirus update, coronavirus latest, coronavirus latest news, കൊറോണ വൈറസ് ലേറ്റസ്റ്റ്, coronavirus malayalam, iemalayalam, ഐഇ മലയാളം

കോവിഡ് രോഗബാധിതരോട് മറ്റുള്ളവർ മോശം സമീപനം പാലിക്കുന്നതനിനെക്കുറിച്ചുള്ള വാർത്തകൾ പുതിയ കാര്യമല്ല. രോഗം ബാധിച്ചവരെ കുറ്റവാളികളെപ്പോലെ കാണുന്നതിന്റെ ദുരനുഭവങ്ങളും പലരും പങ്കുവച്ചിട്ടുണ്ട്. ഇപ്പോൾ പ്രശസ്ത സീരിയൽ താരം നവ്യ സ്വാമിയാണ് സമാന അനുഭവം പങ്കുവയ്ക്കുന്നത്.

തനിക്ക് കോവിഡ് പോസിറ്റീവ് പരിശോധനാ ഫലം ലഭിച്ചപ്പോൾ ആളുകൾ തന്നെ ഒരു കുറ്റവാളിയെപ്പോലെ കണ്ടുവെന്നാണ് നവ്യ പറയുന്നത്. നാലു ദിവസം മുൻപാണ് നവ്യക്ക് തലവേദനയും ശരീര വേദനയും അടക്കമുള്ള രോഗലക്ഷണങ്ങൾ അനുഭവപ്പെട്ടത്. തുടർന്ന് നടത്തിയ പരിശോധനയിൽ ഇവർക്ക് കോവിഡ് സ്ഥിരീകരിക്കുകയായിരുന്നു. ഷൂട്ടിങ്ങിനായി സീരിയൽ സെറ്റിലുള്ള സമയത്തായിരുന്നു നവ്യക്ക് കോവിഡ് പരിശോധനാ ഫലം ലഭിച്ചത്.

Read More: ആലിയ ഭട്ടും മഹേഷ് ഭട്ടും ഹിന്ദു വികാരം വ്രണപ്പെടുത്തിയെന്നാരോപിച്ച് പരാതി

“ഞാൻ എന്റെ ഡോക്ടറെ വിളിച്ചു, പരിശോധന നടത്താൻ അദ്ദേഹം എന്നെ ഉപദേശിച്ചു, ഞാൻ ദിവസേന നിരവധി ആളുകളുമായി ഇടപഴകുന്നു എന്നതിനാൽ. ചൊവ്വാഴ്ച വൈകുന്നേരം എനിക്ക് പോസിറ്റീവ് ഫലം ലഭിച്ചതായി അറിയിപ്പ് കിട്ടി. ആ സമയത്ത് ഞാൻ സെറ്റിലുണ്ടായിരുന്നു. ഞാൻ അക്ഷരാർത്ഥത്തിൽ നിലവിളിച്ചു, ” നവ്യ പറയുന്നു.

 

View this post on Instagram

 

A post shared by Navya Swamy (@navya_swamy) on

രോഗം സ്ഥിരീകരിച്ചതായി അറിഞ്ഞപ്പോൾ താൻ എന്തോ വലിയ ദ്രോഹം ചെയ്തത് പോലെയാണ് ആളുകൾ തന്നോട് ഇടപെട്ടതെന്ന് നവ്യ ഓർത്തെടുത്തു. “സാമൂഹിക അകലം പാലിക്കൽ കോവിഡ് പ്രോട്ടോക്കോളിന്റെ ഭാഗമാണെന്നത് ശരിയാണ്, എന്നാൽ ചുറ്റുമുള്ള ആളുകൾ നിങ്ങളുടെ അടുത്ത് വരാൻ വിസമ്മതിക്കുകയും പരസ്പരം മന്ത്രിക്കാൻ തുടങ്ങുകയും ചെയ്യുമ്പോൾ, അത് അസഹ്യമായി തോന്നും. ആളുകൾ എന്നെ ദൂരെ നിന്ന് നിരീക്ഷിച്ചതിനാൽ എനിക്ക് എന്റെ സ്വന്തം ബാഗുകളുമായി കാറിലേക്ക് തിരികെ കൊണ്ടുപോകേണ്ടിവന്നു. എനിക്ക് സ്വയം ചില കുറ്റവാളികളെപ്പോലെയാണ് തോന്നിയത്. ഭാഗ്യത്തിന് എന്റെ ഷോകളുടെ നിർമ്മാതാക്കളും കുറച്ച് സഹപ്രവർത്തകരും പിന്തുണ നൽകി,” നവ്യ പറഞ്ഞു.

Read More: ‘ആത്മഹത്യയുടെ വക്കിലായിരുന്നു ഞാനും’: മനോജ് ബാജ്പേയ് തന്റെ പ്രതിസന്ധി സമയത്തെക്കുറിച്ച് പറയുമ്പോൾ

“രോഗം സ്ഥിരീകരിച്ച വാർത്ത എന്റെ മാതാപിതാക്കളെ മോശമായി ബാധിച്ചു, പ്രത്യേകിച്ച് എന്റെ അമ്മയെ. എന്നാൽ ഒരിക്കൽ അവർ എന്നെ വീഡിയോ കോളിൽ കണ്ടു, എനിക്ക് സുഖമാണെന്ന് അറിഞ്ഞപ്പോൾ അവൾക്ക് കുഴപ്പമില്ലായിരുന്നു,” നവ്യ പറയുന്നു.

കന്നഡ, തെലുഗു സീരിയലുകളിലെ തിരക്കുള്ള താരമാണ് നവ്യ. ചെറിയ രോഗ ലക്ഷണങ്ങൾ മാത്രമാണ് നവ്യ പ്രകടിപ്പിച്ചത്. ഒരാഴ്ചയ്ക്കുള്ളിൽ തനിക്ക് സുഖം പ്രാപിക്കാൻ കഴിയുമെന്ന് ഡോക്ടർ അറിയിച്ചതായും അവർ പറഞ്ഞു.

കോവിഡ് -19 ഉള്ളവരോട് ആളുകൾ എങ്ങനെ പെരുമാറുന്നു എന്നതാണ് ഏറ്റവും വലിയ പ്രശ്നമെന്നും അവർ പറയുന്നു. “അവരെ കുറ്റവാളികളെപ്പോലെ നോക്കുന്നത് നിർത്തുക. ഞാൻ ഒരു കാരിയറാണെന്ന് എനിക്കറിയാമായിരുന്നുവെങ്കിൽ, ഞാൻ മനഃപൂർവ്വം ജോലിക്ക് പോകുമായിരുന്നില്ല. വൈറസ് എല്ലായിടത്തും ഉണ്ട്, നാളെ നിങ്ങൾക്കും ഇത് ലഭിക്കും. അതിനാൽ, അത്തരം ആളുകളോട് നല്ലരീതിയിൽ പെരുമാറുക,” നവ്യ പറഞ്ഞു.

Stay updated with the latest news headlines and all the latest Social news download Indian Express Malayalam App.

Web Title: Navya swami telugu kannada serial actress on attitude against covid