ആപ്പിളിനു പകരം യുവാവ് കരടിക്കൂട്ടിലേക്ക് വലിച്ചെറിഞ്ഞത് ഐഫോൺ

മൃഗശാലയിൽ എത്തിയയാൾ കരടിക്കൂട്ടിലേക്ക് അബദ്ധത്തിൽ വലിച്ചെറിഞ്ഞത് ഐഫോൺ. കിഴക്കൻ ചൈനയിലെ ജിയാങ്ഷു പ്രൊവിൻസിലെ യാൻചെങ് വൈൾഡ്‌ലൈഫ് പാർക്കിൽ എത്തിയ ആളാണ് ആപ്പിളിനു പകരം കരടിക്കൂട്ടിലേക്ക് ഐഫോൺ എറിഞ്ഞത്.

കരടികൾക്ക് ആപ്പിളും കാരറ്റും ഇട്ടുകൊടുക്കുന്ന സമയത്താണ് ഇയാൾ അബദ്ധത്തിൽ ഐഫോൺ കൂട്ടിലേക്ക് എറിഞ്ഞതെന്ന് സിജിടിഎൻ റിപ്പോർട്ട് ചെയ്യുന്നു. ഇയാൾ ഫോൺ കൂട്ടിലേക്ക് എറിയുന്നതിന്റെ വീഡിയോ പുറത്തുവന്നിട്ടുണ്ട്. മൃഗശാല ജീവനക്കാരെത്തിയാണ് ഐഫോൺ വീണ്ടെടുത്ത് കൊടുത്തത്. ഫോണിന് കേടുപാടുകൾ പറ്റിയതായി സിജിടിഎൻ റിപ്പോർട്ടിൽ പറയുന്നു.