ഞാൻ ഇപ്പോഴാണ് അറിഞ്ഞത്; ആരാധകനെ തള്ളിയിട്ട സംഭവത്തിൽ മാപ്പ് പറഞ്ഞ് നാഗാർജുന

തെലുങ്ക് സൂപ്പർ താരം നാഗാർജുനയുടെ അടുത്തേക്കെത്തുന്ന ആരാധകനെ നടന്റെ സുരക്ഷ ജീവനക്കാർ തള്ളി മാറ്റുന്നതിന്റെ വീഡിയോ സാമൂഹ്യ മാധ്യമങ്ങളിൽ ശ്രദ്ധനേടിയിരുന്നു. എയർപോർട്ടിലൂടെ നടന്ന് നീങ്ങുന്ന താരത്തെ ആരാധകൻ സെൽഫിയെടുക്കാനായി സമീപിക്കുകയായിരുന്നു. സുരക്ഷാ ജീവനക്കാരന്റെ തള്ളലിൽ, താഴെ വീഴാതെ കഷ്ടിച്ചാണ് ഇയാൾ രക്ഷപെട്ടത്.

വീഡിയോ സാമൂഹ്യ മാധ്യമങ്ങളിൽ വൈറലായതോടെ, നിരവധി വിമർശന കമന്റുകളാണ് പ്രത്യക്ഷപ്പെടാൻ തുടങ്ങിയത്. എന്നാൽ ആരാധകൻ തന്നെ സമീപിക്കുന്നതോ, സുരക്ഷ ജീവനക്കാരൻ അദ്ദേഹത്തെ തള്ളി മാറ്റുന്നതോ നാഗാർജുന കാണുന്നില്ല എന്നത് വീഡിയോയിൽ വ്യക്തമാണ്.

This just came to my notice … this shouldn’t have happened!!
I apologise to the gentleman 🙏and will take necessary precautions that it will not happen in the future !! https://t.co/d8bsIgxfI8

— Nagarjuna Akkineni (@iamnagarjuna) June 23, 2024

സംഭവം വ്യാപക പ്രതിഷേധങ്ങൾക്ക് വഴിവച്ചതോടെ മാപ്പ് പറഞ്ഞ് രംഗത്തെത്തിയിരിക്കുകയാണ് നാഗാർജുന. "ഇപ്പോഴാണ് ഈ വിഡിയോ ശ്രദ്ധയിൽപ്പെട്ടത്. ഒരിക്കലും അങ്ങനെ നടക്കരുതായിരുന്നു. അദ്ദേഹത്തോട് ഞാൻ മാപ്പുചോദിക്കുന്നു. ഭാവിയിൽ ഇങ്ങനെ സംഭവിക്കാതിരിക്കാൻവേണ്ട മുൻകരുതലുകളെടുക്കും," വീഡിയോ പങ്കുവെച്ചുകൊണ്ട് നാഗാർജുന എഴുതി.

ഹൈദരാബാദ് വിമാനത്താവളത്തിലാണ് സംഭവം നടന്നത്. നാഗാർജുനയ്ക്കൊപ്പം നടൻ ധനുഷും വിമാനത്താവളത്തിലുണ്ടായിരുന്നു. ആരാധകന് എന്തെങ്കിലും പറ്റിയോ എന്ന് ധനുഷ് തിരിഞ്ഞുനോക്കുന്നതും വീഡിയോയിൽ കാണാം.

Read More Entertainment Stories Here

• ഒന്ന് ഈവെനിംഗ് വാക്കിന് ഇറങ്ങിയതാ; എംജി റോഡിൽ ബ്ലോക്കുണ്ടാക്കിയ പോത്ത് സാർ
• കേരളത്തെക്കുറിച്ച് നാല് വാക്ക് പറയാൻ പറഞ്ഞതേ ഓർമ്മയുള്ളൂ.. പ്രസംഗം പോയ പോക്ക് കണ്ടോ?
• പാട്ടുമായി ജിമിക്കി ജാനകി, കണ്ണിറുക്കി കാണിച്ച് സായിപ്പ്; റീൽ വൈറൽ
• ലാലേട്ടനെ നെഞ്ചിൽ പതിപ്പിച്ച് ആരാധകൻ; സർപ്രൈസുമായി സാക്ഷാൽ മോഹൻലാൽ
• 6300 കോടി ആസ്തി; ഇന്ത്യൻ സിനിമയിലെ ഏറ്റവും സമ്പന്നൻ ഈ സൂപ്പർ താരം
• അവളെ തൊട്ടതെന്തിന്? ഷൂട്ടിംഗിനിടയിലെ പ്രണയം, സല്‍മാനോട്‌ ദേഷ്യപ്പെട്ട് സംവിധായകന്‍
• അച്ഛൻ വെയിറ്ററായി ജോലിചെയ്ത മൂന്നു ഹോട്ടലുകൾ ഇപ്പോഴും എന്റെ സ്വന്തം: സുനിൽ ഷെട്ടി