ഡബ്‌സ്മാഷ് എന്നു പറയുമ്പോള്‍ മലയാളികള്‍ക്ക് ആദ്യം മനസില്‍ ഓര്‍മ വരുന്ന മുഖം സൗഭാഗ്യ വെങ്കിടേഷിന്റേതായിരിക്കും. വ്യത്യസ്തമായ ശൈലി മാത്രമല്ല, പെര്‍ഫെക്ഷന്‍ കൂടിയാണ് ഡബ്‌സ്മാഷില്‍ സൗഭാഗ്യയെ വ്യത്യസ്തയാക്കുന്നത്.
ഇടയ്ക്ക് സൗഭാഗ്യയുടെ അമ്മയും, നടിയും പ്രശസ്ത നര്‍ത്തകിയുമായ താര കല്യാണും മകള്‍ക്കൊപ്പം ഈ ഡബ്‌സ്മാഷ് കലാപരിപാടിയില്‍ പങ്കാളിയാകാന്‍ തുടങ്ങി. ഇരുവരും ഒന്നിച്ച് അടിപൊളി ഡാന്‍സുകളും പാട്ടുകളും ഡയലോഗുകളുമെല്ലാം അവതരിപ്പിച്ചു.
ഇത്തവണ ഇരുവര്‍ക്കുമൊപ്പം സൗഭാഗ്യയുടെ സുഹൃത്ത് അര്‍ജുന്‍ സോമശേഖറുമുണ്ട്. മൂവരും ചേര്‍ന്നാണ് അവതരിപ്പിച്ചിരിക്കുന്നത്. ദിലീപും റോമയും അഭിനയിച്ച ജൂലൈ 4 എന്ന ചിത്രത്തിലെ ‘ഒരു വാക്കു മിണ്ടാതെ’ എന്ന ഗാനവും, അടുത്തിടെ സോഷ്യല്‍ മീഡിയയില്‍ ഏറ്റവും ഹിറ്റായ ‘അഭിലാഷേ ഒരു 30 സെക്കന്‍ഡ് തരൂ’ എന്ന രാഹുല്‍ ഈശ്വറിന്റെ ഡയലോഗും ചേര്‍ത്താണ് ഡബ്‌സ്മാഷ്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
