Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

സിക്സ് പാക്ക് വെളിവാക്കി ഹാര്‍ദിക് പാണ്ഡ്യ; ഫോട്ടോഷോപ്പില്‍ എഡിറ്റ് ചെയ്ത് ആരാധകരുടെ മറുപടി

മേല്‍ക്കുപ്പായം ധരിക്കാതെ പ്രത്യക്ഷപ്പെട്ട ബറോഡ താരത്തിന്റെ സിക്സ് പാക്ക് ആബ്സാണ് ചിത്രത്തിലെ ഹൈലൈറ്റ്

ശ്രീലങ്കയ്ക്ക് എതിരായ ടെസ്റ്റ് മത്സരങ്ങളില്‍ നിന്ന് വിട്ടു നില്‍ക്കുകയാണ് ഓള്‍റൗണ്ടറായ ഹാര്‍ദിക് പാണ്ഡ്യ. ശാരീരികമായ വല്ലായ്മകള്‍ അറിയിച്ച് താരം തന്നെയാണ് സെലക്ടര്‍മാരോട് തനിക്ക് വിശ്രമം നല്‍കണമെന്ന് അറിയിച്ചത്.

24കാരനായ താരത്തിന്റെ പരിശീലനവും മേക്കോവറുമൊക്കെ സോഷ്യല്‍മീഡിയ ഏറെ താത്പര്യത്തോടെ ചര്‍ച്ച ചെയ്യാറുണ്ട്. അമേരിക്കന്‍ പോപ്പ് താരമായ ലേഡി ഗാഗയുടെ സ്റ്റൈലിനോടാണ് ഹാര്‍ദിക് പാണ്ഡ്യയുടെ ഹെയര്‍സ്റ്റൈലിനെ ആരാധകര്‍ സാമ്യപ്പെടുത്താറുളളത്. ഹെയര്‍സ്റ്റൈലില്‍ മാത്രമല്ല ഫിറ്റ്നസിലും ഏറെ ശ്രദ്ധിക്കുന്ന താരമാണ് പാണ്ഡ്യ. ഇന്ത്യന്‍ നായകന്‍ വിരാട് കോഹ്‌ലിയെ പോലെ തന്നെ വര്‍ക്ക്ഔട്ടിലും അദ്ദേഹം കണിശക്കാരനാണ്.

പാണ്ഡ്യ കഴിഞ്ഞ ദിവസം ട്വിറ്ററില്‍ പങ്കുവച്ച ചിത്രത്തിന് പിന്നാലെയാണ് ഇപ്പോള്‍ ആരാധകര്‍. അവധിയില്‍ കഴിയുന്ന പാണ്ഡ്യ മാക്സിം ഇന്ത്യ എന്ന മാഗസിന് വേണ്ടി നടത്തിയ ഫോട്ടോഷൂട്ടിന്റെ ചിത്രമാണ് പങ്കുവച്ചത്. മേല്‍ക്കുപ്പായം ധരിക്കാതെ പ്രത്യക്ഷപ്പെട്ട ബറോഡ താരത്തിന്റെ സിക്സ് പാക്ക് ആബ്സാണ് ചിത്രത്തിലെ ഹൈലൈറ്റ്.

ചിത്രം ട്വിറ്ററില്‍ ട്രെന്‍ഡിങ് ആയതോടെ ആരാധകരും രംഗത്തെത്തി. ചിത്രത്തെ പുകഴ്ത്തിയും പാണ്ഡ്യയുടെ കഠിനാധ്വാനത്തെ അഭിനന്ദിച്ചും പോസ്റ്റുകള്‍ പ്രത്യക്ഷപ്പെട്ടു. കൂട്ടത്തില്‍ ചിത്രം മനോഹരമായി എഡിറ്റ് ചെയ്തും ആരാധകര്‍ പാണ്ഡ്യയോടുളള സ്നേഹം കാണിച്ചു.

നേരത്തേ പാണ്ഡ്യയുടെ പുതിയ ഹെയര്‍ സ്റ്റൈലിനേയും ആരാധകര്‍ സ്നേഹത്തോടെ സ്വീകരിച്ചിരുന്നു.

Get the latest Malayalam news and Social news here. You can also read all the Social news by following us on Twitter, Facebook and Telegram.

Web Title: Hardik pandya flaunts abs in latest photo shoot twitteratis photoshop skills result in hilarious memes

Next Story
ഇത്ര സിംപിളാണോ ദ്രാവിഡ്? നവമാധ്യമങ്ങളിൽ വൈറലായി ചിത്രങ്ങൾ
The moderation of comments is automated and not cleared manually by malayalam.indianexpress.com