നടിയെ ആക്രമിച്ച കേസില്‍ അറസ്റ്റിലായ നടന് ദിലീപ് പ്രധാന കഥാപാത്രത്തെ അവതരിപ്പിച്ച ‘രാമലീല’ എന്ന ചിത്രം ഇന്നാണ് തിയറ്ററുകളിലെത്തിയത്. ദിലീപ് ഫാന്‍സിനെ ഒഴിച്ചാല്‍ മറ്റ് പ്രേക്ഷകര്‍ വിട്ടു നില്‍ക്കുകയാണ് ആദ്യ ദിനമെന്നാണ് പുറത്തുവരുന്ന റിപ്പോര്‍ട്ടുകള്‍. ദിലീപിന്റെ ഫ്ലക്സിന് മുകളില്‍ പാലഭിഷേകം നടത്തിയും ചിത്രത്തിന് ഗംഭീര വരവേല്‍പ് ഒരുക്കിയും ഫാന്‍സുകാര്‍ സജീവമാകുമ്പോള്‍ കുടുംബപ്രേക്ഷകരുടെ അസാന്നിദ്ധ്യം കൊണ്ട് ശ്രദ്ധേയമാണ് റിലീസ് ചെയ്ത കേന്ദ്രങ്ങളെല്ലാം. ദിലീപിന്റെ ചിത്രത്തിനെതിരെ സോഷ്യല്‍മീഡിയയിലും പ്രേക്ഷകര്‍ രണ്ട് തട്ടിലായിട്ടുണ്ട്. ചിലര്‍ ചിത്രം തിയറ്ററുകളില്‍ പോയി കാണുമെന്ന് നിലപാട് എടുത്തപ്പോള്‍ ഭൂരിഭാഗവും ഇതിനെതിരെയാണ്. ചിത്രത്തിനെതിരെ നേരത്തേ വ്യക്തമായ നിലപാട് ഉയര്‍ത്തിപ്പിടിച്ചയാളാണ് രശ്മി ആര്‍ നായര്‍. ദിലീപ് ചിത്രത്തിനെതിരെ നിരവധി പോസ്റ്റുകളും ഫെയ്സ്ബുക്കില്‍ പ്രചരിക്കുന്നതിനിടെയാണ് രശ്മിയുടെ പോസ്റ്റ് ശ്രദ്ധേയമാകുന്നത്.
രാമലീല ആദ്യദിനം കണ്ട ഒരു സാങ്കല്‍പ്പിക പ്രേക്ഷകന്‍റെ നിരൂപണം
“നീ വെറും പെണ്ണാണ്” “ഞാന്‍ ഒന്ന് മനസുവച്ചാല്‍ നീ പത്തുമാസം കഴിഞ്ഞേ ഫ്രീ ആകൂ” തുടങ്ങിയ ഓസ്കാര്‍ അവാര്‍ഡ്‌ യോഗ്യമായ റേപ്പ്ഡയലോഗുകള്‍ പഴയകാല മലയാള നടന്മാരായ മോഹന്‍ലാലിന്റെയും മമ്മൂട്ടിയുടെയും സിനിമകളില്‍ പലതവണ കേട്ട് രോമാഞ്ചം കൊണ്ടിട്ടുള്ള എനിക്ക് സിനിമയ്ക്ക് പുറത്തു അത് സ്വയം നടത്താന്‍ കഴിഞ്ഞില്ല എങ്കിലും കൂലിക്ക് ആളെ വച്ച് എങ്കിലും നടത്തി കാണിച്ചു എന്ന് കേള്‍ക്കുന്ന ദിലീപേട്ടനോടുള്ള കടുത്ത ആരാധനയാണ് സാധാരണ ദിലീപ് ചിത്രങ്ങള്‍ക്ക് തീയറ്റര്‍ പരിസരത്ത് പോലും പോകാത്ത എന്നെ ആദ്യദിനം തന്നെ സിനിമ കാണാന്‍ എത്തിച്ചത്.
വിജനമായ തീയറ്റര്‍ പാര്‍ക്കിങ്ങില്‍ കൂടി ടിക്കറ്റ് കൌണ്ടറിലേക്ക് നടന്നു നീങ്ങുമ്പോള്‍ ഭയാനകമായ ഒരു നിശബ്ദത അവിടെ തളംകെട്ടി നിന്നിരുന്നു എനിക്ക് എന്റെ ധൈര്യത്തെ കുറിച്ച് സ്വയം അഭിമാനം തോന്നി ഈ വിജനമായ പാര്‍ക്കിങ്ങില്‍ ഒരു കാറില്‍ ഒരുത്തിയെ കിട്ടിയാല്‍ ഞാനും ദിലെപെട്ടനെ പോലെ കഴിവ് തെളിയിച്ചേനെ എന്ന ആ സത്യം മനസ്സില്‍ ഓര്‍ത്തപ്പോള്‍ തന്നെ എനിക്ക് രോമാഞ്ചം ഉണ്ടായി.
