കൊച്ചി: പള്ളുരുത്തി ശ്രീഭവാനീശ്വര ക്ഷേത്രത്തിലെ പകല്‍പൂരത്തിനിടെ ആന വിരണ്ടോടി. പാലാ കുട്ടിശങ്കരന്‍ എന്ന ആനയാണ് വിരണ്ടത്. സമീപത്ത് നിന്ന ആന കുട്ടിശങ്കരനെ തള്ളിയതിനെ തുടര്‍ന്നാണ് ആന വിരണ്ടത്. ഫെബ്രുവരി 28ന് തുടങ്ങിയ ഉത്സവം മാർച്ച് 11ന് രാവിലെ ആറാട്ടോടെയാണ് അവസാനിച്ചത്. ആറാട്ട് ദിവസമായ മാർച്ച് പത്ത് വൈകീട്ട് നടന്ന ആറാട്ട് പകൽപ്പൂരത്തിനാണ് ആന വിരണ്ടത്.

Read More: ഗോ കൊറോണ ഗോ; പാട്ടു പാടി വൈറസിനെ തുരത്താൻ ശ്രമം, വീഡിയോ വൈറലാവുന്നു

പകല്‍ പൂരത്തിന് തിടമ്പേറ്റിയത് കുട്ടിശങ്കരനായിരുന്നു. ഓടിയ ആന പി.ഗംഗാധരന്‍ റോഡിലൂടെ പോയി മുന്നോട്ട് നീങ്ങാനാകാതെ നിലയുറപ്പിച്ചു. പുറകെ ഓടി വന്ന പാപ്പാന്മാരാണ് ആനയെ സമീപത്തുള്ള വീട്ടുവളപ്പിൽ തളച്ചത്. ഓട്ടത്തിനിടയിൽ ആന നാശനഷ്ടങ്ങളൊന്നും ഉണ്ടാക്കിയിട്ടില്ല.

ആന വിരണ്ട സമയത്ത് എലിഫഫന്റ് സ്ക്വാഡ് സൈറൺ മുഴക്കിയതിനെ തുടർന്ന് ആളുകൾ ഓടിമാറിയതിനാൽ വലിയ ദുരന്തം ഒഴിവായി.

ശ്രീനാരായണ ഗുരു പ്രതിഷ്ഠ നടത്തിയ ക്ഷേത്രങ്ങളിൽ ഒന്നാണ് ശ്രീ ഭവാനീശ്വര ക്ഷേത്രം. സാധാരണ 11 ആനകളെയാണ് പള്ളിവേട്ടയ്ക്കും ആറാട്ടിനും എഴുന്നള്ളിക്കാറുള്ളത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook