ഭീമനായി മോഹൻലാലും ഭീഷ്മരായി മമ്മൂട്ടിയും വന്നിട്ടും സീൻ തൂക്കി ശകുനി; ഞെട്ടിച്ച് മലയാളത്തിന്റെ 'മഹാഭാരതം'

മഹാഭാരതം മലയാളത്തിൽ ഒരു സിനിമയായി ഒരുക്കിയാൽ ആരൊക്കെയാകും പ്രധാന വേഷങ്ങളിൽ എത്തുക? പലപ്പോഴും സോഷ്യൽ മീഡിയയിൽ അടക്കം ഇത്തരം ചർച്ചകൾ പ്രത്യക്ഷപ്പെടാറുണ്ട്. ഇപ്പോഴിതാ, എഐ ഉപയോഗിച്ച് നിർമിച്ച മഹാഭാരതത്തിന്റെ ഒരു 'ഡ്രീം കാസ്റ്റിങ്' ആണ് സൈബറിടത്ത് വൈറലാകുന്നത്. 

മലയാളത്തിലെ മുൻനിര താരങ്ങളെ മഹാഭാരതത്തിലെ ഐതിഹാസിക കഥാപാത്രങ്ങളായി അവതരിപ്പിക്കുന്ന വീഡിയോ സിനിമാപ്രേമികൾ ഏറ്റെടുത്തിരിക്കുകയാണ്. ഭീമനായി മലയാളത്തിന്റെ പ്രിയ താരം മോഹൻലാലിനെ ആണ് വീഡിയോയിൽ ആവിഷ്കരിച്ചിരിക്കുന്നത്. ഭീഷ്മപിതാമഹന്റെ ഗാംഭീര്യവും തന്റേടവും മമ്മൂക്കയുടെ രൂപത്തിലാണ് വീഡിയോയിൽ ഒരുക്കിയിരിക്കുന്നത്.

Also Read: "അറിയാലോ മമ്മൂട്ടിയാണ്... ചേർത്തുനിർത്തിയിട്ടേയുള്ളൂ, കൈവിട്ടു കളഞ്ഞിട്ടില്ല ആരെയും"

View this post on Instagram

A post shared by Hafiz (@ihafix)

വില്ലാളിവീരനായ അർജുനന്റെ വേഷത്തിൽ ടൊവിനോ തോമസിനെയും കർണ്ണനായി പൃഥ്വിരാജിനെയും വീഡിയോയിൽ കാണാം. സാന്ത്വനവും തന്ത്രവും മന്ദഹാസവുമായി നിവിൻ പോളിയാണ് ശ്രീകൃഷ്ണന്റെ വേഷത്തിൽ എത്തുന്നത്. ദ്രോണറായി ജയറാം, നകുലനായി റോഷൻ മാത്യു എന്നിവരും വീഡിയോയിലണ്ട്.

Also Read: നിനക്ക് ഞങ്ങളില്ലേ; കുഞ്ഞു പഞ്ചിനെ ചേർത്തുപിടിച്ച് താരങ്ങൾ, വൈറലായി എഐ ചിത്രങ്ങൾ

അതേസമയം, വീഡിയോ കണ്ടെവരെല്ലാം ഒരേസ്വരത്തിൽ പറയുന്നത് 'ശകുനി സീൻ തൂക്കി' എന്നാണ്. നടൻ ഫഹദ് ഫാസിലാണ് ശകുനിയായി മലയാളത്തിന്റെ മഹാഭാരത്തിൽ വേഷമിടുന്നത്. കുന്തിയായി ശോഭന, ദ്രൗപദിയായി ഐശ്വര്യ ലക്ഷ്മി എന്നിവരെയും വീഡിയോയിൽ ചിത്രീകരിച്ചിട്ടുണ്ട്. 9 ലക്ഷത്തിലേറെ കാഴ്ചകൾ നേടി വൈറലാകുന്ന വീഡിയോ "ihafix" എന്ന അക്കൗണ്ടാണ് ഇൻസ്റ്റഗ്രാമിൽ പങ്കുവച്ചിരിക്കുന്നത്.