‘ക്ഷമിക്കണം, എനിക്കത് പറയാന്‍ സാധിക്കില്ല’; അഭിനന്ദന്റെ വാക്ക് കടമെടുത്ത് പൊലീസ്

പാക്കിസ്ഥാനിലെ സൈനിക ഓ​പ്പ​റേ​ഷ​നി​ടെ പി​ടി​യി​ലാ​യ വൈ​മാ​നി​ക​ൻ അ​ഭി​ന​ന്ദ​ൻ വ​ർ​ധ​മാ​നെ ആഹ്ലാദത്തോടെയും അഭിമാനത്തോടെയും ആണ് രാജ്യം സ്വീകരിച്ചത്. വെളളിയാഴ്ച്ച രാത്രി 9.15ഓടെ വാഗാ-അത്താരി അതിര്‍ത്തി വഴിയാണ് അഭിനന്ദനെ പാക്കിസ്ഥാന്‍ ഇന്ത്യയ്ക്ക് കൈമാറിയത്. പാക്കിസ്ഥാന്‍ പിടികൂടിയതിന് പിന്നാലെ അദ്ദേഹത്തെ പാക് സ്വദേശികള്‍ ആക്രമിക്കുന്നതിന്റെ വീഡിയോ പുറത്ത് വന്നിരുന്നു. മറ്റ് വീഡിയോകളും പാ​ക്കി​സ്ഥാ​ൻ മാ​ധ്യ​മ​ങ്ങ​ൾ​ക്കു ന​ൽ​കി.

1.24 മി​നി​റ്റ് ദൈ​ർ​ഘ്യ​മു​ള്ള എ​ഡി​റ്റ് ചെ​യ്ത വീ​ഡി​യോ ദൃ​ശ്യ​ങ്ങ​ളാ​ണ് പാ​ക് അ​ധി​കൃ​ത​ർ മാ​ധ്യ​മ​ങ്ങ​ളി​ലൂ​ടെ പു​റ​ത്തു​വി​ട്ട​ത്. വാ​ഗ അ​തി​ർ​ത്തി​യി​ൽ എ​ത്തി​ച്ച അ​ഭി​ന​ന്ദ​നെ ഇ​ന്ത്യ​ക്കു കൈ​മാ​റു​ന്ന​തി​നു തൊ​ട്ടു​മു​ന്പാ​ണ് വീ​ഡി​യോ പാ​ക്കി​സ്ഥാ​ൻ മാ​ധ്യ​മ​ങ്ങ​ൾ പു​റ​ത്തു​വി​ട്ട​ത്. താ​ൻ പാ​ക്കി​സ്ഥാ​ന്‍റെ വ്യാ​മാ​തി​ർ​ത്തി ലം​ഘി​ച്ചെ​ന്നും ത​ന്‍റെ വി​മാ​നം പാ​ക് വ്യോ​മ​സേ​ന വെ​ടി​വെ​ച്ചി​ട്ടെ​ന്നും അ​ഭി​ന​ന്ദ​ൻ പ​റ​യു​ന്ന​താ​യി വീ​ഡി​യോ ദൃ​ശ്യ​ങ്ങ​ളി​ൽ കാ​ണാ​ൻ ക​ഴി​യും. പാ​ര​ച്ചൂ​ട്ടി​ൽ നി​ല​ത്തി​റ​ങ്ങി​യ ത​ന്നെ പാ​ക് സൈ​ന്യ​മാ​ണ് ര​ക്ഷി​ച്ച​തെ​ന്നും അ​ഭി​ന​ന്ദ​ൻ പ​റ​യു​ന്നു. 17 ത​വ​ണ ഈ ​വീ​ഡി​യോ എ​ഡി​റ്റ് ചെ​യ്തി​ട്ടു​ണ്ടെ​ന്നു വി​ദ​ഗ്ധ​ർ പ​റ​യു​ന്നു.

