മുറി ഇംഗ്ലീഷില്‍ സഹായം തേടി ഇന്ത്യക്കാരന്‍; താന്‍ ഇംഗ്ലീഷ് പഠിച്ചതിനെ കുറിച്ച് വെളിപ്പെടുത്തി സുഷമ സ്വരാജ്

കേന്ദ്ര മന്ത്രിസഭയില്‍ സോഷ്യല്‍മീഡിയയിലൂടേയും സജീവമായ സേവനം ചെയ്യുന്ന മന്ത്രിയാണ് സുഷമ സ്വരാജ്. വിദേശകാര്യം സംബന്ധിച്ച കാര്യങ്ങള്‍ക്ക് സോഷ്യല്‍മീഡിയയിലൂടെ ആവശ്യം അറിയിച്ചാല്‍ യാതൊരു താമസവും കൂടാതെ വിദേശകാര്യമന്ത്രി ചെയ്ത് കൊടുക്കാറും ഉണ്ട്. ഇത്തവണ മലേഷ്യയില്‍ താമസിക്കുന്ന ഒരു ഇന്ത്യന്‍ പൗരന് വേണ്ടിയാണ് സുഷമ സഹായഹസ്തം നീട്ടിയിരിക്കുന്നത്. ഗേവി എന്ന് പേരുളള ട്വിറ്റര്‍ അക്കൗണ്ടില്‍ നിന്നാണ് സഹായം ആവശ്യപ്പെട്ട് ട്വീറ്റ് പ്രത്യക്ഷപ്പെട്ടത്.

@SushmaSwaraj@BBCNews@BBCBreaking
I from India in Punjab but I'm now in Malaysia here one my friend mental I want send go back to India but immigration say we are cannot help you first here treatment your friend after can I send India your friend can you ask immigration

— Gavy (@Gavy34196087) March 11, 2019

പഞ്ചാബ് സ്വദേശിയായ അദ്ദേഹം മാനസികമായി സുഖമില്ലാത്ത തന്റെ സുഹൃത്തിനെ ഇന്ത്യയില്‍ എത്തിക്കാന്‍ വേണ്ടിയാണ് സുഷമയോട് സഹായം തേടിയത്. എന്നാല്‍ ഗേവി ട്വീറ്റ് ചെയ്തതില്‍ വ്യാകരണ പിശകുകള്‍ ഉണ്ടായിരുന്നു. അദ്ദേഹത്തിന്റെ ട്വീറ്റ് കണ്ട് നിരവധി പേരാണ് പരിഹാസവുമായി രംഗത്തെത്തിയത്.

There is no problem. After becoming Foreign Minister, I have learnt to follow English of all accents and grammar. https://t.co/2339A1Fea2

— Sushma Swaraj (@SushmaSwaraj) March 11, 2019

എന്നാല്‍ ഗേവിയുടെ രക്ഷയ്ക്ക് സുഷമ സ്വരാജ് തന്നെ രംഗത്തെത്തി. താന്‍ പോലും വിദേശകാര്യ മന്ത്രി ആയതിന് ശേഷമാണ് ഇംഗ്ലീഷ് പഠിച്ചതെന്ന് സുഷമ ട്വീറ്റ് ചെയ്തു. ഇംഗ്ലീഷ് ഉച്ചാരണവും വ്യാകരണവും വിദേശകാര്യ മന്ത്രി ആയതിന് ശേഷമാണ് പഠിച്ചതെന്നാണ് സുഷമ സ്വരാജ് വ്യക്തമാക്കിയത്. ഇതിന് പിന്നാലെ സുഷമയെ പുകഴ്ത്തി നിരവധി പേരാണ് രംഗത്തെത്തിയത്.

Hatsoff to you madam. you are the best. India and Indians proud of you.

— Sanjay Choudhury (@sanjoy715) March 11, 2019

Ma’am you rocked like a legend. Once a legend is always a legend. Your whole term as a foreign minister was magnificent..

— The Constantine (@imashutosh007) March 11, 2019

Ma'am you're a living legend. God bless you :)

— तोहार Woke ऊँगली (@MeetUunngLee) March 11, 2019