സജിയായി തിലകൻ, ബോബിയായി ജയറാം; ഈ 'കുമ്പളങ്ങി നൈറ്റ്സി'ലെ ഷമ്മിയെ കണ്ടോ? വീഡിയോ

മലയാള സിനിമയിലെ എക്കാലത്തെയും സൂപ്പർ ഹിറ്റ് ചിത്രങ്ങളിൽ ഒന്നായ 'കുമ്പളങ്ങി നൈറ്റ്‌സ്' ഒരു പുത്തൻ ലുക്കിൽ എത്തിയാൽ എങ്ങനെയിരിക്കും? അതും നമ്മെ വിട്ടുപിരിഞ്ഞ പ്രിയ താരങ്ങളും മലയാളത്തിന്റെ എക്കാലത്തെയും മികച്ച നടീനടന്മാരും ആ വേഷങ്ങളിൽ എത്തുമ്പോൾ. എഐ സാങ്കേതികവിദ്യയിലൂടെ തയ്യാറാക്കിയ ഒരു വീഡിയോയാണ് ഇപ്പോൾ സിനിമാ പ്രേമികൾക്കിടയിൽ ശ്രദ്ധനേടുന്നത്.

കുമ്പളങ്ങി നൈറ്റ്സിൽ സൗബിൻ ഷാഹിർ തകർത്ത് അഭിനയിച്ച സജി എന്ന കഥാപാത്രമായി മലയാളത്തിന്റെ അതുല്യ നടൻ തിലകൻ എത്തുമ്പോൾ, ആ വേഷത്തിന് ലഭിക്കുന്ന ആഴവും ഗൗരവവും വേറെ ലെവലാണ്. ഷെയ്ൻ നിഗത്തിന്റെ ബോബിയായി പഴയ ചോക്ലേറ്റ് ഹീറോ ഇമേജിൽ ജയറാമാണ് എത്തുന്നത്. അന്ന ബെൻ അവതരിപ്പിച്ച ബേബി മോളായി ജയറാമിനൊപ്പം വീഡിയോയിൽ പ്രത്യക്ഷപ്പെടുന്നത് ഉർവശിയാണ്.

Also Read: അവിടെ പാലുകാച്ചൽ, ഇവിടെ കല്യാണം; ശ്രീനിവാസന്റെ ചിറകൊടിഞ്ഞ കിനാക്കളിൽ ധ്യാനും വിനീതും നവ്യയും, എഐ വീഡിയോ

View this post on Instagram

A post shared by Ai Gigs (@aigigs10)

മാത്യു തോമസ് അവതരിപ്പിച്ച ഫ്രാങ്കിയായി നടൻ ബൈജുവും ശ്രീനാഥ് ഭാസി അവതരിപ്പിച്ച ബോണിയായി കലാഭവൻ മണിയും എത്തുമ്പോൾ ഷീല രാജ്കുമാറിന്റെ സതി​ എന്ന കഥാപാത്രമായി പ്രിയ നടി കല്പനെയെയാണ് വീഡിയോയിൽ കാണിക്കുന്നത്. മലയാള സിനിമയുടെ സുവർണ്ണകാലത്തെ ഓർമ്മിപ്പിക്കുന്ന ഈ എഐ പരീക്ഷണം സിനിമ പ്രേമികളുടെ ഹൃദയത്തെ സ്പർശിക്കുന്നതാണ്.

Also Read: "കണ്ടപ്പോൾ തന്നെ കണ്ണ് നിറഞ്ഞു..."; പാർട്ട് ടൈം ജീവനക്കാരന് പെരുവന്താനം പൊലീസിന്റെ സർപ്രൈസ്; വീഡിയോ

അതേസമയം, ഫഹദ് ഫാസിൽ നിറഞ്ഞാടിയ ഷമ്മി എന്ന കഥാപാത്രമായി ശ്രീനിവാസൻ എത്തുന്നതാണ് വീഡിയോയുടെ ഹൈലൈറ്റ്. "aigigs10" എന്ന ഇൻസ്റ്റഗ്രാം പേജാണ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. 

Read More: കൊടുമൺ പോറ്റിയായി മോഹൻലാൽ, ഒപ്പം ആസിഫും; ഇനി മറ്റൊരു മുഖം അത്ര എളുപ്പം അല്ലെന്ന് ആരാധകർ; വീഡിയോ