പാ​ക്കി​സ്ഥാ​ൻ സൈ​ന്യ​ത്തെ പ്ര​ശം​സി​ച്ച് സം​സാ​രി​ച്ച അ​ഭി​ന​ന്ദ​ൻ ഇ​ന്ത്യ​ൻ മാ​ധ്യ​മ​ങ്ങ​ളെ വീ​ഡി​യോ​യി​ൽ വി​മ​ർ​ശി​ക്കു​ന്നു​മു​ണ്ട്. പാ​ക്കി​സ്ഥാ​ൻ സേ​ന പ്ര​ഫ​ഷ​ന​ൽ മി​ക​വോ​ടെ​യാ​ണു പ്ര​വ​ർ​ത്തി​ക്കു​ന്ന​തെ​ന്നും ഇ​ന്ത്യ​ൻ മാ​ധ്യ​മ​ങ്ങ​ൾ ചെ​റി​യ കാ​ര്യ​ങ്ങ​ൾ പോ​ലും പൊ​ലി​പ്പി​ച്ചു​കാ​ട്ടു​ന്നു​വെ​ന്നും അ​ഭി​ന​ന്ദ​ൻ വീ​ഡി​യോ​യി​ൽ പ​റ​യു​ന്നു. എന്നാല്‍ പാക് ഉദ്യോഗ്സഥര്‍ ചോദ്യം ചെയ്തപ്പോള്‍ രഹസ്യവിവരങ്ങള്‍ പുറത്ത് പറയാന്‍ അഭിനന്ദന്‍ കൂട്ടാക്കുന്നില്ല.

നിങ്ങളുടെ ദൗത്യം എന്താണെന്ന് ചോദിക്കുമ്പോള്‍ ‘ക്ഷമിക്കണം, ഞാന്‍ അത് പറയാന്‍ പാടില്ല,’ എന്നാണ് അഭിനന്ദന്‍ പറയുന്നത്. ഈ വീഡിയോ പുറത്ത് വന്നതിന് പിന്നാലെ അഭിനന്ദിന്റെ ധീരതയെ ഇന്ത്യയൊട്ടാകെ പുകഴ്ത്തി. ഓരോ ഇന്ത്യക്കാരനും അഭിമാനപൂരിതമാക്കുന്നതായിരുന്നു അദ്ദേഹത്തിന്റെ പ്രവൃത്തി. അദ്ദേഹം പറഞ്ഞ വാക്കുകള്‍ വൈറലായി മാറുകയും ചെയ്തു.

ഓരോരുത്തരും അഭിനന്ദന്റെ വാക്കുകള്‍ സോഷ്യല്‍മീഡിയയില്‍ പകര്‍ത്തി എഴുതി. പ്രധാനപ്പെട്ട ഒരു സന്ദേശം പങ്കുവെക്കാനായി നാഗ്പൂര്‍ പൊലീസും ഈ വാക്ക് ഉപയോഗിച്ചു. ‘ആരെങ്കിലും നിങ്ങളുടെ ഒ.ടി.പി നമ്പര്‍ ചോദിച്ചാല്‍’: ‘ക്ഷമിക്കണം, ഞാന്‍ അത് പറയാന്‍ പാടില്ല’, എന്ന് പറയണമെന്നാണ് നാഗ്പൂര്‍ പൊലീസ് വ്യക്തമാക്കുന്നത്. ഈ ട്വീറ്റ് വൈറലായി മാറുകയും ചെയ്തു. ഇന്നലെ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി രാ​ത്രിയാണ് അ​ഭി​ന​ന്ദ​നെ പാ​ക്കി​സ്ഥാ​ൻ ഔദ്യോ​ഗി​ക​മാ​യി ഇ​ന്ത്യ​ക്കു കൈ​മാ​റി​യ​ത്. വൈ​ദ്യ പ​രി​ശോ​ധ​ന​യ​ട​ക്കം മ​ണി​ക്കൂ​റു​ക​ൾ ന​ട​പ​ടി​ക്ര​മ​ങ്ങ​ൾ നീ​ണ്ട​താ​ണ് അ​ഭി​ന​ന്ദ​ന്‍റെ തി​രി​ച്ചു​വ​ര​വ് വൈ​കി​ച്ച​ത്.