Google Trends: നറുക്കെടുപ്പിനു പിന്നാലെ വിഷു ബംപർ ഗൂഗിളിലും ട്രെൻഡിങ്

സംസ്ഥാന ഭാഗ്യക്കുറി വകുപ്പിന്റെ വിഷു ബംപറിന്റെ ഒന്നാം സമ്മാനം ഇത്തവണ നേടിയത് പാലക്കാട് നിന്ന് വിറ്റഴിച്ച ടിക്കറ്റിനാണ്.  VD 204266 എന്ന ടിക്കറ്റാണ് 12 കോടി രൂപയുടെ ഒന്നാം സമ്മാനത്തിന് അർഹമായത്. കഴിഞ്ഞ സമ്മർ ബംപർ ടിക്കറ്റിന്റെ ഒന്നാം സമ്മാനം നേടിയതും പാലക്കാട് വിറ്റ ടിക്കറ്റിനായിരുന്നു.

ഇന്ന് ഉച്ചയ്ക്ക് രണ്ടു മണിയോടെയാണ് നറുക്കെടുപ്പ് നടന്നത്. ഭാഗ്യശാലിയെ പ്രഖ്യാപിച്ചതിനു പിന്നാലെ ലോട്ടറി ഫലം തിരഞ്ഞ് നിരവധി ആളുകളാണ് ഗൂഗിളിൽ എത്തിയത്. ഗൂഗിളിന്റെ ഔദ്യോഗിക കണക്ക് പ്രകാരം രണ്ടു മണിക്കൂറിനുള്ളിൽ ഒരു ലക്ഷത്തിലധികം സെർച്ചുകളാണ് ഉണ്ടായത്. ഗുഗിൾ ട്രെൻഡിങ്ങിലും കേരള ലോട്ടറി ഇടംനേടിയിട്ടുണ്ട്.

വൻ ഡിമാൻഡ് ആയിരുന്നു ഇത്തവണ വിഷു ബംപറിന്. ഏപ്രിൽ രണ്ടിന് ടിക്ക്റ്റ് വിൽപ്പന ആരംഭിച്ചത് മുതൽ റെക്കോർഡ് വിൽപ്പനയാണ് നടക്കുന്നതെന്ന് ലോട്ടറി ഏജന്റുമാർ പറയുന്നു. ആകെ 45 ലക്ഷം ടിക്കറ്റുകൾ വിൽപ്പനക്കെത്തിയതിൽ 42,87,350 ടിക്കറ്റുകളും വിറ്റു പോയിരുന്നു. പാലക്കാട് ജില്ലയിൽ തന്നെയാണ് ഏറ്റവും കൂടുതൽ ടിക്കറ്റ് വിറ്റു പോയതും. ഇതുവരെ 9.21ലക്ഷം ടിക്കറ്റുകൾ ഇവിടെ വിറ്റുപോയി.

Also Read: വിഷു ബംപർ; ഒന്നാം സമ്മാനം VD 204266 എന്ന ടിക്കറ്റ് നമ്പരിന്

തിരുവനന്തപുരമാണ് വിൽപ്പനയിൽ രണ്ടാം സ്ഥാനത്ത്. തിരുവനന്തപുരത്ത് 5.22ലക്ഷം ടിക്കറ്റുകളാണ് വിറ്റുപോയത്. മൂന്നാം സ്ഥാനത്തുള്ള തൃശ്ശൂരിൽ 4.92ലക്ഷം ടിക്കറ്റുമാണ് വിറ്റത്. ആറ് പരമ്പരയിലാണ് ടിക്കറ്റ് അച്ചടിച്ചത്. രണ്ടാം സമ്മാനമായി ആറു പരമ്പരകളിലും ഓരോ കോടി രൂപ വീതം നൽകും. കൂടാതെ മറ്റു സമ്മാനങ്ങളും ഉൾപ്പെടുന്നു.

Also Read: ഭാഗ്യദേവതയുടെ കടാക്ഷം ഇത്തവണയും കരിമ്പനകളുടെ നാട്ടിൽ

രണ്ടാം സമ്മാനം: ഒരു കോടി രൂപ വീതം (ആറ് പേർക്ക്/ ആറ് സീരീസുകളിലും). മൂന്നാം സമ്മാനം: 10 ലക്ഷം രൂപ വീതം (ആറ് പേർക്ക്/ ആറ് സീരീസുകളിലും). നാലാം സമ്മാനം: അഞ്ച് ലക്ഷം രൂപ വീതം (ആറ് പേർക്ക്/ ആറ് സീരീസുകളിലും). മറ്റ് സമ്മാനങ്ങൾ: 5,000 രൂപ (അഞ്ചാം സമ്മാനം), 2,000 രൂപ (ആറാം സമ്മാനം), 1,000 രൂപ (ഏഴാം സമ്മാനം), 500 രൂപ (എട്ടാം സമ്മാനം), 300 രൂപ (ഒമ്പതാം സമ്മാനം).

Read More: ഒടിടിയിലെത്തും മുൻപ് 'തുടരും' ഗൂഗിളിൽ ട്രെൻഡിങ്