'കേരളം യുഎഇയിലോ ഇന്ത്യയിലോ ? കുറച്ചെങ്കിലും ചിന്തിക്കൂ' മോദിയോട് ജിഗ്നേഷ് മേവാനി

പ്രളയ ദുരന്തമനുഭവിക്കുന്ന കേരളത്തിനോട് കടുത്ത അവഗണനയാണ് കേന്ദ്ര സര്‍ക്കാര്‍ കാണിക്കുന്നത് എന്ന വിമര്‍ശനം ശക്തമാകെ മോദിയെ കടന്നാക്രമിക്കുകയാണ് ഗുജറാത്തിലെ വഡാഗാമില്‍ നിന്നുമുള്ള സ്വതന്ത്ര എംഎല്‍എയായ ജിഗ്നേഷ് മേവാനി. ട്വിറ്ററിലൂടെയാണ് ജിഗ്നേഷ് മേവാനിയുടെ പ്രതികരണം.

@PMOIndia केरल के मजदूर बड़ी तादात में होने के चलते UAE ने 700 करोड़ दिए और हमारी खुद की सरकार केवल 500 करोड़ दे? केरल UAE में है या India में? मोदी साहब थोड़ा तो सोचिये। राष्ट्रीय आपदा नहीं तो राष्ट्रीय शोक तो घोषित कीजिए। इसमे तो कोई पैसा नहीं लगेंगाना? इतना तो करना ही चाहिये

— Jignesh Mevani (@jigneshmevani80) August 22, 2018

" കേരളത്തിന് യുഎഇ സര്‍ക്കാര്‍ എഴുന്നൂറ് കോടി വാഗ്‌ദാനം ചെയ്തപ്പോള്‍ നമ്മുടെ തന്നെ സര്‍ക്കാര്‍ അനുവദിച്ചത് അഞ്ഞൂറ് കോടിയാണ്. കേരളം യുഎഇയിലാണോ ഇന്ത്യയിലാണോ? അത്രയെങ്കിലും ചിന്തിക്കൂ. കേരളത്തിലെ പ്രളയം ദേശീയ ദുരന്തമല്ല എങ്കില്‍ അത് ദേശീയ ദുഃഖമാണ്. അതെങ്കിലും പ്രഖ്യാപിക്കൂ. അത്രയെങ്കിലും ചെയ്യൂ ' ഗുജറാത്തില്‍ നിന്നുള്ള ദലിത് നേതാവ് ട്വീറ്റ് ചെയ്തു.

കേരളത്തിലെ മഴക്കെടുതിയെ കുറിച്ച് ജിഗ്നേഷ് നേരത്തെയും ട്വീറ്റ് ചെയ്തിട്ടുണ്ട്. കേന്ദ്ര സര്‍ക്കാരും കേന്ദ്രം ഭരിക്കുന്ന നരേന്ദ്ര മോദിയുടെ നേതൃത്വത്തിലുള്ള ബിജെപി സര്‍ക്കാരും കേരളത്തിനോട് കാണിക്കുന്നത് കടുത്ത അവഗണനയാണ്‌ എന്ന് ജിഗ്നേഷ് നേരത്തെയും ട്വീറ്റ് ചെയ്തിട്ടുണ്ട്.

@CMOKerala i am also donating my MLA Salary for this month to the flood affected brothers and sisters of Kerala. This will go to the account Kerala gov. has announced. I appeal to each MLA and MP to contribute at least one month salary like AAP did. @ArvindKejriwal

— Jignesh Mevani (@jigneshmevani80) August 18, 2018

For those in Gujarat, please help and spread the message. Centers for collecting supplies for Kerala disaster relief.

केरल बाढ़ के लिए दान एकत्र करने के लिए केंद्र. #Ahmedabad#KeralaFloodRelief#Keralapic.twitter.com/cqtvnHqcFb

— Jignesh Mevani (@jigneshmevani80) August 18, 2018

മറ്റൊരു ട്വീറ്റില്‍ തന്റെ ഈ മാസത്തെ ശമ്പളം പ്രളയദുരിതം അനുഭവിക്കുന്ന കേരളത്തിലെ സഹോദരങ്ങള്‍ക്ക് സംഭാവന നല്‍കുന്നതായും ജിഗ്നേഷ് അറിയിച്ചിരുന്നു. ഓരോ എംപിമാരും എംഎല്‍എമാരും തങ്ങളുടെ ഒരു മാസത്തെ ശമ്പളം കേരളത്തിന്റെ ദുരിതാശ്വാസ ഫണ്ടിലേക്ക് സംഭാവന ചെയ്യുവാനും അദ്ദേഹം ജിഗ്നേഷ് ആവശ്യപ്പെടുന്നു.