റോഡിലെ കൂറ്റന്‍ പോസ്റ്റിന് മുകളില്‍ അപകടകരമായ വിധം പുഷ്അപ്പുകള്‍ എടുക്കുന്ന യുവാവ്, വീഡിയോ

ന്യൂഡല്‍ഹി: ആരോഗ്യ പരിപാലനത്തിനായി ജിമ്മില്‍ പോകുന്നവര്‍ ധാരാളമാണ്. ജിമ്മിലെ എക്‌സര്‍സൈസുകള്‍ ഇത്തരക്കാര്‍ സോഷ്യല്‍മീഡിയയില്‍ പങ്കുവെക്കുന്നതും സര്‍വസാധാരണമാണ്. എന്നാല്‍ പൊതുനിരത്തില്‍ സ്ഥാപിച്ചിരിക്കുന്ന സൂചന ബോര്‍ഡിന് മുകളില്‍ കയറി നിന്ന് പുഷ്്അപ്പുകള്‍ ചെയ്യുന്നത് അസാധാരണമാണ്.

റോഡിലൂടെ വാഹനങ്ങള്‍ നീങ്ങുമ്പോള്‍ ഒരാള്‍ റോഡ് സൈന്‍ബോര്‍ഡിന് മുകളില്‍ പുഷ്-അപ്പ് ചെയ്യുന്ന വീഡിയോ വൈറലാകുകയാണ്. ഒഡീഷയിലെ ബൊലാന്‍ഗീര്‍ ജില്ലയിലെ പട്നഗര്‍ എന്ന പട്ടണത്തില്‍ നിന്നാണ് വീഡിയോ എടുത്തിരിക്കുന്നത്. സൈന്‍ബോര്‍ഡില്‍ കയറാനും പുഷ്-അപ്പുകള്‍ നടത്താനും ഇദ്ദേഹത്തെ പ്രേരിപ്പിച്ചത് എന്താണെന്ന് വ്യക്തമല്ല.

ഇന്‍സ്റ്റാഗ്രാം ഉപയോക്താവായ സംബല്‍പുരി മഹാനി (@sambalpuri_mahani._) ആണ് തീയതിയില്ലാത്ത ഈ വീഡിയോ ഓണ്‍ലൈനില്‍ പോസ്റ്റ് ചെയ്തത്. ഈ വീഡിയോ പങ്കിടുമ്പോള്‍, മഹാനി എഴുതി, ''ഇത്തരം അപകടകരമായ അഭ്യാസങ്ങളെ ഞങ്ങള്‍ പ്രോത്സാഹിപ്പിക്കുന്നില്ല … ഈ ദൃശ്യം വിനോദ ആവശ്യങ്ങള്‍ക്ക് മാത്രമുള്ളതാണ്''.

വീഡിയോയ്ക്ക് ഇതുവരെ 59,000 ലൈക്കുകള്‍ നേടിയിട്ടുണ്ട്. 'അവനാണ് എന്‍ഡിഎ സ്ഥാനാര്‍ത്ഥി' വീഡിയോയ്ക്ക് കമന്റ് ചെയ്തുകൊണ്ട് ഒരു ഇന്‍സ്റ്റാഗ്രാം ഉപയോക്താവ് എഴുതി. പുഷ്അപ്പ് ചെയ്യുന്നയാള്‍ മദ്യലഹരിയിലായിരുന്നിരിക്കാമെന്നും പല സ്റ്റണ്ടുകളുടെയും കാര്യത്തിലെന്നപോലെ സോഷ്യല്‍ മീഡിയ ഇടപഴകുന്നതിനുള്ള അപകടകരമായ പ്രവര്‍ത്തനങ്ങളില്‍ ഏര്‍പ്പെട്ടിട്ടില്ലെന്നും പലരും ഊഹിച്ചു.