അലസമായി വാഹനമോടിക്കാൻ ശ്രമിച്ച ആളെ പിടികൂടുന്നതിനിടെ നാടകീയ രംഗങ്ങൾ. ഡൽഹി ട്രാഫിക് പൊലീസ് കോൺസ്റ്റബിൾ മഹിപാൽ യാദവാണ് കാർ ഡ്രൈവറെ പിടികൂടാൻ ശ്രമിച്ചത്. എന്നാൽ, ഇയാൾ വാഹനം നിർത്തിയില്ല.
കാറിന്റെ ബോണറ്റിൽ പിടിച്ചുകയറി കോൺസ്റ്റബിൾ മഹിപാൽ വാഹനം നിർത്താൻ ശ്രമിച്ചു. ബോണറ്റിൽ തൂങ്ങി കിടന്ന മഹിപാലിനെയും കൊണ്ട് കാർ ഡ്രൈവർ മുന്നോട്ടുപോയി. ഇതിന്റെ സിസിടിവി ദൃശ്യങ്ങൾ ഏറെ ഭയപ്പെടുത്തുന്നതാണ്. കാറിന്റെ വൈപ്പറില്‍ പിടിച്ചാണ് ട്രാഫിക് പൊലീസ് ഉദ്യോഗസ്ഥനായ മഹിപാൽ ബോണറ്റിൽ തൂങ്ങി കിടന്നത്. ഒടുവിൽ ട്രാഫിക് ഉദ്യോഗസ്ഥൻ റോഡിലേക്ക് തെറിച്ചുവീണു. കാർ നിർത്താതെ പോയി. പിന്നീട് ഈ കാറിനു പിന്നിലുണ്ടായിരുന്ന സ്വകാര്യ വാഹനങ്ങൾ ചേർന്ന് കാർ തടഞ്ഞുനിർത്തുകയും വാഹനം ഓടിച്ചിരുന്ന ശുഭം കുമാറിനെ പിടികൂടുകയും ചെയ്തു.
#JUSTIN: A @dtptraffic constable was dragged on the bonnet of a car in South-West Delhi’s Cantonment area on Monday evening after he tried to stop the vehicle for prosecution as the driver was driving rashly. The accused managed to escape but he was caught later. @IndianExpress pic.twitter.com/q6xklfdyaz
— Mahender Singh Manral (@mahendermanral) October 15, 2020
ഇയാൾക്കെതിരെ മഹിപാൽ യാദവ് നൽകിയ പരാതിയിൽ കേസെടുത്തു. ദക്ഷിണ ഡൽഹി കന്റോൺമെന്റ് ഭാഗത്തുവച്ചാണ് സംഭവം. ഐപിസി 186, 353, 279, 337 വകുപ്പുകൾ ചുമത്തിയാണ് ഇവർക്കെതിരെ കേസെടുത്തിരിക്കുന്നത്.
