Latest News

ആടിത്തിമിര്‍ത്ത് വനിതാ പൊലീസുകാര്‍; സോഷ്യല്‍ ലോകത്ത് കൈയ്യടി മേളം

​ഐപിഎസ്​ ഉദ്യോഗസ്ഥ ഉൾപ്പടെയുള്ളവർ സ്​റ്റേജിലേക്ക്​ കയറി

ന്യൂഡൽഹി: ആഘോഷപരിപാടികളില്‍ പൊതുവെ തല കാണിക്കാത്തവരാണ് പൊലീസുകാര്‍. വിനോദത്തേക്കാളും മറ്റുളളവരുടെ സുരക്ഷയ്ക്ക് പ്രാധാന്യം കൊടുക്കുന്ന പൊലീസുകാര്‍ വളരെ അപൂര്‍വം വേദികളില്‍ മാത്രമാണ് എല്ലാം മറന്ന് ആഘോഷിക്കാറുളളത്.

ഗായിക സ്വപ്​ന ചൗധരിയുടെ ഗാനത്തിന്​ ഐപിഎസ്​ ഉദ്യോഗസ്ഥ ഉൾപ്പടെയുള്ള വനിത പൊലീസുകാർ നൃത്തം ചെയ്യുന്ന വീഡിയോയാണ് ഇപ്പോള്‍​ വൈറലാവുന്നത്​.

ഡൽഹിയിൽ പൊലീസ്​ അസോസിയേഷൻ പരിപാടിക്കിടെയാണ്​ വനിതാ പൊലീസുകാരുടെ വൈറൽ നൃത്തം അരങ്ങേറിയത്​. സ്​റ്റേജിൽ ‘തേരി ആഗയാ കാ യോ കജോൾ’ എന്ന പാട്ട്​ ആരംഭിച്ചതും നൃത്തവുമായി പൊലീസുകാർ സ്​റ്റേജിലേക്ക്​ എത്തുകയായിരുന്നു. ആദ്യം ഒന്ന്​ രണ്ട്​ പേർ മാത്രമായിരുന്നു നൃത്തം ചെയ്യാനായി എത്തിയതെങ്കിലും പിന്നീട്​ ഐപിഎസ്​ ഉദ്യോഗസ്ഥ ഉൾപ്പടെയുള്ളവർ സ്​റ്റേജിലേക്ക്​ കയറി.

വീഡിയോ വ്യാപകമായാണ് സോഷ്യൽ മീഡിയയില്‍ ഷെയര്‍ ചെയ്യപ്പെട്ടത്. വനിതാ ശാക്തീകരണത്തിന്റെ ഒരു ഉദാഹരണം കൂടിയാണ് ഈ കാഴ്ചയെന്നാണ് ചിലര്‍ അഭിപ്രായപ്പെട്ടത്.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Ips officer shake a leg to sapna choudhary song

The moderation of comments is automated and not cleared manually by malayalam.indianexpress.com
Best of Express