അസാധാരണമായ വരവേല്‍പ്പായിരുന്നു എനിക്ക് തീയറ്ററില്‍ ലഭിച്ചത് സാധാരണ സിനിമയ്ക്ക് ടിക്കറ്റ് എടുക്കണമെങ്കില്‍ നമ്മള്‍ ക്യൂവില്‍ നിന്ന് ഗാന്ധിയുടെ പടം അച്ചടിച്ച ഇന്ത്യന്‍ കറന്‍സി എന്ന് വിളിക്കുന്ന ഒരു കടലാസ്കഷ്ണം നല്‍കണം എന്നാല്‍ ഇതൊന്നും ഇല്ലാതെ ടിക്കറ്റുമായി ഓടി വന്നു സ്നാക്സും തന്ന് എന്നെ വരവേറ്റവരെ കണ്ടപ്പോള്‍ എനിക്ക് വീണ്ടും എന്നോട് തന്നെ ഒരസൂയ തോന്നി . എനിക്ക് അകമ്പടി ആയി കുറെ ചെണ്ടാക്കാരെ അവര്‍ കൂലി കൊടുത്തു കൊണ്ട് നിര്‍ത്തി കൊട്ടിക്കുന്നുണ്ടായിരുന്നു ആനയും അമ്പാരിയും ഇല്ലാത്തത് ഒരു കുറവായി എനിക്ക് തോന്നി.
വിജനമായ തീയറ്ററിനുള്ളിലേക്ക് കടന്ന ഞാന്‍ വീണ്ടും അതിശയിച്ചു ദിലീപേട്ടന്റെ സിനിമകള്‍ ഓടുന്ന തീയറ്ററുകള്‍ ഇങ്ങനെ ആണെങ്കില്‍ അവളെ മര്യാദ പഠിപ്പിക്കാന്‍ കൊണ്ടുവരാന്‍ ഇതിലും നല്ല സ്ഥലം വേറെ ഇല്ലായിരുന്നു, അല്ലേല്‍ വേണ്ട ഓടുന്ന വണ്ടിയില്‍ ഇട്ടു മര്യാദ പഠിപ്പിക്കുന്ന ഹീറോയിസം ഒന്നും തീയറ്ററിനുള്ളില്‍ കിട്ടില്ല. പെറ്റ് കിടക്കാന്‍ സൗകര്യം അന്വേഷിച്ചു എന്റെ വീട്ടില്‍ കയറികൂടുന്ന പൂച്ചയുടെ അറിവില്ലയ്മയോടു എനിക്ക് പുച്ഛം തോന്നി. തലച്ചോറിനുള്ളിലെ ലിംഗം വരെ അഭിനയിക്കുന്ന ദിലീപേട്ടന്റെ അഭിനയ പാടവം കൊണ്ട് കോരിത്തരിപ്പിക്കുന്ന സിനിമ ആണ് രാമലീല. പള്‍സര്‍ സുനിയെട്ടന്‍ ചിത്രീകരിച്ച രംഗങ്ങള്‍ കൂടി ഉള്‍പ്പെടുത്തിയെങ്കില്‍ ഇത്തവണത്തെ നാഷണല്‍ അവാര്‍ഡ്‌ ദിലീപേട്ടന്റെ സെല്ലില്‍ കിടന്നേനെ.
തിരികെ ഇറങ്ങി വരുന്ന വഴി തീയറ്ററിനു മുന്നില്‍ വച്ച് കേരളീയ വസ്ത്രം ധരിച്ച പരിചയക്കാരനായ ഒരു നാട്ടുകാരനെ കണ്ടു അയാളെന്നെ ദയനീയമായി നോക്കുന്നുണ്ടായിരുന്നു “പോയി ചത്തൂടെ മലരേ” എന്നാണോ ആ നോട്ടത്തിന്റെ അര്‍ഥം എന്ന് എനിക്ക് സ്വാഭാവികമായും സംശയം തോന്നി .തിരികെ ഇറങ്ങി മെട്രോ ട്രെയിനില്‍ കയറി ഞാന്‍ വീട്ടിലേക്കു പോകുമ്പോള്‍ ഞാന്‍ എന്ന പുരുഷന്‍ സീറ്റ് കിട്ടാതെ നില്‍ക്കുന്നത് പോലും വക വയ്ക്കാതെ തെല്ലും ബഹുമാനം ഇല്ലാതെ സീറ്റില്‍ ഇരിക്കുന്ന കൊച്ചമ്മമാരെ നോക്കി എന്തൊരു അഹങ്കാരമാണ് ഇവറ്റകള്‍ക്ക് ഇവറ്റകളുടെ ഈ അഹങ്കാരം ശമിപ്പിക്കാന്‍ ആയിരം ദിലീപേട്ടന്‍മാര്‍ ഇനിയും പിറവി എടുക്കേണ്ടിയിരിക്കുന്നു.
Get Malayalam News and latest news update from India and around the world. Stay updated with today's latest Social news in Malayalam at Indian Expresss Malayalam.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
